Jesaea 45:24 - সান্তালী বাইবেল

²⁴ Onko do iń reaṅko roṛa, ‘eken Probhu Isorrege dhorom ar daṛe do menakʼa.’ Hoṛko do iń ṭhenko hijukʼa ar okoe ińko edreạń onko doko lajao ocokʼa.

Jesaea 45:24 Referans Kwoze

Jesaea 41:11

“Okoe am cetanreko raṅgaokʼkan onko do khạṭige lajao arko bemanot ocokʼa. Okoe am upạrteko teṅgonkan onko do cetʼ cinhạge baṅ tahentakoa; onko doko marao utạrokʼa.

Philipiko lạgitʼ Pạul apostolakʼ ciṭhi 4:13

Ar okoe daṛeye imạńkan uni hotetege iń do jotowakʼiń kạmi daṛeakʼ kana.

Jesaea 54:17

Am upạrte tearakʼ khanḍa bhanḍako hõ oka kajrege baṅ jojaokʼa; ar bicạrre am upạrteko teṅgokʼ hoṛko do amge dusirem paṛaokoa. Noa kangea Probhu Isorren golamkoakʼ bakhra do, ar noa kangea onkoakʼ dhorom hõ.”

Ephesiko lạgitʼ Pạul Apostolakʼ ciṭhi 6:10

Sarecʼ katha do nõkʼõe, Probhu Isor sãote mitʼakae tahẽkate uni emakʼ maraṅ daṛete daṛeanko hoyokʼpe.

Johan 12:32

Iń do ot khon coṭteń rakapʼ ocokʼre sanamko iń ṭheniń or sorkoa.”

Johan sodor 22:17

Sonot Jiu ar bạhu kuṛi dokin meneda, “Dela hijukʼme,” Ar okoe noa kathae ańjometʼ uni hõe menma, “Dela hijukʼme.” Okoe tetaṅede kan uni doe hijukʼma ar okoe dakʼ ńũi menetʼkan uni do begor damte jion dakʼe ńũ idi joṅma.

Johan sodor 11:18

Joto jạtrenko raṅgao akana, ar amakʼ edre sodorokʼ reakʼ ghuṛi hõ seṭerakana, ar amren golamko, metakʼme nạbiko ar amren hoṛko ar kạṭicʼ lạṭu jotokoge okoe amko bhoktiamkan onko kuṛại emako reakʼ okte hõ seṭerakana. Ona chaḍa okoe dhạrtiko hạ̃n akatʼ, onko ḍahao maraoko reakʼ okte hõ seṭer akana.”

2 Patras 1:1

Iń Simon Patras do Jisu Mạsiren mitʼṭen golam ar apostolge. Aboren Isor ar babańcaoicʼ Jisu Mạsi doe dhoromgea, ar ona iạte ape hõ ale leka inạ bin mucạtʼ damrepe biswạs akana. Ar noa iạtege ape ṭhen niạ ciṭhiń oletʼkana.

Kolossiko lạgitʼ Pạul Apostolakʼ ciṭhi 1:11

Noa do hoydaṛeakʼgea, ente Isor do acʼakʼ maraṅ daṛete apeye daṛe ocoakatʼpea jemon jao ghuṛi rạskạ salakʼ jotowakʼ sahao ar sombhurikate Isor Babape gun manao joharae. Marsal reakʼ rajosṭire Isorren hoṛko oka ạidạriko hameṭ joṅ ona reakʼ bhạgiyạdar hoyokʼ lạgitʼ uni do lekmankoe hoyoco akatʼpea.

Ephesiko lạgitʼ Pạul Apostolakʼ ciṭhi 3:16

Iń doń koejoṅkana jemon Isorakʼ asambheṛ ṭhonok lekate uni do nonkan daṛeye emape, jemon sonot Jiu hotete apeakʼ ontor do daṛeanakʼ hoyokʼtape,

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

1 Korinthiko 1:30

Jisu Mạsi tulucʼpe mitʼakan ona do Isor khonge hoyakana. Jisu Mạsige abo lạgitʼ Isor ṭhen khone emakan akel do; unige aboren dhoromicʼ, sonoticʼ ar chakʼḍaoicʼ.

Johan 7:37

Ado porob reakʼ mucạtʼ din do mitʼṭecʼ asol din tahẽkana. Enhilokʼ Jisu doe teṅgoyente ãṭ aṛaṅteye menkeda, “Jãhãe hoṛ tetaṅede khan uni do iń ṭhene hijukʼma ar dakʼe ńũ idijoṅma.

Luk 19:27

Ińren bạiriko one okoe ińakʼ raj reakʼ bako khojkan, onko do nonḍe ạgukope ar iń samaṅre gocʼ giḍikakope.’ ”

Luk 13:17

Noa kathae roṛketʼ khan uni upạrteko tahẽkan sanamko doko lajaoena. Menkhan eṭakʼ hoṛko do uniyakʼ maraṅ kạmi ńelte ạḍiko rạskạyena.

Sakariạ 10:12

Ińakʼ daṛete onko do daṛeankoń hoyocokoa ar ińakʼ sana lekageko calakʼa. Iń Probhu Isorge noa katha doń meneda.”

