Jesaea 44:14 - সান্তালী বাইবেল

¹⁴ Okoe do debdạru dareye makʼeda, ar okoe do tirsạ dare se mitʼṭecʼ elon dareye bachao joṅkana. Uni do bir reakʼ dare sãote onae hara ocowakʼkana, ar baṅkhan debdạru dareye rohoe joṅkana ar serma dakʼ do onae hara ocoyeda.

Jesaea 44:14 Referans Kwoze

Jesaea 40:20

Reṅgecʼ hoṛ do boṅga muṭhạn benao lạgitʼ baṅ seakʼ kaṭgeye bachao joṅa. Oka baṅ ḍikạ ḍaketʼ onkan boṅga muṭhạn benao lạgitʼ uni do gạkhuṛ kạrigolgeye sendrayea.

Habakkuk 2:19

Jạt jạtrenko doko mena, ‘Hae uni hoṛ do, one okoe kaṭ do jiwetʼakʼe metakʼkan se jiwi bạnukʼ dhiri do beredokʼe metaekan.’ Onako do cetʼ uni sikhnạte em daṛeaea? Onako ma eken sona ar rupạte muṛạu esetʼ akan; onakore do cetