Jesaea 46:6 - সান্তালী বাইবেল

⁶ Adomko do akoakʼ thạilạkʼ khon sonako upʼ oḍokeda ar tulạte rupạko soṅeda. Ar onakote onko do goṛhon muṭhạn tear lạgitʼ sonharko emako kana; ar tayomte do ona goṛhon muṭhạnko ḍobokʼakʼ kana arko sewawakʼ kana.

Jesaea 46:6 Referans Kwoze

Aposkạmi 17:29

“Enḍekhan uniren hoponkan khan bon Isor do manwa reakʼ kạrigol ar hudis bundiskote benao akatʼ sona, rupạ se dhiriren murti leka hudise do lek baṅkan tabona.

Jirimiạ 10:14

Sanam manwage bin ạkilan ar bebuj kanako; mimitʼ sonhar do akoren benao boṅga muṭhạn iạteko lajao ocokʼa. Uniren dul boṅga muṭhạnko doko ạuṛiyakʼgea, onkore do sahẽtʼge bạnukʼa.

Jirimiạ 10:9

Tạrsis khon koṭecʼ capṛawakʼ rupạ ar Uphas khon sonako ạguiyeda. Ar kạrigol ar sonhar do onakote boṅgako muṛạuetʼkoa. Onko do beguni roṅakʼ kicricʼ ar jeṅgetʼ arakʼ kicricʼko horokʼako kana; ona do gạkhuṛ kạrigol tite benaoakʼ kana.

Jesaea 2:8

Ona chaḍa disạm do boṅga murtikote perecʼgetakoa. Onko do akoakʼ tite benaoakʼ jinisko sewawakʼ kana, ar kạṭupʼte okako benaoetʼkan onageko ḍobokʼakʼ kana.

1 Rapajko 12:28

Unre Jerobiam raj do sopolhakate sonaren barea mĩhũi benao ocoketʼkinạ. Ar ona tayom do hoṛkoe metatʼkoa, “Jerusalemte calakʼ do ape lạgitʼ ạḍi kosṭogea. E Israelko, nokin kangeakin aperen debota do, nokinge Misor disom khon apekin oḍok ạgu akatʼpea.”

Jesaea 45:20

“Jarwakʼpe ar hijukʼpe, ma hecʼ sorokʼpe, E ape boṅgan hoṛ jạtren paskao akanko. Onko do cetʼ hõ bako baḍaea, one okoe do akoakʼ kaṭ reakʼ goṛhon muṭhạnko gokʼ baṛayetʼ. Onko do nonkan debota ṭhenko koejoṅa okoe do bae bańcao daṛeako.

Jesaea 30:22

Unre ape do aperen rupạ ar sonatepe muṛạu akatʼko boṅga murhutʼpe bhõnḍ ocokoa; ar mạilạ kicricʼ lekape giḍikakoa arpe mena, “Men nonḍe khon do sạṅgińokʼpe!”

Jirimiạ 50:38

Akalte uniyakʼ sanam dakʼko ańjedokʼa, ente ona do boṅgakoakʼ disạm kana, ar onko boṅgako do onḍenko hoṛko koṅka ocokoa.

Daniel 3:1

Nebukadnesar raj do turuigel moka usul ar turui moka osar sonaren mitʼṭecʼ boṅga murhutʼe benaokedete Babel disạm reakʼ Dura bilạn ṭạnḍireye dohokedea.

Hosea 13:2

Ńitokʼ uniren hoṛko do arhõ ḍherko kại akada; akoakʼ rupạte onko do ako lạgitʼ dul boṅga muṭhạn, metakʼme gạkhuṛ tite boṅgako benao akadea; ar onako do jotoge kạrigolkoakʼ kạmikana. Nui boṅga reaṅ onkoko mena, “Okoe dãṛẽko samaṅetʼkan onko do mĩhũren boṅgako cokʼae ma.”

Exodus 32:8

Onko do ińakʼ hukum khon pharakteko senakana. Onko do ako lạgitʼ mitʼṭen mĩhũ muṭhạnko benao akawana. Ar otre ombakʼkate uniko ḍobokʼae kana ar uni ńutumte janwar dãṛẽko samaṅetʼkoa arko meneda, ‘E boehako, nuirege aboren debota do menakʼkoa. Noko debotage Misor disạm khonko oḍok ạguakatʼ bona.’ ”

Sereńko 115:7

Ti menakʼ takogea menkhan bako joṭetʼ daṛeakʼa, jaṅga menakʼtakogea menkhan bako taṛam daṛeakʼa. Alaṅ menakʼgea menkhan roṛ hõ baṅ oḍokokʼtakoa.