Jesaea 46:7 - সান্তালী বাইবেল

⁷ Onko do tarenre ladekateko gokʼ idiyedea; ar uniyakʼ jaegareko dohoyedea ar onḍege uni doe tahenkana. Ar ona jaega khon bae ocogokʼkana. Ar jãhãege uni ṭhene rakʼlere hõ bae roṛ ruạṛeda, ar uniyakʼ duk-kosṭo khon hõ bae rukhiyạ daṛeaekana.

Jesaea 46:7 Referans Kwoze

Jesaea 45:20

“Jarwakʼpe ar hijukʼpe, ma hecʼ sorokʼpe, E ape boṅgan hoṛ jạtren paskao akanko. Onko do cetʼ hõ bako baḍaea, one okoe do akoakʼ kaṭ reakʼ goṛhon muṭhạnko gokʼ baṛayetʼ. Onko do nonkan debota ṭhenko koejoṅa okoe do bae bańcao daṛeako.

Jirimiạ 10:5

Onkoren boṅgako do taher goḍare bitʼ akatʼ bhibhiṛkạu khunṭiko leka kanako, onko do katha bako roṛ daṛeakʼa; onko do gokʼ idiko hoyokʼa; ente bako taṛam daṛeakʼa. Alope botorakoa; onko do apeakʼ bako loksan daṛeakʼa, ar bhạlại hõ bako bhạlại daṛeapea.”

Jesaea 46:1

Probhu Isore meneda, “Bel debota doe ombagokʼa ar Nebo debota hõe sombodokʼa; unkinren goṛhon muṭhạnkoakʼ bojha do janwarkore lade idikʼa. Babelrenko okoe do boṅga murhutʼko sewawako kan tahẽkan onko do bojha lekako hoyokʼtakoa, ar laṅga janwarko lạgitʼ hõ bojhako hoyokʼa.

Jona 1:5

Onate jahaj cakʼlaoko do botorte apan ạpinren boṅga ṭhen rakʼ joṅko ehopʼena. Ar jahajre tahẽkan jinisko do jalapuri reakʼ dakʼreko capatʼ khadlekada jemon jahaj rawalokʼtako. Menkhan Jona do noa laharege jahaj bhitrire bolokateye giticʼente acete jạpitʼ akatʼ tahẽkana.

Daniel 3:1

Nebukadnesar raj do turuigel moka usul ar turui moka osar sonaren mitʼṭecʼ boṅga murhutʼe benaokedete Babel disạm reakʼ Dura bilạn ṭạnḍireye dohokedea.

Jirimiạ 2:28

E Jihudạ, apnar lạgitʼ okoe debotakom benao akawan onko do unre okareko tahenkana? Muhinrem paṛaolenre amko bańcao daṛeam khan doko hecʼocoge, ente aema nagrahako menakʼtama ar debotako hõko ḍhergetama.

1 Rapajko 18:40

Unre Eliạ do noae hukumkeda, “Bakʼal debotaren nạbiko sapʼkope. Onkoren mitʼ hoṛ hõ alope paskao ocokoa.” Unre hoṛko do onkoko sapʼketʼkoa. Ar Eliạ do Kisạn soḍokʼte idikate onkoe gocʼketʼkoa.

1 Rapajko 18:26

Okoeṭakʼ ḍaṅgra onkoko hataoan uniko getʼ khanḍa khunḍikedete mońjteko tearkedea. Ona tayom onko do setakʼ khon tikin hạbicʼ Bakʼal debotako hohoadea. Ar ãṭ aṛaṅte hohoaeko ehopʼena, “E Bakʼal debota, de roṛ ruạṛaleme baṛe.” Menkhan cetʼ roṛ ruạṛge bako ńamleda. Ar onko do pinḍko beṛahaete enejokʼko ehopʼena.

1 Samuel 5:3

Dosar hilokʼ hoṛko do setakʼre beretʼkateko ńelkeda Dagon do Probhu Isorakʼ sinduk samaṅre otre taberteye bhindạṛ akana. Ar unre onko do Dagonakʼ muṭhạnko teṅgoketʼte acʼakʼ jaegareko dohokeda.

Jesaea 37:38

Mitʼdin Senakerib do acʼren debota Nisrokakʼ mundilreye dewa sewayetʼkan tahẽkanre uniren hopon Adramelek ar Sareser do onḍe bolokate tarwaṛete unikin gocʼkedea ar Ararat disạmtekin dạṛkeda. Ar uniren hopontetʼ Esarhadon do uni bodolteye rajena.

1 Korinthiko 12:2

Baḍaegeape, Isor bape sewawaekan tahẽkanre ape do nonkan muṭhạnko secʼpe ạyur ocokʼkan tahẽkana one okoe doko guṅgạge.

Jesaea 40:20

Reṅgecʼ hoṛ do boṅga muṭhạn benao lạgitʼ baṅ seakʼ kaṭgeye bachao joṅa. Oka baṅ ḍikạ ḍaketʼ onkan boṅga muṭhạn benao lạgitʼ uni do gạkhuṛ kạrigolgeye sendrayea.

Jesaea 41:7

Kạrigol do sonhar dile emaekana; kuṭạsite kuṭạmicʼ do nihại kuṭạmkạnicʼe udgạu edekana. Uni do rasao reakʼ kạmi ńelteye mena, “Bhagege hoyakana. Uni do jạlạite onakoe kajakeda jemon ona alo laṛaokʼ.

Jesaea 41:28

Ińiń beṅgetʼ ạcurketʼ khan celege bạń ńamletʼkoa; sopolha emokʼ lạgitʼ onko modre okoehõ bạnukʼkoa, one uniń kulile khan roṛ ruạṛe em daṛeạń.

Jesaea 44:12

Kamar do mitʼṭecʼ ṭeṅgocʼe benaoeda ar koela seṅgelreye dhipạueda. Uni do hạtuṛte muṭhạne emakʼkana, ar ti reakʼ daṛete onae benaoeda. Onate uni do reṅgejea ar daṛe komaokʼtaea; ar dakʼ begor ńũteye jhin jhinạukʼa.

Jesaea 47:15

Okoeko soṅgetem kurumuṭuletʼ ar juạn jokhecʼ okoeko tulucʼem karbarletʼ onko do onkageko hoyokʼa. Onko mimitʼko do apan ạpin horteko mohnḍa akana; am bańcaome lạgitʼ mitʼ hoṛ hõ bạnukʼkoa.”

1 Rapajko 18:29

Onko do tikin khon tarasiń okte reakʼ janwar samaṅokʼ okte hạbicʼ boktaokʼtegeko tahẽyena. Menkhan jãhãn aṛaṅge bako ńamleda, ar cele hõ bae roṛ ruạṛatʼkoa, ar mone hõ bae moneyatʼkoa.

Jesaea 41:29

Ńelpe, onko jotogeko ạuṛiyakʼgea, onkoakʼ kạmi do cetʼhõ baṅkana. Onkoren dul muṭhạnko do eken hoe baragge.”

Jirimiạ 11:12

Tinre muhin hijukʼa unre Jihudạ ar Jerusalemren hoṛ do senkate onko debota ṭhenko raga one okoe samaṅre dhupko jeretʼetʼ tahẽkan, menkhan onko do bako rukhiyạ daṛeakʼa.