Jesaea 45:15 - সান্তালী বাইবেল

¹⁵ E Israelren Isor ar babańcaoicʼ, sạrige am do nonkan Isor kanam okoe do danaṅrem tahenkan.

Jesaea 45:15 Referans Kwoze

Jesaea 8:17

Iń do Probhu Isor lạgitʼ koyokʼ hor akaeyiń tahena, okoe do Jakob bõsrenko secʼ khon mẽtʼãhãe ạcur akatʼtae; iń do uni cetanrege bhorsa akaniń tahena.

Sereńko 44:24

Cedakʼ mẽtʼãhã dom betʼ akatʼtama? Aleakʼ duk ar santao reakʼ katha do cedakʼem hiṛiń akada?

Jesaea 57:17

Onkoakʼ lob laloc reakʼ ghạṭ iạteń edre sạngińlena, ar onkoń sạjạiletʼkoa ar edre iạteń dea giḍiletʼkoa; enhõ onko do akoakʼ kusi leka calakʼko ehopʼena.

Jesaea 46:13

Ińakʼ dhorom do ape ṭheniń ạguiyeda; sạṅgińre ona do bạnukʼa ar ińakʼ babańcao hõ baṅ bilomokʼa. Iń do Sionre babańcao iń dohoya, Israel lạgitʼ, ińakʼ ṭhonokʼ lạgitʼge.”

Sereńko 77:19

Am do jalapuri talatem horleda, ar athantar dakʼ talatem ḍaharleda, menkhan amakʼ jaṅga reakʼ cinhạ do baṅ ńellena.

Johan 4:22

Ente ape do okaṭakʼ bape baḍaekan onape sewawakʼ kana, menkhan ale okaṭakʼle baḍaeakatʼ onagele sewawakʼ kana, ente kại khon bańcaokʼ do Jihudiko khonge hecʼakana.

Jesaea 45:17

Menkhan Probhu Isor do jaejug lạgitʼ Israele bańcaoea; am do jaejug hạbicʼ bam lajao ocokʼa ar bam andmandaokʼa.

Jesaea 43:11

Ińge Probhu Isor do, iń chaḍa ar cele babańcaoko hõ bạnukʼkoa.

Jesaea 43:3

ente ińkangeạń amren Probhu, amren babańcaoicʼ Isor, ar Israelren uni sonoticʼ. Iń do amakʼ chaḍao reakʼ dam lekate Misor disạmiń emokʼkana, ar am bodolte do Kus ar Seba disạmge.

Jesaea 12:2

Sạriyakʼren, Isorge ińren babańcaoicʼ do; iń do uniregeń bhorsakʼkana, ar bạń botorokʼa. Probhu Isorge, ińakʼ daṛe ar ińakʼ sereń; ińren babańcaoicʼ doe uni kangea.”

Sereńko 68:26

Apeakʼ joto jarwakʼre Isor sarhaoepe; ape okoe dope Israel bõsren hoṛkan, ape do Probhu Isor sarhaoepe.

2 Patras 3:18

Ape do aboren Probhu Isor ar babańcaoicʼ Jisu Mạsiyakʼ daya ar uni reaṅ akelte hara rakabokʼpe. Ńit ar jaejug hạbicʼ uniyakʼge ṭhonok hoyokʼtae ma. Amen.

Aposkạmi 13:23

Isor do acʼakʼ gokʼakʼ lekage noko hoṛkoakʼ bõs khon babańcaoicʼ Jisuge Israelko ṭhene sodorkedea.

Aposkạmi 5:31

Isor do unige raj ar babańcaoicʼ menkate acʼakʼ jojomsa aṛere duṛube lạgitʼ ṭhonoke dan akawadea, jemon Israelkoakʼ mon ạcurtako lạgitʼ ạte emakote kại reakʼ ikại emako.

Johan 4:42

Onko do uni maejiuko metadea, “Ńitokʼ do eken amakʼ katha iạtele pạtiạukʼ kana ona do baṅ, menkhan uniyakʼ katha ańjomkatele bujhạu daṛeakʼ kana, sạrige uni do manwakoren babańcaoicʼ kanae.”

Jesaea 60:16

Gogo cetʼleka acʼren hopone nunuae onkage boṅgan hoṛ jạtrenko ar rapajko do akoakʼ bhage bhage jinisko emama. Ar unrem baḍae daṛeakʼa, iń Probhuge amren babańcaoicʼ, amren chakʼḍaoicʼ, ar ińge Jakobren uni daṛeanicʼ do.

Johan 13:7

Jisui roṛ ruạṛadea, “Okań cekayetʼkan ona do ńitokʼ bam baḍaeyeda menkhan tayomtem bujhạua.”

Jesaea 1:15

Koejoṅ lạgitʼ tinre apeakʼ tipe rakabtapea unre ape secʼ do bạń beṅgeda. Ar ḍherpe koere hõ bạń ańjomtapea, ente apeakʼ ti do mãyãmte perecʼgetapea.

Jesaea 19:20

Ar noage hoyokʼa Misor disạmre phạdkoren Probhu Isor ńutumte mitʼṭecʼ cinhạ ar goha do. Onkoakʼ santao iạte onko do tinre Probhu Isor ṭhenko raga unre onko ṭhen mitʼṭen babańcaoicʼ ar rurukhiyạicʼe kolea ar uni do onkoe bańcaokoa.

Jobakʼ 10:13

Menkhan noako do amakʼ monrem baeakada, ińiń baḍaea noakoge am dom disạ akada,

Jobakʼ 23:3

Ekeniń baḍae khan okare uniye ńamokʼa, ar uniyakʼ tahen ṭhạ̃iteń sen daṛeakʼ khan,

Jobakʼ 23:9

Utạr secʼre tinreye kạmiya unre hõ uni do bae ńelokʼa; ar dạkhin secʼ iń ạcurlenre hõ uni do bạń ńel ńamea.