Jesaea 45:22 - সান্তালী বাইবেল

²² “E dhạrti reakʼ ses simạnarenko, iń secʼ ruạṛokʼpe ar bańcaokʼpe, ente iń kangeạń Isor do, iń chaḍa ar cele hõ Isor doko baṅkana.

Jesaea 45:22 Referans Kwoze

Johan 6:40

Ińren Babawakʼ sana do nõkʼõe jemon Hoponko beṅgetʼae ar unire pạtiạukʼ mitʼke mitʼ hoṛ do jaejug jion tahentako. Ińge onko do mucạtʼ dinreń jiwetʼ beretʼkoa.”

Mikạ 7:7

Menkhan iń do Probhu Isor cetanre asiń dohoyeda, ińren babańcaoicʼ Isor lạgitʼ iń koyokʼ horeda. Ińren Isor do ińakʼ kathae ańjomtińạ.

Ibriko 12:2

Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte kurusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

2 Bõsbudạ 20:12

E aleren Isor, am do cetʼ bam bicạrkoa? Noko maraṅ lạṛhại phạdko teṅgo daramko lạgitʼ daṛe aleakʼ do bạnukʼ talea. Ar cetʼle cekaya ona hõ bale baḍaea, menkhan eken am secʼgele koyokʼ hor akada.”

Jesaea 45:21

Dela, mambla samaṅtape, dạkhiltape; ar mitʼsãote sopolhaepe. Niạ ghoṭna hoyokʼ ona do laha khon okoeye men akawatʼpea? Sedaeakʼ ona do lahare okoeye sodor akada? Iń Probhu Isorge cetʼ ona do bạń onka akada? Iń chaḍa ar cele Isorge bạnukʼkoa; iń do dhoromren Isor kạnạń, ar babańcaoicʼ hõ ińge. Iń chaḍa ar cele Isor hõ bạnuiya.

Titus lạgitʼ Pạul Apostolakʼ ciṭhi 2:13

ar aboren maraṅ Isor ar babańcaoicʼ Jisu Mạsiyakʼ ṭhonok reakʼ sodorokʼ do rạskạte bon ńelhor akae tahen.

Jesaea 49:6

Uniye meneda, “Eken Jakobakʼ bõsrenko bańcaoko lạgitʼ ar Israelren sarecʼ hoṛko ruạṛ ạguko lạgitʼ ińren golamem hoyokʼa ona do baṅa; ente ona do ḍherge komgea. Ona chaḍa iń do boṅgan hoṛ jạtrenko ṭhen hõ marsal lekań hoyocomea jemon am hotete goṭa dhạrtiren hoṛ do kại khon bańcaoko ńam.”

Sereńko 65:5

E aleren babańcaoicʼ Isor, amakʼ dhorom reakʼ botoranakʼ kạmikote am do aleakʼ hohom luturakʼa. Dhạrtiren sanam manwa, ar sanam khon sạṅgińrenko ar jalapuri hanasaren hoṛko hõ amreko bhorsakʼa.

2 Patras 1:1

Iń Simon Patras do Jisu Mạsiren mitʼṭen golam ar apostolge. Aboren Isor ar babańcaoicʼ Jisu Mạsi doe dhoromgea, ar ona iạte ape hõ ale leka inạ bin mucạtʼ damrepe biswạs akana. Ar noa iạtege ape ṭhen niạ ciṭhiń oletʼkana.

Sereńko 22:17

Ińakʼ jaṅkoń lekha daṛeakʼ kana; onko hoṛ do cahapʼkateko ńeleń kana arko ńel mojayediń kana.

Jesaea 49:12

Ńelpe, onko do sạṅgiń khonko hijukʼa; okoe do utạr khon, okoe do pạchim khon ar okoe do Sinim disạm khonko hijukʼa.”

Jesaea 30:15

Probhu Isor, Israelren uni sonoticʼ do niạ kathae meneda, “Kại khonpe ruạṛlen khan bańcaope ńama, ar pạtiạrre diṛho akaepe tahelen khan do daṛepe ńama.” Menkhan ape do bape rạmjạulena.

