Jesaea 44:26 - সান্তালী বাইবেল

²⁶ Menkhan iń do ińren gutikoakʼ kathań jo baha ocoya ar ińren goḍetkoakʼ kathań purạua. Iń do Jerusalem reaṅ doń mena, ‘onḍe do hoṛko girobasokʼa,’ ar Jihudạ nagrahako reaṅ doń mena, ‘onako do arhõ teṅgo ruạṛokʼa.’ Ar disạm reakʼ maraokʼ akanakʼko do arhõń teṅgo ruạṛa.

Jesaea 44:26 Referans Kwoze

Sakariạ 1:6

Menkhan iń do ińren gutiko, metakʼme nạbiko okań hukumatʼko tahẽkan, ińakʼ onako katha ar niạm lekate aperen hapṛamko do cetʼ sạjại bako ńamleda? Unre onko do mon ạcurkateko menleda, sanam daṛeanicʼ Probhu Isor do onkoakʼ ạri cạli ar hewa lekate onko lạgitʼ okae ṭhik doholetʼ onageye kạmi akada.’ ”

Jesaea 60:10

“Bidisiạko do arhõ amakʼ pạcriko gathao ruạṛa onkoren rapajko doko sapʼ sorama. Ar edrete amiń hạnletʼmere hõ enhõ iń do amiń mãyãwama.

Jirimiạ 33:7

Iń do Jihudạ ar Israelren hoṛko bondi dosa khoniń ruạṛ ạgukoa ar onkoakʼ disạm do arhõ lahate lekań benao ruạṛa.

Jirimiạ 30:18

Probhu Isore meneda, “Jakobakʼ bõsren hoṛkoakʼ dosa doń ruạṛtakoa ar onko cetanre dayań uduga. Nagraha do ona dhaṅdhaser cetanre arhõ benao ruạṛokʼa ar raj oṛakʼ do lahateakʼ ṭhạ̃ire teṅgo akae tahena.

Jesaea 42:9

Ńelpe, lahateakʼ ghoṭnako do ghoṭao akana ar iń do nãwã ghoṭna reakʼ iń lại sodoreda; ar onako ạuri ghoṭaokʼrege ape ṭhen onań lạiyeda.”

Nehemiạ 1:3

Onko doko lạiyadińa, “Bondi dosa khon okoe do disạmteko ruạṛ senakan onko do maraṅ harkhet ar henostare menakʼkoa. Jerusalem reakʼ pạcri do rạputʼ akana ar ona reakʼ phaṭok duạrko hõ seṅgelteko jeretʼ akawada.”

Esra 2:70

Ar naekeko, Liwiko, sekʼreńko, koejoṅ oṛakʼren rurukhiyạko ar sapʼsosorko ar eṭakʼ hoṛko, metakʼme sanam Israelko do apan ạpin ato ar nagrahare girobasokʼko ehopʼena.

Mathae 26:56

Menkhan noa joto do hoyena jemon nạbiko reakʼ olakʼko purạukʼ.” Unre celako do Jisuko ńir bạgiyadea.

Mathae 5:18

Sạrigeń metapekana, serma ar dhạrti ạuri cabakʼ hạbicʼ, ar ạn-ạri reakʼ sanamakʼ kathako ạuri purạukʼ hạbicʼ ona ạn-ạri reakʼ mitʼ akhor se ṭuḍạkʼ hõ oho meṭaolena.

Sakariạ 12:6

“Enhilokʼ Jihudạren mukhiyạko do kaṭ reakʼ bojha talare jolokʼkan aṅgra leka ar phosol reakʼ binḍạ talare jolokʼkan mosal lekań hoyocokoa. Onko do jojomsa ar leṅgasa secʼ aḍepaseren sanam jạtrenko jomkoa, menkhan Jerusalemren hoṛ do arhõ akoakʼ ṭhạ̃iregeko girobasokʼa.

Sakariạ 2:4

Uni doe menkeda, “Am do ńir senkate uni juạn koṛa metaeme, ‘Jerusalemre manwa ar janwar doko ḍher akante onare jãhãn pạcri do baṅ tahena.

Amos 9:14

Bondi dosare menakʼko ińren hoṛ Israelkoń ruạṛ ạgukoa; onko do dhaṅdhaser akan nagraha arhõko benao aroea ar onakoreko tahena. Onko do darkha bagwanko benaojoṅa arko ńũiya; onko do bagwanko benaoa ar ona reakʼ joko joma.

