Jesaea 44:23 - সান্তালী বাইবেল

²³ E serma, hulạsokʼme, ente Probhu Isorge noae nonka akada. E dhạrti reakʼ khạndriyakʼko, hulạsokʼpe. E bir buru ar onḍenakʼ dareko, ape do rạskạte andoṛpe, ente Probhu Isor do Jakobe chaḍao akadea ar Israel hotete acʼakʼ ṭhonoke sodortaea.

Jesaea 44:23 Referans Kwoze

Sereńko 69:34

Serma ar ot do unikin sarhaoema; jalapuri ar onaren sanam jiwiyanko do uniko sarhaoema;

Jirimiạ 51:48

Serma, ot ar onako tala reakʼ sanamakʼge Babel iạteko hulạs rạskạkʼa, ente makʼraoko do utạr secʼ khon hecʼkate unire jhãpko ema. Iń Probhu Isorge noa katha doń meneda.

Jesaea 49:3

Uni doe metadińạ, “E Israel, am do ińren golam kanam; am talate iń do ińakʼ ṭhonokiń sodortińạ.”

Jesaea 49:13

E sermako rạskạte sereńpe; E pirthimi, hulạsokʼme; E buru-ḍuṅgriko, hulạsokʼpe; ente Probhu Isor do acʼren hoṛko jiwi raṛecʼe emakoa ar santao ocokʼkan acʼren hoṛko cetanreye mãyãkʼa.

Johan sodor 18:20

Unre uni serma goḍet doe menkeda, “E serma, ona nagraha ḍahao maraoen iạte rạskạkʼme. E Isorren hoṛko, apostolko ar nạbiko hulạsokʼpe. Ape upạrte uni okae cekaletʼ ona lạgitʼ Isor do uniye bicạr akadea.”

Johan sodor 12:12

“Onate E serma, hulạsokʼme; ar ape okoe do onḍepe tahenkan, hulạsokʼpe. Menkhan dhạrti ar jalapuri abenre do hae hae, ente Soetan do aben cetanreye pheḍ hecʼakana. Soetan do raṅgaoteye phulạu akana, enteye baḍaea uniyakʼ do ḍher somoe bạnukʼtaea.”

1 Patras 4:11

Jãhãeye porcar khan, enḍekhan nonka lekae porcar ma jemon uni do Isorakʼ moca reakʼ kathae roṛeda mente. Ar jãhãye sapʼ sopohotʼ khan enḍekhan Isor emakʼ daṛete uni doe sapʼ sopohotʼma, jemon Jisu Mạsi hotete jotowakʼre Isorge ṭhonoke ńam. Ente daṛe ar ṭhonok do jaejug hạbicʼ uniyakʼge. Amen.

Ephesiko lạgitʼ Pạul Apostolakʼ ciṭhi 3:21

Jisu Mạsi hotete ar manḍerko talate piṛhike piṛhi jaejug hạbicʼ Isorakʼ ṭhonok baṛe hoyokʼtae ma. Amen.

Jeheskel 36:8

“ ‘Menkhan E Israel reakʼ buruko, ape do apeakʼ dare reakʼ ḍạrkope kahle oḍok ocoyte ińren hoṛ Israelko lạgitʼ ḍher jope jokʼa, ente onko do usạratege oṛakʼteko ruạṛ hijukʼa.

Jeheskel 36:1

Probhu Isor do ińe metadińạ, “E manwa hopon, Israel reakʼ buruko ṭhen nạbi katha roṛme ar Probhu Isorakʼ noa katha ańjom lạgitʼem metakoa, bạiriko do onko reaṅe menetʼkana, ‘Ah! Mare usul ṭhạ̃iko do aboakʼ dokholre hecʼakana.’

Jesaea 61:3

jemon Sionre okoeko hirdạukʼkan onkoakʼ bohokʼre torocʼ bodolte abhraniń emako; hirdạukʼkan bodolte rạskạ reakʼ sunum ar as chuṭạukʼ akan bodolte sarhaoe reakʼ kicricʼ iń em daṛeako. Onko do dhorom reakʼ elon dareko ńumogokʼa; Probhu Isorge ona doe rohoe akada jemon onko hotete acʼakʼ mạhima sodorokʼtae.

Jesaea 60:21

Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.

Jesaea 26:15

E Probhu Isor, am do onko jạtrenkom baḍhao akatʼkoa; ar onko jạtrenkom baḍhao akatʼkote sarhaoem ńamakada; am do disạm reakʼ sanam simạkom phaelao akada.