Jesaea 43:6

Ar utạr reakʼ disạm doń metaea, ‘onko aṛakʼkako me,’ Ar dạkhin disạm doń metaea, ‘alom aṭkaokoa. Iń do unkiniń metakinạ, ‘aben do sạṅgiń disạm khon ińren hoponko ạguko ben, ar pirthimi reakʼ ses simạna khon ińren hoponerako ạguko ben.

Jesaea 52:10

Probhu Isor do sanam jạtrenkoakʼ mẽtʼ samaṅre acʼakʼ daṛeanakʼ sonot tiye sodortaea, ar dhạrti reakʼ sanam jaegaren hoṛko do aboren Isorakʼ babańcao reakʼ kạmiko ńela.

Jesaea 55:5

Sạrige, ape do boṅgan hoṛ jạtrenkope hohoakoa, okoe do bako oromakatʼpe, onko do ape ṭhenko ńir hijukʼa. Aperen Probhu Isor, Israelren uni sonoticʼ lạgitʼge onko doko hijukʼa, ente uni do apeye ṭhonok ocoakatʼpea.”

Jesaea 55:6

Probhu Isor do sorreye tahenrege uni secʼ ruạṛokʼpe; ar sorreye tahenrege uni ńam baṛayepe.

Jesaea 60:3

Jạt jạtrenko do amakʼ marsal ṭhenko hijukʼa; ar rapajko do aṅga marsal ṭhenko hijukʼa.

Jesaea 66:18

Iń do onkoakʼ kạmi reakʼ sanam hudis bundiskoń baḍaegea. Sanam jạtrenko ar pạrsirenko do mitʼ ṭhen jarwako reakʼ okte do seṭer akana. Onko do hecʼkate ińakʼ mạhimako ńela.”

Jirimiạ 33:16

Ona jokhecʼ Jihudạren hoṛ do bańcaoko ńama ar Jerusalemren hoṛ do khạtirjomako girobasokʼa. Uni do niạ ńutumgeye hoho ocokʼa, ‘Probhu Isorge aboakʼ dhorom do.’

Hosea 13:4

Probhu Isore meneda, “Misor khoniń oḍok ạgu akatʼme khon ińkangeạń amren Probhu Isor do. Iń chaḍa ar eṭakʼ Isor do bạnukʼkoa; iń chaḍa ar cele babańcaoko hõ bạnukʼkoa.

Mikạ 5:4

Ar uni disạm cakʼlaoicʼ do hecʼkate Probhu Isorakʼ daṛete, acʼren Probhu Isorakʼ ṭhonokte uni do gukʼpiyicʼ leka acʼren hoṛkoe ạyurkoa. Onko do khạtirjomako girobasokʼa, ente uni doe maraṅ utạricʼkan ona katha do unre dhạrti reakʼ ses simạ hạbicʼko aṅgoca;

Sereńko 22:28

Hẽ, rajosṭi do Probhu Isorakʼge hoyokʼma; ar sanam jạtrenko cetanren raj doe uni kangea.

Sereńko 65:6

Amakʼ daṛetege sanam buru ar ḍuṅgriko do teṅgo akana; ar noate sodorokʼ kana am dom daṛeanicʼ kana mente.

Jesaea 41:22

Onako sạbud ạguiytape ar oka hoyokʼ ona lạiyabonpe. Lahateakʼ ghoṭnako reaṅ lạipe, jemon bon baḍae daṛeakʼ onako reaṅ mucạtʼ do cetʼ hoyokʼa mente; se darakanakʼ reakʼko lạiya bonpe cetʼ cetʼko hoyokʼa mente.

Jesaea 45:5

Iń kangeạń Probhu Isor do, eṭakʼ ar cele hõ bạnukʼkoa; iń chaḍa eṭakʼ Isor do ar bạnuiya. Am bam baḍae akadińre hõ iń doń paṭhe keṭecʼetʼmea,