Daniel 9:25

“Onate baḍaeme ar bujhạume, Jerusalem do arhõ benao ruạṛ ar jut aroe reakʼ hukum oḍokokʼ khon mitʼṭen ojokʼicʼ, metakʼme, cakʼlaoicʼe hijukʼ hạbicʼ do eae haptage hoyokʼa. Khan turuigel bar hapta do benao aroakan tahena dobạṭiạ ar pogar gaḍawante, menkhan muskil oktekorege.

Jeheskel 38:17

“ ‘Iń Probhu Isorgeń menetʼ kana, sedaeakʼ dinkore ińren gutiko, metakʼme Israelren nạbiko hotete okoeyakʼ kathań roṛletʼ uni do cetʼ am dom baṅkana? Ona jokhecʼ bochorke bochor nạbikoko menleda, iń do onko upạrteń ạgumea.

Jeheskel 36:10

Apere goṭa Israel jạtren hoṛkoakʼ lekhań ḍher ocoya. Nagrahakore hoṛko girobasokʼa ar dhaṅ dhaserakʼ do arhõ benao arokʼa.

Nehemiạ 2:3

enhõ rajiń metadea, “Maharaj do jaejug jiwetʼ baṛeye tahenma. Ińren hapṛamko oka nagrahareko topa ocoakan ona nagraha doko dhaṅ dhaser akada ar ona reakʼ phaṭok duạrko do seṅgelteko jeretʼ akada ar ona ańjomkate ińakʼ mẽtʼãhã do mulin baṅkhan cekakʼtińa?”

Luk 24:44

Ar ona tayome metatʼkoa, “Iń do ape sãote tahẽkanreń menleda, Mose reakʼ ạnre, nạbikoakʼ olakʼre ar sereńkore iń reakʼ okako katha olakan ona sanamakʼ do purạukʼtehõ purạukʼgea.”

Jirimiạ 32:44

Benjạmin ṭoṭhare, Jerusalem beṛhaeteakʼ ṭoṭhare, Jihudạ ar Negeb reakʼ sanam ato ar nagrahakore ar usul-copotʼ buru ṭoṭha reakʼ sanam ato ar nagraha reakʼ jumiko kirińokʼa, dolelre suhikʼa ar mohor chapakʼ hoyokʼa ar gohakoko dohokʼa, ente iń do onkoakʼ lahateakʼ dosań ạgu ruạṛtakoa. Iń Probhu Isorge noa katha doń meneda.”

Jirimiạ 32:15

ente noa disạmre oṛakʼ-duạr, jaega-jumi ar darkha bagwan do arhõ kiriń ạkhrińokʼa. Iń Israelren Isor phạdkoren Probhuge noa katha doń meneda.’

Jirimiạ 31:4

Ńitokʼ do uniye meneda, “E kũạri kuṛi Israel, iń do arhõń jut ruạṛmea, onate am do arhõm jut dohṛakʼa. Am do arhõ amakʼ tablam hataoa ar rạskạkʼko tulucʼem enecʼa.

Jesaea 58:12

Aperen hoṛko do sedae reakʼ jarkharakʼko cetanre arhõko benao rakaba ar lahateakʼ rehetʼ cetanre arhõko gathao ruạṛa; ar ape do dhasao bhit ar bosotokʼ lạgitʼ kulhi jujutkope ńum ocokʼa.

Jesaea 54:3

ente am do etom ar kõńe secʼem pasnaokʼa. Amren hoponko do eṭakʼ jạtrenkoakʼ disạmko dokholjoṅa ar ujạṛakʼ nagrahareko girobasokʼa.

Sereńko 147:2

Probhu Isorge Jerusalem doe benao rakaba; ar unige chirchạtur akan Israelkoe jarwakoa.

Jesaea 61:4

Onko do sedae reakʼ jarkharakʼ ṭhạ̃iko arhõko benao ruạṛa ar ujạṛakʼko arhõko teṅgo ruạṛa. Ar okako nagraha do piṛhike piṛhi dhaṅdhaser akae tahẽkan ona do arhõko benao ruạṛa.

Sereńko 69:35

Ente Isor do Sione bańcaoa ar Jihudạ reakʼ nagrahako do arhõe beretʼ ruạṛa; unre uniren hoṛko do onḍeko girobasokʼa ar ona reakʼ ạidạrikoko hoyokʼa.

