Jesaea 45:13 - সান্তালী বাইবেল

¹³ Ińakʼ dhoromte Kerosiń uskureya; iń do uniyakʼ sanam horkoń sojheytaea. Uni do ińakʼ nagraha arhõe teṅgo ruạṛa, ińren hoṛko okoe bondi dosare menakʼko onkoe aṛakʼkoa menkhan jãhãn dam se kuṛại lạgitʼ do bae onkaea.’ Phạdkoren Probhu Isor do noa kathageye meneda.”

Jesaea 45:13 Referans Kwoze

Jesaea 41:2

“Purub secʼren uni do okoeye teṅgo ocokedea, one uni taṛam piche jitge daram edekan? Uni do boṅgan hoṛ jạtrenko uni ṭhene soprotkoa. Ar ona iạte uni do rapajko jaṅgateye lebetʼ gańjaokoa. Uni do acʼakʼ tarwaṛete dhuṛi lekae hoyocokoa ar uniyakʼ akʼte bhusạ lekae oṭaṅkoa.

Jesaea 49:25

Mekhan Probhu Isore meneda, “Hẽ, daṛeanicʼren jhuṭiạuicʼ hõe recʼ idi ocokʼa ar kumãyaicʼren recʼ akawanicʼ hõe chaḍao ocokʼa. Okoe am tulucʼko jhogṛakʼ onko tulucʼ do ińgeń jhogṛakʼa ar amren hoponko do ińgeń rukhiyạkoa.

Jesaea 41:25

“Purub secʼren mitʼṭen hoṛ do ińakʼ ńutume lại sodora; uni do utạr secʼ khon hijukʼ lạgitʼ iń uskurede kana, ar uni doe hijukʼkana. Hasa cetʼlekako lebed ar kuṅkạl cetʼleka hasae lebetʼ gańjaoetʼkan onkage uni do disạm cakʼlaokoe lebetʼ gańjaokoa.

Jesaea 13:17

“Ńelpe, onko upạrte iń do Mediren hoṛkoń buskukoa. Onko do rupạ secʼ hõ bako beṅgeda ar sona iạte hõ bako rạskạkʼa.

Jesaea 46:11

Ińakʼ monsubạ purạutiń lạgitʼ iń do sạṅgiń disạm khon mitʼṭen hoṛiń hoho ạguiyea; uni do purub disạm khon sendra cẽṛẽ lekae hijukʼa. Ar iń okań menakatʼ ona doń purạugea ar okań goṭa akatʼ ona hõń hoeocoygea.

Jesaea 44:28

Ar Kores reaṅ doń mena, ‘uni do ińren gupiyicʼ kanae; ar iń okań kusiyakʼ ona sanamakʼe kạmiya. Uni do Jerusalem reaṅe mena, ‘arhõ teṅgo ruạṛokʼma,’ ar koejoṅ oṛakʼ reaṅ doe mena, ‘ona reakʼ rehetʼ do bạisạukʼma.”

Jesaea 42:6

“Iń Probhu Isorge dhoromreń hohoakatʼmea; iń do amakʼ tiyiń sabtama. Ińgeń rukhiyạmea ar ińren hoṛko lạgitʼ mitʼṭecʼ bondobos menkateń dohomea ar eṭakʼ jạtrenko lạgitʼ do marsal lekań hoe ocomea.

Sereńko 65:5

E aleren babańcaoicʼ Isor, amakʼ dhorom reakʼ botoranakʼ kạmikote am do aleakʼ hohom luturakʼa. Dhạrtiren sanam manwa, ar sanam khon sạṅgińrenko ar jalapuri hanasaren hoṛko hõ amreko bhorsakʼa.

Esra 1:3

Uniren hoṛko modre, metakʼme ape talare okoeye khojkan uni do Jerusalemte senkate Probhu Isorakʼ oṛakʼe benaoma, ente uni do Jerusalemre menaea. Ar okoe onḍeko senokʼ onkoren Isor do onko soṅgetegeye tahena.

Jesaea 52:5

Ar nonḍe ńitokʼ ińakʼ do cetʼ menakʼtińạ? Ińren hoṛko do ạuṛiyakʼteko idi ocoakana, ar disạm cakʼlaoko do onko cetanreko kạumạueda; ar siń sạṭupʼ ińakʼ ńutumko nindạuetʼ kana.

Kạhtukko 3:6

Amakʼ calakʼ horre uni do samaṅre dohokaeme; unige amakʼ sanam horkoe sojheytama.

Jesaea 14:17

Nuige cetʼ, prithimi doe hahaṅkar barag ocoletʼa, ar nagrahakoe dhaṅdhaseletʼ tahẽkana, ar bondiko oṛakʼte bae ruạṛ ocoako kan tahẽkana?’

Jesaea 45:2

Uni do Korese metaekana, “Am laha lahate senkate burukoń mitʼsãoa; ar pitạl reakʼ silpińkoń rạpuda ar mẽṛhẽtʼ reakʼ huṛkạṛkoń samakʼ kuṭrạya.

Mikạ 4:10

E Sion kuṛi, bedonokʼkan maejiu leka hasote baṛe thakoakʼme, ente ńitokʼ do amakʼ nagraha bạgikate ṭạnḍire tahen hoyokʼtama. Am hõ Babeltem calakʼa; ar onḍe do bańcaoem ńama. Probhu Isor do onḍege amren bạirikoakʼ ti khone chaḍaomea.