Jesaea 46:4 - সান্তালী বাইবেল

⁴ Apeakʼ haṛam pạṛiạ hạbicʼ hõ iń doń ini kangea ar apeakʼ bohokʼ upʼ pạnḍukʼ hạbicʼ hõ apeń ghõṛapea, Ińgeń benao akatʼpea, ar ińgeń heo pea; ińgeń ghõṛapea ariń rukhiyạpea.

Jesaea 46:4 Referans Kwoze

Sereńko 71:18

E Isor, teheń do haṛamkate upʼko pạnḍu caba akantińre hõ am do alom bạgi giḍiyińạ; tayom bõsrenko ṭhen amakʼ ektiạri reakʼ katha, ar darakan bõsko ṭhen amakʼ daṛe reakʼ katha baṛe lại sodor ocowạńme.

Sereńko 48:14

Nui Isorge aboren do jaejugren Isor kanae; unige gujukʼ hạbicʼ horkoe udukʼ idiyabona.

Ibriko 13:8

Jisu Mạsi do hola cetʼlekae tahẽkan, teheń hõ onkage menaea ar jaejug hạbicʼ hõ onkageye tahena.

Sereńko 92:14

Ar haṛam umạr hạbicʼ hõko jo bahakʼa; onko do soros ar purṭhạko hoyokʼa.

Jakob 1:17

Jion reakʼ mimitʼ bhage ar niphuṭ dan do serma khon pheḍ hijukʼ kana, ona do Isor ṭhen khonge hijukʼ kana, ar uni do sanam marsalkoren Baba kanae. Uni do parom calakʼkan umul leka bae pheraokʼa.

Ibriko 1:12

Oyonakʼ lekage onako dom lạṭum dohokakʼa, ar kicricʼ leka onako do pherao ocokʼa. Menkhan am do enkagem tahena, ar amakʼ dinko do tishõ baṅ mucạdokʼtama.”

Romiko lạgitʼ Pạul Apostolakʼ ciṭhi 11:29

Isor okae dan ar okoeye hohowae ona babotre acʼakʼ mon do bae bodoltaea.

Malaki 3:6

“Iń kangeạń Probhu Isor do, ińakʼ jãhãn mon bodol do bạnukʼtińạ. Ona iạte E Jakob bõsrenko, ape do bape marao ocokʼa.

Jesaea 43:25

“Ińge amakʼ ghạṭkoń meṭao akada; iń do amakʼ kạiko bạń disạ dohoytama.

Jesaea 41:4

Okoe noa doe kạmi akada? Ar okoe hotete niạ kạmi do hoyakana? Piṛhike piṛhi cetʼko hoyokʼ ona do pạhil khon okoeye ṭhik dohoakada? Iń Probhu Isorge pạhil khon minạńa ar ses okteren hoṛko sãote hõń tahena.”

Jesaea 43:13

Hẽ, pạhil khon ini kangeạń. Okoege ińakʼ ti khon do ohoko rukhiyạ daṛelena. Ińiń kạmile khan ona do okoe hõ bako bạtil daṛeakʼa.”

Malaki 2:16

Israelren Probhu Isore meneda, “Bạhu bạgiye doń hirkhạwakʼ kana.” Ona chaḍa phạdkoren Probhu Isore meneda, “Kicricʼe horokʼetʼ leka okoe do sasantaoakʼte apnare sajaokʼkan uniyakʼ kạmi doń hirkhạwakʼ kana. Onate ape do apeakʼ ontor babotre sontor akae tahenpe, ar phạsiạrako do alope hoyokʼa.”

Sereńko 68:19

Bhorangeae Probhu Isor do, uni do dinạm hilokʼge aboakʼ bojhae ladejoṅ kana; unige aboren babańcaoicʼ Isor do. (Sela)

Sereńko 71:9

Haṛam umerre alom giḍikạńa; ińakʼ daṛe do caba utạrentińạ, ar alom bạgi giḍikạńạ.

Jesaea 48:12

“E Jakob, E ińiń bachao akawan Israel, aben do ińakʼ katha ańjomben. Iń kangeạń uni do; ińge pạhilicʼ ar ińge sesicʼ.