Jesaea 45:19 - সান্তালী বাইবেল

¹⁹ Iń do oko danaṅre hõ bạń roṛakada, ńut reakʼ disạmre hõ bạń roṛakada. Ar Jakobren bõsko hõ bạń men akawatʼkoa,, ‘ape do ạuṛiyakʼgepe ńam baṛayedińa.’ Iń Probhu Isor do hok reakʼ kathań roṛeda; ar oka sạriạkʼkan onageń lại jạhireda.

Jesaea 45:19 Referans Kwoze

Jesaea 48:16

“Ape do iń ṭhen hijukʼte ańjompe. Iń do pạhil khon jãhãnakʼ katha danaṅ dohoy lạgitʼ do bạń roṛ akada; onako katha purạukʼ oktere iń do onḍegeń tahẽkana.” Ńitokʼ Probhu Isor do acʼren Jiu ińre emkateye kol akadińạ.

Amos 5:4

Probhu Isor do Israelren hoṛkoe metakokana, “Iń ṭhen hijukʼpe, enḍekhanpe bańcaokʼa.

Johan 18:20

Jisui roṛ ruạṛkeda, “Iń do hoṛko ṭhen sodortegeń galmarao akada. Ar Jihudiko mitʼ sãote okareko jarwakʼ ona sunạgogkore ar mundilre iń do jaogeń cetʼ akawatʼkoa. Ar danaṅre do cetʼge bạń roṛakada;

Kạhtukko 30:5

Isorakʼ sanam kathako do khạṭigea mente sạbud akana; okoe unireko asrayokʼkan uni do onkoren ḍhale hoyokʼa.

Sereńko 9:10

Am okoeko baḍae akatʼme onko do amregeko hirlạ joṅma, E Probhu Isor, ente okoe khạndri hạbicʼ baḍaemeko khojkan, onko do tis hõ bam bạgi giḍi akatʼkoa.

Jakob 4:3

Ape dope koeyetʼkanre hõ bape ńameda, ente bạṛicʼ monsubạ iạtepe koeyeda, jemon apeakʼ rij roṅ purạukʼtape.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Sereńko 69:32

Ona ńelte mạ̃hir hoṛ doko kusikʼa; ar okoe do Isor baḍaeye reakʼpe ahkaokʼ kan, ape do jiwetʼ tahenpe.

Jesaea 8:19

Hoṛko do tinre onko ṭhen calakʼko metapea one okoe do gocʼ hoṛko ar bạṛicʼ jiuko sãote helmelko dohoyetʼ arko biṛ biṛetʼkan, unre ape do cetʼ Isor ṭhen calakʼ lek baṅkantapea? Okoe jiwetʼ menakʼko onkoren hoykate cedakʼ gocʼko sãote sopolha lạgitʼ dope calakʼa?

Jesaea 1:15

Koejoṅ lạgitʼ tinre apeakʼ tipe rakabtapea unre ape secʼ do bạń beṅgeda. Ar ḍherpe koere hõ bạń ańjomtapea, ente apeakʼ ti do mãyãmte perecʼgetapea.

Sereńko 69:13

Menkhan E Probhu Isor, amakʼ daya tinre ńamokʼkan tahẽkana unrege iń do am ṭheniń koejoṅkan tahẽkana; E Isor, amakʼ asambheṛ dulạṛte amakʼ babańcao reakʼ pạtiạrtetʼ ńelte roṛ ruạṛạńme.

1 Bõsbudạ 28:8

“Onate sanam Israelko, metakʼme Probhu Isor do somajren hoṛko ar aboren Isor samaṅre iń do ape ńitokʼ noań hukumape kana, ape do aboren Probhu Isorakʼ sanamakʼ hukumko manao lạgitʼ moneyakʼpe jemon noa mońj disạmrepe tahẽdaṛeakʼa ar jaejug reakʼ sompotti lekate aperen bõskope em daṛeako.

Johan 7:28

Ona tayom Jisu do mundilreye cetʼakokan tahẽkanre ãṭ aṛaṅteye menkeda, “Ape do iń hõpe baḍae akadińạ, ar oka khoniń hecʼ akana ona hõpe baḍaegea. Ente ińte do bạń hecʼakana, menkhan sạri Isorgeye kolakadińa.

Johan 7:26

Menkhan uni ma khulạsate kathae roroṛkan, ar mukhiyạko hõ coṅ cetʼge bako metaekan. Enḍekhan onko do cetʼ sạrigeko baḍae oromkedea, nui doe Mạsi kana mente?

Jesaea 63:1

Edom reakʼ Bosra khon jeṅgetʼ arakʼ kicricʼ horokʼkate uniye hijukʼkạnicʼ, doe okoe kana? Ṭhonokte perecʼ kicricʼ horokʼkate maraṅ daṛe salakʼ daraekạnicʼ, doe okoe kana? “Iń kangeạń uni do, ińge hok reakʼ kathań roṛeda, ińge maraṅ daṛeteń babańcao kana.”

