Jesaea 46:2 - সান্তালী বাইবেল

² Unkin debota do mitʼ domtekin sombodokʼa arkin ombakʼ hapekʼa. Unkin do bojha idiko hõ bạkin rukhiyạ daṛeakoa bickom akingekin bondi idi ocokʼa.

Jesaea 46:2 Referans Kwoze

Jirimiạ 48:7

Am do amakʼ kạmi ar dhon cetanrem bhorsa akanre hõ am dom bondi idi ocokʼa, ar Kemos do acʼren naeke ar rajkạmiyạko sãote bondikate saṅgińteye idi ocokʼa.

2 Samuel 5:21

Ar Philisṭiko do akoren murhutʼko onḍeko giḍi oṭokatʼko khan Dạud ar uniren hoṛko do onkoko idiketʼkoa.

Bikʼcạrko 18:24

Mikại roṛ ruạṛatʼkoa, “Ape do aleren boṅgako ar aleren naeke hõpe idi torayedekana. Inạ tayom aleakʼ do ar cetʼ tahẽyena? Ar cekatepe meneda, cetʼ hoyakantama?”

Jesaea 45:20

“Jarwakʼpe ar hijukʼpe, ma hecʼ sorokʼpe, E ape boṅgan hoṛ jạtren paskao akanko. Onko do cetʼ hõ bako baḍaea, one okoe do akoakʼ kaṭ reakʼ goṛhon muṭhạnko gokʼ baṛayetʼ. Onko do nonkan debota ṭhenko koejoṅa okoe do bae bańcao daṛeako.

Jesaea 44:17

Ar sarecʼ hĩste do mitʼṭen debota, metakʼme mitʼṭen goṛhon muṭhạn benaokate otre ombakʼkateye ḍobokʼakʼa are sewawakʼa. Ar uni ṭhen koekateye mena, “Bańcaoińme; am kangeam ińren debota do.”

Jesaea 37:12

Ińren hapṛamko do okoe jạtren hoṛko marao giḍiletʼko onkoren debotako, metakʼme Gosan, Haran, Reseph ar Telasarreko girobasokʼ kan Edonren debotako do cetʼ onkoko rukhiyạ daṛeatʼko tahẽkana?

1 Samuel 5:3

Dosar hilokʼ hoṛko do setakʼre beretʼkateko ńelkeda Dagon do Probhu Isorakʼ sinduk samaṅre otre taberteye bhindạṛ akana. Ar unre onko do Dagonakʼ muṭhạnko teṅgoketʼte acʼakʼ jaegareko dohokeda.

Jesaea 30:6

Dạkhin disạmren janwarko reaṅ nạbi katha: onko goḍetko do kosṭo ar durdosate perecʼ disạm talate ar dhạcri kul ar kul eṅga, bisan biń ar uḍạukʼkan bińkoakʼ disạm talateko calakʼa. Onko do akoakʼ dhon-duribko gadhare ladekate ar damanakʼ jinisko do ũṭ deare ladekate onko jạtrenko ṭhenko idiya one okoe hotete jãhãn labge baṅ hoyokʼtako.

Jirimiạ 51:47

Nonkan okteko khạṭige hijukʼ kana iń do Babelren boṅga murhutʼkoń sạjạikoa; uniyakʼ goṭa disạmge lajaoakʼ hoyokʼa ar uniren gocʼ ocokʼ hoṛ do ona talareko gurokʼa.

Daniel 11:8

Uni do onkoren debotako, dul muṭhạn sanam boṅgako, rupạ ar sonako reakʼ damanakʼ jiniskoe luṭjoṅa ar Misorteye idiya. Ar thoṛa bochor lạgitʼ uni do utạrren raj upạrte jhãp emokʼe ikạ hataṛkakʼa.

Nạhum 1:14

E Niniwi, Probhu Isor do am reaṅe menetʼkana, “Amakʼ ńutum rukhiyại lạgitʼ amre cele hoṛge bako tahena. Amren debotakoakʼ mundilre oka boṅga muṭhạnko menakʼ onakoń marao giḍikakʼa. Ar ạḍitetʼem bạṛicʼgete amakʼ topań teartama.”