Jesaea 44:25 - সান্তালী বাইবেল

²⁵ Bhonḍ nạbikoakʼ cinhạ doń ạuṛiyakʼ ocoytakoa ar ńeńelko do lelha lekań hoyocokoa. Iń do ạkilankoakʼ ạkiliń ạuṛiyakʼ ocoytakoa ar onkoakʼ bidiyạ doń bebuj ocoya.

Jesaea 44:25 Referans Kwoze

Sereńko 33:10

Sanam jạtrenkoakʼ goṭawakʼge Probhu Isor doe ạuṛiyakʼ ocoytakoa; ar onkoakʼ hudisko hõ bae jo baha ocoytakoa.

Jirimiạ 50:36

Uniren bhonḍ nạbiko upạrte hõ tarwaṛe menakʼa; onko do lelhako hoyokʼa. Uniren birbão hoṛko upạrte hõ tarwaṛe menakʼa; onko do botor caṛhaoakoa.

2 Samuel 15:31

Unre Dạudko lạiyadea, “Absalom tulucʼ soṛojontroko modre Ahitophel hõ menaea.” Niạ katha ańjomkate Dạud do nonka menkate koejoṅe ehopʼena, “E Probhu Isor, Ahitophelakʼ sopolha baṛe ạuṛiyakʼ ocoytaeme.”

Jirimiạ 51:57

Okoeyakʼ ńutum do phạdkoren Probhu Isor kan uni raje meneda, “Iń do uniren rajkạmiyạko, ạkilan hoṛko, disạm cakʼlaoko, cetan hudạren kạmiyạko ar birbão hoṛkoń bul ocokoa. Onko do jaejug lạgitʼko jạpitʼjoṅa; ar bako ebhenokʼa.

Jesaea 29:14

Onate iń do arhõ hahaṛawakʼ kạmikote noko hoṛ doń ṭhak utạrkoa; onate ạkilankoakʼ ạkil do maraokʼtakoa ar budankoakʼ bud hõ danaṅokʼa.”

Daniel 4:7

Khan gunidarko, muhnidarko, kạldiko ar gonokko iń ṭhenko hecʼen khan onko ṭhen kukmũ reakʼ iń lạikeda, menkhan onko do ona reakʼ bhed bako bhaṅgao daṛeadeńa.

Daniel 1:20

Ạkil ar bud ar jotowakʼ kathakore raj do onko kuliketʼkoteye bujhạu daṛeada, onko do acʼakʼ goṭa rajosṭiren sanam gukʼniko ar ojhako khon hõ gel doboṛko sorosgea.

Jirimiạ 49:7

Edom babotre phạdkoren Probhu Isore meneda, “Temanre ạkil do cetʼ bạnukʼa? Budanko ṭhen khon cetʼ sopolha do caba akana? Onkoakʼ ạkil do cetʼ heṛ akantakoa?

2 Bõsbudạ 18:34

Goṭa din bhor ạḍi botor lạṛhại hoyena ar Israelren raj do Aramrenko samaṅrege rãt gạḍire duṛupʼ akane tahẽyena, ar siń cando hạsurokʼ jokhecʼ doe gocʼena.

2 Bõsbudạ 18:11

Eṭakʼ nạbiko hõ inạ kathageko menkeda. Onko doko menkeda, “Ramot-gileadte rakapʼ calakʼme ar jitạukʼme, ente Probhu Isor do maharajakʼ tire onae jimạ akada.”

2 Samuel 17:23

Ahitophel do tinreye ńelkeda, acʼakʼ sopolha leka kạmi baṅ hoylena unre uni do acʼren gadhare decʼkate acʼakʼ atoteye calaoena. Ar acʼakʼ oṛakʼ reakʼ jotowakʼ bebosta oṭokateye pạsi gocʼena. Ar acʼren apatakʼ topareko baekadea.

2 Samuel 16:23

Onako dinre Ahitophelakʼ sopolha do Isor emakʼ sopolha menteko hudisetʼ tahẽkana. Dạud ar Absalom hõ Ahitophelakʼ sopolha do onkage kin hudisetʼ tahẽkana.

Exodus 9:11

Gonokko do Mose samaṅre ar bako teṅgo daṛeada, ente onko hõ eṭakʼ Misri hoṛko leka ojo rakapʼatʼkoa.

1 Rapajko 22:37

Nonkate Israelren raj doe gocʼena ar uni do Samariạteye ạgu ocoyena. Ar hoṛko do onḍegeko topakadea.

Hosea 9:7

Israel do jemone baḍae ńam, sạjại reakʼ din do seṭer akana ar hisạb hatao reakʼ din hõ hecʼakana. Onkoakʼ kại do lekhare ḍhergea Isorko hirkhạwaekante, nạbiko do lelha ar jiuan hoṛ do khepako hudisetʼkoa.

Mikạ 3:7

Onate dorson ńeńelko doko lajao ocokʼa gonokko doko bemanot ocokʼa. Onko do jotoge mẽtʼãhãko danaṅtakoa, ente Isor do cetʼ roṛ ruạṛge bae emakoa.

Numeri 23:23

Jakob cetanre jãhãn gonokko do ohoge cahṭao daṛelena; Israelko cetanre jãhãn mantar hõ ohoge cahṭaolena. Jakob, metakʼme Israel reaṅ do ńitokʼ noa katha menogokʼa, ‘Isor okae ceka akatʼ ona ńelme.’

Jesaea 19:3

Misorrenko doko hae nisạsokʼa, ar iń do onkoakʼ goṭawakʼko bạń jo baha ocoytakoa. Ente onko do boṅga murhutʼko ar gocʼ hoṛ ḍakʼkaoko, ar jan guruko ṭhen khon solhako hataoeda.

Sakariạ 10:2

Boṅga doko phạsiaragea, ar gonokko do eṛe kathako roṛa; onko okaṭakʼ kukmũ reakʼ kathako roṛ ona do eṛegetakoa, ar eṛe jiwi raṛecʼko emokʼkana. Ar hoṛko do santaokʼkan iạte bhiḍi lekako ạcur baṛaekana, ente onkoren gukʼpiyicʼ do bạnuitakoa.