Jesaea 45:23 - সান্তালী বাইবেল

²³ Iń do ińakʼ ńutumtegeń kiriyạkʼ kana, ińakʼ dhoromte niạ katha doń meneda, ar ona do baṅ bạtilokʼa. Ona katha do hoyokʼkana, iń samaṅre mitʼke mitʼ gunṭhi do ikhṛumokʼa ar mitʼke mitʼ alaṅ do ińregeye kiriyạkʼa.

Jesaea 45:23 Referans Kwoze

Philipiko lạgitʼ Pạul apostolakʼ ciṭhi 2:10

jemon sermarenko, dhạrtirenko ar ot latarrenko tahenkan onko mitʼke mitʼkoakʼ gunṭhi do Jisu samaṅre ikhṛumokʼtako,

Jesaea 55:11

onkage ińakʼ moca khon oḍokokʼkan katha do hoyokʼgea, iń ṭhen ona do ạuṛiyakʼ baṅ ruạṛ hijukʼa. Menkhan okaṭakʼ iń moneakatʼ onageye kạmiya, ar okaṭakʼ lạgitʼ iń kolletʼ onageye jo baha ocoya.

Jesaea 65:16

Disạm talare jãhãe hoṛ ạsirbade khoj uni do sạriạkʼren Isor ṭhengeye khoja; ar disạm talare jãhãegeye kiriyạkʼ uni do Isor ńutumtegeye kiriạkʼa; ente hoṛ do lahateakʼ kosṭoko hiṛińa ar ińakʼ mẽtʼ samaṅ khon ona do danaṅokʼa.

Jesaea 45:19

Iń do oko danaṅre hõ bạń roṛakada, ńut reakʼ disạmre hõ bạń roṛakada. Ar Jakobren bõsko hõ bạń men akawatʼkoa,, ‘ape do ạuṛiyakʼgepe ńam baṛayedińa.’ Iń Probhu Isor do hok reakʼ kathań roṛeda; ar oka sạriạkʼkan onageń lại jạhireda.

Dosar Biboron 6:13

“Ape do aperen Probhu Isorpe ḍobokʼaea, ar eken uni eskargepe sewawaea ar uni ńutumtegepe kiriạkʼa.

Sereńko 132:2

Uni do Probhu Isor ṭhene kiriạlena, Jakobren uni daṛeanicʼ Isor ṭhen noae gokʼletʼ tahẽkana,

Sereńko 63:11

Raj do mekhan Isor iạtegeye rạskạkʼa; ar okoe Isorakʼ ńutumteko kiriạkʼkan onko do jotoge uni iạteko sarhaokʼa; menkhan phạsiạrakoakʼ moca do bond ocokʼtakoa.

Romiko lạgitʼ Pạul Apostolakʼ ciṭhi 11:4

Menkhan Isor do Eliạ cetʼe roṛ ruạṛe emade tahẽkana? Uniye metade tahẽkana, “Eae hajar herel hoponkoń sarecʼ doho akawana, one onko do Bakʼal-deb ṭhen bako ikhṛum akan.”

Numeri 23:19

Isor do manwae baṅkana onate uni do eṛe kathae roṛa; uni do manwa khon hõ bae janam akana, onate moneye bodoltaea. Uni okae men ona do hoyokʼgea, ar acʼakʼ gokʼakʼ do jaogeye purạueda.

Genesis 31:53

Arben onkale khan Abrahamren Isor ar Nahorren Isor ar onkoren hapṛamkoren Isorge jemonko bicạrlaṅ.” Menkhan Jakob do acʼ apatren Probhu Isor ńutumteye kiriạyena.

Jirimiạ 49:13

Iń do ińakʼ ńutumteń kiriạkʼ kana, Bosra doe marao utạrokʼa ar hirkhạwạnicʼe hoyokʼa. Uniyakʼ dosa ńelte hoṛko torasokʼa ar uniyakʼ ńutumko sarapakʼa. Uniyakʼ sanam ato ar nagrahako do jaejug ujạṛakʼge hoyokʼa.”

Jirimiạ 22:5

Menkhan niạko hukum bape manao enḍekhan iń Probhu Isor do ińakʼ ńutumte kiriạkateń meneda, niạ raj oṛakʼ do jarkharokʼa.’ ”

Amos 6:8

Phạdkoren Probhu Isor do acʼakʼ ńutumte kiriạkateye meneda, “Iń do Jakobakʼ bạḍại ar uniyakʼ gaṛkoń hirkhạwakʼ kana; onate apeakʼ nagraha ar onare menakʼ jotowakʼ do eṭakʼ hoṛakʼ tireń jimạkakʼa.”

Jesaea 48:1

E Jakob bõsrenko, noa ańjompe. Ape okoe do Israelpe ńum ocokʼkan, ape do Jihudạ bõs khonpe hecʼakana, ape do Probhu Isor ńutumtepe kiriyạkʼ kana ar Israelren Isor ṭhenpe koejoṅ kana, menkhan sạri se dhoromte do bape onkayeda.

Jesaea 49:18

Beṛhaete beṅgetʼ ạcurme; ar ńelme amren hoponko do jarwakate am ṭhenko hijukʼkana. Kiriạkateń metamkana, onko jotoge amakʼ abhran lekako hoyokʼa, bapla bạhu kuṛiyakʼ abhran lekage.

Jesaea 60:14

Okoe amko santaoetʼme tahẽkan onkoren hoponko do am ṭhen tumbutʼkateko hijukʼa; ar okoeko nihạ̃tetʼme tahẽkan onko jotoge amko ḍobokʼama ar Probhu Isorakʼ nagraha, Israelren uni sonoticʼakʼ Sion menteko bikạumea.

Jesaea 61:11

Otre cetʼleka kahleko omon oḍokokʼ ar bagwanre cetʼleka erakʼko hõ janamokʼ onkage Probhu Isor do sanam jạtrenko samaṅre dhorom ar sarhao reakʼ kahleye omon ocoya.

Jesaea 62:8

Probhu Isor do acʼakʼ jojom tite, acʼakʼ daṛeanakʼ tite kiriạkateye men akada, “Iń do ar tishõ amakʼ anajko bạirikoakʼ tire bạń emokʼa ar okaṭakʼ darkha rasa lạgitʼpe khaṭaokʼkan ona hõ bidisiạko do tishõ bako ńũiya.

Jirimiạ 4:2

ar sạriyakʼte, hokte ar dhoromte ‘jiwetʼ Probhu Isor ńutumtem’ kiriạkʼ, enḍekhan boṅgan hoṛ jạtrenko do unireko bhorjoṅa ar uniregeko sarhaokʼa.”

Sakariạ 14:9

Ar goṭa dhạrtiren raj do Probhu Isorgeye hoyokʼa. Enhilokʼ manwa do Probhuge Isor menteko aṅgocea, eken uniyakʼ ńutumgeko sewawakʼa.

Sereńko 98:2

Probhu Isor do acʼakʼ bańcao reakʼ kạmiye udukʼ akada; sanam jạtrenko samaṅre acʼakʼ dhorom kạmi reakʼe sodor akada.

Jesaea 21:17

Kedarren dhinkiạko modre thoṛa hoṛge jiwetʼko tahena. Israelren Probhu Isor do niạ kathageye meneda.”