Jesaea 45:23

Iń do ińakʼ ńutumtegeń kiriyạkʼ kana, ińakʼ dhoromte niạ katha doń meneda, ar ona do baṅ bạtilokʼa. Ona katha do hoyokʼkana, iń samaṅre mitʼke mitʼ gunṭhi do ikhṛumokʼa ar mitʼke mitʼ alaṅ do ińregeye kiriyạkʼa.

Kạhtukko 1:21

Uni do ãṭ aṛaṅte rão rão kulhikore dobạṭiạkoreye hohoyeda, ar nagraha reakʼ phaṭok duạrte bolokʼ jokhecʼe meneda,

Sereńko 24:6

Nonkan hoṛ do Probhu Isorko sewawaea, onko do uniyakʼ mẽtãhãko ńam bakʼṛa kana ar noko kangeako Jakobren bõsko do. (Sela)

Sereńko 12:6

Probhu Isorakʼ katha do nirạ kathako kana; ona do seṅgelte rapakʼ sapha akatʼ rupạ leka, ar eae dhao galao akatʼ rupạ lekage.

Esra 8:22

Horre aleren bạirikoakʼ ti khon ale rukhiyạle lạgitʼ raj ṭhen lạṛhại phạdko ar aswariko koeye doń lajaoena, ente ale do rajle metade tahẽkana, “Okoe do Isorakʼ sana lekako calakʼ onko mimitʼko cetanre uniyakʼ bhạlạiyanakʼ ti menakʼa, menkhan okoe uniko bạgiyae onko sanamko cetanre uniyakʼ edre do paṛaokʼa.”

2 Bõsbudạ 15:2

Unre Asariạ do Asa tulucʼ ńapamokʼ lạgitʼe oḍok senenteye menkeda, “E Asa, E Jihudạ ar Benjạminren sanam hoṛko, ińakʼ katha ańjompe. Ape tinạkʼ din Probhu samaṅrepe tahen unạkʼ din uni hõ ape sãoteye tahẽna. Uniyakʼ monejoṅakʼ baḍaeteakʼ menakʼtape khan ona dope daṛeakʼa, menkhan unipe bạgiyae enḍekhan uni hõ apeye bạgi giḍipea.

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

Dosar Biboron 29:29

“Danaṅakʼ reakʼ jotowakʼko do aboren Probhu Isorakʼ bisoe kana, menkhan sodorakʼ jotowakʼ do jaejug lạgitʼ abo ar abokoren hopon ar hoponerako lạgitʼkana, jemon noa ạn-ạri reakʼ sanamakʼ kathako bon senakʼte ona bon purạu.

Kạhtukko 8:6

Ańjomme, iń do lek lekan kathań roṛa, ar khạṭi katha roṛ lạgitʼ ińakʼ mocań jhijtińạ.

Sereńko 78:34

Uni do onkoe gocʼketʼko tayom sarecʼ hoṛko do uniyakʼ kathako disạkeda; onko do arhõ uni secʼko ạcur ruạṛena ar jitkate uniko ńam baṛakedea.

Jesaea 43:12

Ińiń lại jạhireda, ariń bańcao akatʼpea ariń sodoreda; unre ape talare cele debota hõ bako tahẽkana. Ar niạ reaṅ do apege ińren gohako kanape. Iń Probhu Isorge inạ katha doń meneda; ińkangeạń Probhu do.

Jesaea 44:8

Alope botorokʼa ar alope thar tharaokʼa. Iń do cetʼ ḍher laha khonge niạko bạń lại jạhir akawatʼpea? Apege ińren goha do; iń chaḍa cetʼ ar jãhãe Isor menakʼkoa? Baṅa, ar jãhãn asray buru do bạnukʼa; iń do ar celege bạń baḍae akatʼkoa.”

Jesaea 45:25

Ińrege Israelren sanam bõsko do bin dusạn menteko sạbudokʼa ar ińko sarhaoińạ.”

Jesaea 65:9

Iń do Jakob khon ar Jihudạ khon mitʼṭen bõsiń beretʼkoa; onko do ińakʼ buru-ḍuṅgrikoren ạidạriko hoyokʼa. Ińren bachao akan hoṛ do onako ạidạrijoṅa ar ińren gutiko do onḍeko girobasokʼa.

Jirimiạ 2:31

“Niạ piṛhiren hoṛko, ińakʼ katha ańjompe. Israelko ṭhen iń do cetʼ hahaṅkar iń hoyakana? Iń do cetʼ kaṛaṅ ńut reakʼ disạmiń hoyakana? Ińren hoṛ do cedakʼko mena, ‘ale do sạdhintegele dãṛãbaṛa daṛeakʼa; ar am ṭhen do bale hijukʼa?’

2 Bõsbudạ 7:14

unre ińren hoṛko, okoe do ińren hoṛ menteko hoho ocokʼkan onko do mạ̃hir seletʼko koejoṅ se ińakʼ dayako khoj ar bạṛicʼ hor khonko ruạṛ, enḍekhan serma khon onań ańjomtakote onkoakʼ kạikoń ikạ katakoa ar lahate leka onkoakʼ disạm iń teṅgo ruạṛakoa.