Sakariạ 10:6

“Iń do Jihudạren hoṛko daṛeaniń hoyocokoa ar Josephakʼ, metakʼme Israelren hoṛkoń bańcaokoa. Iń do onkoń ruạṛ ạgukoa, ente onko cetanre mãyã menakʼtińạ. Unre onko do bạń nihạ̃t giḍi akatʼko lekako hoyokʼa, ente ińkangeạń onkoren Isor do; arko hohowạńre onkoakʼ iń ańjomtakoa.

Jirimiạ 33:16

Ona jokhecʼ Jihudạren hoṛ do bańcaoko ńama ar Jerusalemren hoṛ do khạtirjomako girobasokʼa. Uni do niạ ńutumgeye hoho ocokʼa, ‘Probhu Isorge aboakʼ dhorom do.’

Jesaea 61:10

Iń do Probhu Isore ạḍitetʼgeń kusikʼ kana; ińakʼ jiwi do Isorreye hulạsokʼa, ente jãwãe koṛa cetʼleka bohokʼre mạ̃ṛteye abhranokʼ ar bạhu kuṛi cetʼleka acʼakʼ gohnakoteye sajokʼ onkage uni do babańcao reakʼ kicricʼe horokʼ akawạdińa ar dhorom reakʼ oyon aṅgropteye oyo akadińạ.

Jesaea 60:9

Sạrige sạṅgiń disạmren hoṛko do iń lạgitʼko koyokʼ horeda; amren hoponko lạgitʼ sona rupạ reakʼ maraṅ maraṅ Tạrsis jahajko do jotoko khon laha lahate hijukʼkana. Israelren uni sonoticʼ do, amren Probhu Isorakʼ ńutum sarhaotae lạgitʼ amren hoponkoko hijukʼkana, ente uni doe ṭhonok ocoakatʼmea.

Jesaea 55:5

Sạrige, ape do boṅgan hoṛ jạtrenkope hohoakoa, okoe do bako oromakatʼpe, onko do ape ṭhenko ńir hijukʼa. Aperen Probhu Isor, Israelren uni sonoticʼ lạgitʼge onko doko hijukʼa, ente uni do apeye ṭhonok ocoakatʼpea.”

Jesaea 45:25

Ińrege Israelren sanam bõsko do bin dusạn menteko sạbudokʼa ar ińko sarhaoińạ.”

Jesaea 44:8

Alope botorokʼa ar alope thar tharaokʼa. Iń do cetʼ ḍher laha khonge niạko bạń lại jạhir akawatʼpea? Apege ińren goha do; iń chaḍa cetʼ ar jãhãe Isor menakʼkoa? Baṅa, ar jãhãn asray buru do bạnukʼa; iń do ar celege bạń baḍae akatʼkoa.”

Jesaea 26:4

Ape do Probhu Isorre jaejug bhorsa akan tahenpe, ente Probhu, Isor do jaejugren asray buru kanae.

Sereńko 110:2

Amakʼ raj hudạ reakʼ ạidạri Probhu Isor do Sion khone sodor tama; uni doe mena, “Amren bạiriko tala khon am do rajosṭi calaome.”

Sereńko 72:9

Hahaṅkarren hoṛko do uni samaṅreko ombagokʼa. Ar uniren bạiriko do uniko ḍobokʼaea.

Genesis 49:10

Ar Silote uni ạuriye hijukʼ hạbicʼ jạt jạtrenko uniyakʼ hukum ạuriko bataotae hạbicʼ, uniyakʼ raj ṭheṅga do Jihudạ bõsrege tahena; ar cakʼlao ṭheṅga do uniyakʼ gunṭhikin talare.

Jesaea 60:21

Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.

Jesaea 61:11

Otre cetʼleka kahleko omon oḍokokʼ ar bagwanre cetʼleka erakʼko hõ janamokʼ onkage Probhu Isor do sanam jạtrenko samaṅre dhorom ar sarhao reakʼ kahleye omon ocoya.

Habakkuk 3:19

Probhu Isorge ińren daṛe do; uni do jel eṅgawakʼ jaṅga leka ińakʼ jaṅgae hoyocoketʼtińạ ar usul usul ṭhạ̃ite calakʼ reakʼ daṛegeye emạńkana. Sereń cakʼlaoko lạgitʼ tumạlakʼ. Ińakʼ hukum lekate taranakʼ bajnako sãote sereń hoyokʼa.

Sakariạ 8:23

Ona jokhecʼ aema pạrsi ar jạtkoren gel goṭen hoṛ do mitʼṭen Jihudi hoṛakʼ kicricʼ ańcar sapʼkateko mena, ‘ale hõ ape sãotele calakʼa, ente alele ańjom akada, Isor do ape sãorege menaea.’ Iń phạdkoren Probhu Isorge noa katha doń meneda.”

Sereńko 71:16

E Probhu Isor, amakʼ dhorom reakʼ katha lại lạgitʼ amakʼ oṛakʼteń bolokʼa; ar amakʼ dhorom kạmi reakʼ kathageń roṛa.

Sereńko 89:17

Amge coṅ onkoakʼ daṛe reakʼ mońjtetʼma; amakʼ dayatege aleakʼ daṛe reakʼ dereń do coṭteye rakapʼ akantalea.

Sakariạ 12:5

Unre Jihudạren mukhiyạko do mon monteko mena, ‘Jerusalemren hoṛkoge aleakʼ daṛe do, ente phạdkoren Probhu Isor do onkoren Isor kanae.’