Jesaea 40:9

E Sion, bhage sombat jạkʼhiricʼ, am do usul burute rakapʼ calakʼme. E Jerusalem, bhage sombat jạkʼhiricʼ, am do ãṭ aṛaṅte hohoeme, ar alom botorokʼa; Jihudạ reakʼ nagraharen hoṛko metakom, “Hạni ńelepe aperen Isor!”

Jesaea 42:19

Ińren golam chaḍa ar okoeye kãṛãwa? Ińiń kol akade goḍet leka kala do okoe menaea? Ar iń cetanre bhorsakʼkạnicʼ kãṛã doe okoekana? Probhu Isorren golam leka kãṛã do okoe menaea?

Jesaea 49:8

Probhu Isor do nonkae meneda, “Bạsutakʼ okterege amiń roṛ ruạṛama ar bańcaokʼ reakʼ dinre amiń goṛowama. Iń do amiń rukhiyạmea ar am hotete hoṛko lạgitʼ mitʼṭecʼ bondobosiń dohoya, jemon disạmem teṅgo ruạṛ daṛeakʼ ar ujạṛakʼ jaegakore hoṛko arhõm ạidạri daṛeako.

Jesaea 52:9

E Jerusalem reakʼ jarkharakʼko, ãṭ aṛaṅte hulạsate sereńpe, ente Probhu Isor do acʼren hoṛko jiwi raṛecʼe emakatʼkoa ar Jerusalem doe chaḍao akadea.

Jesaea 55:11

onkage ińakʼ moca khon oḍokokʼkan katha do hoyokʼgea, iń ṭhen ona do ạuṛiyakʼ baṅ ruạṛ hijukʼa. Menkhan okaṭakʼ iń moneakatʼ onageye kạmiya, ar okaṭakʼ lạgitʼ iń kolletʼ onageye jo baha ocoya.

Jirimiạ 1:10

Ńelme, totʼ giḍikakʼ ar rạputʼ giḍikakʼ, jarkharokʼ ar marao giḍikakʼ, benao rakapʼ ar bạisạukakʼ lạgitʼge teheń iń do jạtrenko ar rajosṭiko cetanreń dohoketʼmea.”

Daniel 9:12

Ale ar aleren disạm cakʼlaoko upạrte okaṭakʼ katham roṛakatʼ ona purạu lạgitʼ am do ale cetanre maraṅ muskilem ạguakada. Jerusalem cetanre oka hoyakan onka do dhạrti reakʼ ar okare hõ baṅ hoyakana.

Hagae 1:13

Unre Probhu Isor do uniren goḍet Hagae hotete hoṛkoe metatʼkoa, “Iń Probhu Isor do ape são sãotege minạńạ.”

Sakariạ 1:17

Iń phạdkoren Probhu Isorge noa doń gokʼetʼkana, ińakʼ nagrahakore arhõ bhạlại do se oḍokokʼa ar Sion do arhõ jiwiń raṛejtaea ar Jerusalem do arhõń bachaojoṅa.’ ”

2 Rapajko 7:16

Unre hoṛko doko oḍok hecʼente Aramrenkoakʼ ḍerako luṭkeda. Onate Probhu Isorakʼ katha lekage turui keji holoṅ do gelbar gram rupạte ar gelbar keji jao do gelbar gram rupạte ạkhrińena.

2 Rapajko 7:18

Uni do raj oka lekae metade tahẽkan onkage hoeyena. Uni doe menleda, “Gapa niạ jokhecʼ Samariạ reakʼ phaṭokre turui keji holoṅ do gelbar gram rupạte ar gelbar keji jao do gelbar gram rupạte ạkhrińokʼa.”

2 Rapajko 7:20

Ar onkage uni cetanre hoyena, ente phaṭok reakʼ horre uni doko lebetʼ gańjaokedea are gocʼena.”

Sereńko 69:36

Ar uniren golamren bõsren hoṛko do ạidạri lekate onako ńama, ar okoe uniko dulạṛe onko do onḍeko tahena.

Sereńko 102:17

Uni do nandankoakʼ koejoṅ reakʼ roṛ ruạṛe emokʼa; onkoakʼ koejoṅ do bae nihạ̃t gidikatakoa.

Sosolhayic̕ 3:3

gujukʼ lạgitʼ okte ar bogekʼ lạgitʼ okte, rạputʼ giḍikakʼ lạgitʼ okte ar benao lạgitʼ okte,

Jirimiạ 28:9

Menkhan okoe nạbi do suluk reakʼ kathae roṛ ar uniyakʼ katha tinre purạukʼa unre baḍaeyokʼa, sạrige uni do Probhu Isorgeye kolledea mente.”