Jesaea 44:27 - সান্তালী বাইবেল

²⁷ Athantar dakʼ doń metakʼa, ‘rohoṛokʼme; iń do amakʼ gaḍakoń ańjetʼ ocoya.’

Jesaea 44:27 Referans Kwoze

Jirimiạ 51:36

Ona iạte Probhu Isore meneda, “E Jerusalem, iń doń am sejokʼa ar am huyạteń hala hạlikʼa; uniyakʼ jalapuri doń rohoṛtaea ar sanam bhumbuk koń ańjetʼ ocoytaea.

Jirimiạ 50:38

Akalte uniyakʼ sanam dakʼko ańjedokʼa, ente ona do boṅgakoakʼ disạm kana, ar onko boṅgako do onḍenko hoṛko koṅka ocokoa.

Jesaea 42:15

Iń do buru boṭkocʼkoń jarkhara ar onḍenakʼ sanam aṛakʼ sakamkoń rohoṛ kạrcuba; ar gaḍako do ghuṭu otiń hoeocoya ar jolako doń ańjetʼ rohoṛa.

Johan sodor 16:12

Ona tayom turuyicʼ serma goḍet do maraṅ gaḍa Phurạtre acʼakʼ bạṭi reakʼe dulkeda. Onate purub disạmren rapajkoakʼ calakʼ hor tearokʼ lạgitʼ ona gaḍa reakʼ dakʼ do ańjetʼena.

Jirimiạ 51:32

uniyakʼ gaḍa paromokʼ ghaṭko hõ dokhol akana, pạṭiol birre seṅgelko lagao akada ar lạṛhại phạdko do ạḍi botor caṛhao akatʼkoa.”

Jesaea 51:15

Ińge Probhu, aperen Isor do. One jalapuriń leoḍalere ona do ḍheokote hud hudạukʼkan. Ińakʼ ńutum do phạdkoren Probhuge.

Jesaea 43:16

Probhu Isor do jalapuri talate hore benaoleda, ona khạndri dakʼ talate suṛucʼ horgeye benaoleda.

Sereńko 74:15

Am do jharna ar huḍiń gaḍako reakʼ horem jhicʼ akada; ar jug khon ạtukʼkan gaḍako do amgem ańjetʼ ocoakada.

Genesis 8:1

Jahajre Noha ar uni sãote tinạkʼ ạsul ar bir janwarko tahẽkan Isor do onkoakʼ katha bae hiṛińleda. Uni do dhạrti cetanre hoeye ạgukeda, ar onate dakʼ do ańjedokʼ ehopʼen.

Jesaea 50:2

Ińiń hecʼlenre onḍe do cedakʼ okoege bako tahẽkana? Ińiń hoholetʼre goṅeń lạgitʼ do cedakʼ bako tahẽkana. Ape chaḍaope lạgitʼ ińakʼ ti do cetʼ ḍher khaṭogetińa? Ape bańcaope lạgitʼ cetʼ daṛe hõ komaogetińa? Ńelpe dhomoktege jalapuriń ańjetʼ ocoyeda ar gaḍakoń khaṅkhor ocoyeda; onaren hakoko do dakʼ begorteko seakʼ kana ar tetaṅteko gujukʼ kana.

Exodus 14:21

Tayomte Mose do jalapuri cetanre acʼakʼ tiye tiyạrketʼtaea; ar Probhu Isor do goṭa ńindạ mitʼṭecʼ purub reakʼ maraṅ hoeye ạguketʼte dakʼ doe bar hạṭiń ocokeda. Uni do dakʼe bar hạṭińketʼ khan jalapuri talate mitʼṭecʼ kuṭhạ̃ṛ hore tearkeda.

Jesaea 63:12

Okoe do Mose goṛowae lạgitʼ acʼakʼ ṭhonokanakʼ daṛeye ematʼko tahẽkan, okoe do acʼakʼ ńutum jaejug hạrjoṅ lạgitʼ onko samaṅre dakʼe bar hạṭiń ocoletʼ,

Sakariạ 10:11

Iń do kosṭo reakʼ doreão talateń calakʼa ar doreão reakʼ ḍheokoń domona ar onate nil gaḍa reakʼ khạndri jaegako do rohoṛokʼa. Ạsur reakʼ bạḍại do rạputʼ ocokʼa ar Misor reakʼ ḍanṭao hõ sạṅgińokʼa.