Jesaea 46:10 - সান্তালী বাইবেল

¹⁰ Etohopʼ khonge mucạtʼakʼ koń jạhireda, ar sedae khon oka baṅ hoyakan ona hõń lạiyeda. Ińiń men akada, ińakʼ monsubạ do ṭarhao akaege tahena; ar ińakʼ jotowakʼ monsubạń purạutińạ.

Jesaea 46:10 Referans Kwoze

Kạhtukko 19:21

Manwa monre ạḍi lekan phundi tahena, menkhan Probhu Isor okaṭakʼe ṭhik dohoakatʼ onage hoyokʼa.

Sereńko 33:11

Menkhan Probhu Isorakʼ goṭawakʼ do jaejug hạbicʼ tahena; uniyakʼ mon do jug cetan juge tahentaea.

Jesaea 43:13

Hẽ, pạhil khon ini kangeạń. Okoege ińakʼ ti khon do ohoko rukhiyạ daṛelena. Ińiń kạmile khan ona do okoe hõ bako bạtil daṛeakʼa.”

Jesaea 45:21

Dela, mambla samaṅtape, dạkhiltape; ar mitʼsãote sopolhaepe. Niạ ghoṭna hoyokʼ ona do laha khon okoeye men akawatʼpea? Sedaeakʼ ona do lahare okoeye sodor akada? Iń Probhu Isorge cetʼ ona do bạń onka akada? Iń chaḍa ar cele Isorge bạnukʼkoa; iń do dhoromren Isor kạnạń, ar babańcaoicʼ hõ ińge. Iń chaḍa ar cele Isor hõ bạnuiya.

Kạhtukko 21:30

Jãhãn ạkil, jãhãn bud ar jãhãn goṭawakʼge Probhu Isor upạrte ohoge teṅgo daṛelena.

Sereńko 135:6

Ot ar sermare, jalapuri ar khạndriyakʼkore Probhu Isor do acʼakʼ kusi sana lekae kạmikana.

Aposkạmi 5:39

Menkhan Isor secʼ khonakʼ kan khan ohope thir ocodaṛelekoa. Ente hoedaṛeakʼa ape do Isor upạrtegepe lạṛhại kan.”

Jesaea 44:7

Iń leka do okoe menakʼkoa? Uni do onae lại jạhirma. Uni doe lại jạhirma are lạiyạńma, sedae reakʼ darakanakʼko do okoeye lại sodorakada; ar cetʼko darakana ona baṛeye lạima.

Jesaea 46:11

Ińakʼ monsubạ purạutiń lạgitʼ iń do sạṅgiń disạm khon mitʼṭen hoṛiń hoho ạguiyea; uni do purub disạm khon sendra cẽṛẽ lekae hijukʼa. Ar iń okań menakatʼ ona doń purạugea ar okań goṭa akatʼ ona hõń hoeocoygea.

Ibriko 6:17

Isor oka emokʼ lạgitʼe gokʼletʼ, ar okoe onako ńam, onko do noa kiriạ hotete ạḍi pusṭạute udukʼakoe menleda je, uni okaṭakʼe ṭhik akatʼ ona do ar baṅ bodolokʼa. Onate uni do kiriạ hoteteye sạbudkeda okae ṭhik dohoakatʼ ona do hoyokʼgea mente.

Daniel 4:35

Dhạrtiren sanam hoṛ uni ṭhen do cele hõko baṅkana. Uni do serma goḍetko ar dhạrtiren hoṛkoante acʼakʼ kusi sana lekae kạmikana. Nonkan celege bạnukʼkoa, uniyakʼ tiko thir ocodaṛeataea arko men daṛeaea, ‘cetʼem ceka kana am do?’

Genesis 49:10

Ar Silote uni ạuriye hijukʼ hạbicʼ jạt jạtrenko uniyakʼ hukum ạuriko bataotae hạbicʼ, uniyakʼ raj ṭheṅga do Jihudạ bõsrege tahena; ar cakʼlao ṭheṅga do uniyakʼ gunṭhikin talare.

Aposkạmi 15:18

Ar ḍher din laha khon noa do uniyakʼ monre tahẽkana.”

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Aposkạmi 3:23

Ar okoe uniyakʼ katha bae ańjom uni do acʼren hoṛko khone marao giḍiyea.’

Jesaea 14:24

Phạdkoren Probhu Isor do kiriạkateye meneda, “Sạrige, iń oka lekań ṭhik dohoakatʼ onkage hoyokʼa, ona do teṅgo tahena.

Jesaea 25:1

E Probhu, am kangeam ińren Isor do; iń do amgeń sarhaomea ar amakʼ ńutumgeń õṛhẽytama. Oka hahaṛawakʼ kạmiko ḍher din khonem goṭa akatʼ ona do amge purạ pạtiạr salakʼem kạmi akada.

Jesaea 40:8

Ghãs do rohoṛokʼa ar baha do ńurokʼa menkhan aboren Probhu Isorakʼ katha do jaejug tahẽ akan tahenkana.”

Jesaea 41:4

Okoe noa doe kạmi akada? Ar okoe hotete niạ kạmi do hoyakana? Piṛhike piṛhi cetʼko hoyokʼ ona do pạhil khon okoeye ṭhik dohoakada? Iń Probhu Isorge pạhil khon minạńa ar ses okteren hoṛko sãote hõń tahena.”

Jesaea 48:3

Probhu Isore meneda, “Oka hoyakan ona do sedaeregeń menleda; ariń baḍae ocoleda ar ińakʼ moca do onae lại jạhirleda. Ona tayom ackageń onkakeda ar ona do hoyena.

Jesaea 48:14

“Ape sanamko jarwa mitʼkate ańjompe. Goṛhon muṭhạnko reaṅ do lahare okoeye lạiyakada? Babel upạrte Probhu Isorren bachao hoṛko do uniyakʼ sanako purạutaea; Probhu Isorakʼ ti do Babelrenko upạrte rakabokʼa.

Jesaea 53:10

Probhu Isor do acʼakʼ kusilekage uniye talga tạuạkʼ ocokedea ar duke jom ocokedea. Probhu Isorren golam do tinre acʼakʼ jiwiye samaṅtaea unre uni do acʼren hoponkoe ńel ńamkoa ar uniyakʼ bahaokʼ dine baṛhaotaea; uni hotetege Probhu Isorakʼ sana do purạukʼa.

Jesaea 55:11

onkage ińakʼ moca khon oḍokokʼkan katha do hoyokʼgea, iń ṭhen ona do ạuṛiyakʼ baṅ ruạṛ hijukʼa. Menkhan okaṭakʼ iń moneakatʼ onageye kạmiya, ar okaṭakʼ lạgitʼ iń kolletʼ onageye jo baha ocoya.

Jirimiạ 44:28

Ar okoe do lạṛhại khonko bańcaokʼte Misor khon Jihudạ disạmteko ruạṛ hijukʼ onkoakʼ lekha do thoṛage hoyokʼa. Ona tayom Jihudạren sarecʼ okoeko hoṛ Misorte girobasokʼ lạgitʼko hecʼakan onko doko baḍae daṛeakʼa okoeyakʼ katha ṭhik tahena, ińakʼ se onkoakʼ.

Hosea 5:9

Sạjại emakʼ dinre Ephrayim do ujạṛokʼakʼ hoyokʼa. Ar okaṭakʼ do hoyokʼte hõ hoyokʼge ona do Israel gusṭirenko talareń lại sodoretʼkana.

Jobakʼ 23:13

Menkhan jotowakʼre uni do bin bodolicʼ kanae, okoege uni do bako tạkicʼ daram daṛekea; ar uni okae kusiyakʼ onageye kạmikana.

Jesaea 10:12

Probhu Isor do Sion buru ar Jerusalem upạrte acʼakʼ sanam kạmi sạtkateye mena, “Ạsurren rajakʼ bạḍại ontor ar uniyakʼ gorbote perecʼ beṅgetʼ doń sạjạiyea,

Jesaea 41:21

Probhu Isor, metakʼme Jakobren raje meneda, “Apeakʼ mambla samaṅtape, ar sạbudko ạguiytape.

Jeheskel 39:8

Ńelpe, noa do hijukʼkana ar hoyokʼgea. Noa din reakʼ kathage iń Probhu Isor doń menleda.