Sereńko 148:7

E dhạrtiren hoṛko ape do Probhu Isor sarhaoepe. E jalapuriren napṛakʼ napṛakʼ jiwiyanko ar jalapuri reakʼ khạndriyakʼko uni sarhaoepe.

Jeheskel 39:13

Disạmren sanam hoṛ do onkoko topakoa. Nonkate ińakʼ ṭhonok sodorokʼ dinre onkoakʼ ńutum do pasnaokʼtakoa.

Ephesiko lạgitʼ Pạul Apostolakʼ ciṭhi 4:9

“Uni doe beretʼena,” Noa katha khon cetʼ noage baṅ bujhạukʼ kana, Mạsi do dhạrti reakʼ latar utạrakʼkore hõe pheḍlena mente?

1 Bõsbudạ 16:31

Serma do rạskạkʼma, ar dhạrti do hulạsokʼma; eṭakʼ eṭakʼ jạtrenko talare onko doko lại jạhirma, “Probhu Isorgeye rajokʼ kana mente.”

Sereńko 65:13

Mitʼke mitʼ ṭạnḍi do bhiḍi palkote perecʼ akana, ar buru nala do anajkote dalopʼ akana; onako do hulạsteko hohoyeda arko sereńeda.

Sereńko 148:9

E sanam buru boṭkocʼ ar joanakʼ dareko ar sanam debdạru dareko, uni sarhaoepe.

Jesaea 12:5

Probhu Isor ńutumte sereńpe, ente uni do ṭhonok reakʼe kạmi akada; ar goṭa dhạrtire niạ katha do baḍae ocoype.

Jesaea 43:1

E Jakob, okoe ame sirjạu akatʼme, E Israel, okoe ame benao akatʼme, uni Probhu Isor do ńitokʼ niạ kathae meneda, “Alom botorokʼa, ente am doń chaḍao akatʼmea. Iń do amakʼ ńutum ńumkateń hohoakatʼmea, am dom ińren kana.

Jesaea 43:7

Ińakʼ ńutumte okoeko hoho ocokʼ, okoe do ińakʼ ṭhonok lạgitʼ iń sirjạu akatʼko, okoe doń gaṛhao akatʼko ariń benao akatʼko, onko mimitʼko ạgukope.’ ”

Jesaea 46:13

Ińakʼ dhorom do ape ṭheniń ạguiyeda; sạṅgińre ona do bạnukʼa ar ińakʼ babańcao hõ baṅ bilomokʼa. Iń do Sionre babańcao iń dohoya, Israel lạgitʼ, ińakʼ ṭhonokʼ lạgitʼge.”

Jesaea 52:9

E Jerusalem reakʼ jarkharakʼko, ãṭ aṛaṅte hulạsate sereńpe, ente Probhu Isor do acʼren hoṛko jiwi raṛecʼe emakatʼkoa ar Jerusalem doe chaḍao akadea.

Jirimiạ 31:11

Iń Probhu Isorge Jakob doń chaḍao ạguiyea ar onko khon hõ daṛeankoakʼ ti khoniń owareya.

Jeheskel 35:14

Goṭa dhạrtirenko tinreko hulạsokʼa unre am do ujạṛ utạrakʼ iń hoyocomea.

Exodus 18:9

Misrikoakʼ ti khon Israelko bańcaoko lạgitʼ Probhu Isor okae bhạlạiyketʼko onate Jethro do rạskạteye menkeda, “Bhạgangeae Probhu Isor do, one okoe Pharao ar Misrikoakʼ ti khon apeye bańcao akatʼpe! Noko hoṛko do unige misrikoakʼ ti khone bańcao akatʼkoa.

1 Bõsbudạ 16:32

Doreão ar ona bhitri reakʼ jotowakʼ do hińjrạukʼ rakabokʼma; ṭạnḍi ar ona reakʼ jotowakʼko hulạsokʼma.

1 Bõsbudạ 16:33

Enḍekhan bir reakʼ dareko hõ Probhu Isor samaṅreko sereńa, ente uni do dhạrti reakʼ bicạr lạgitʼe hijukʼkana.

Sereńko 69:35

Ente Isor do Sione bańcaoa ar Jihudạ reakʼ nagrahako do arhõe beretʼ ruạṛa; unre uniren hoṛko do onḍeko girobasokʼa ar ona reakʼ ạidạrikoko hoyokʼa.

Sereńko 89:13

Amakʼ ti do ektiạrite perecʼgea; amakʼ tire do daṛe menakʼa, ar amakʼ jojom ti reakʼ daṛe do ohoge tulạulena.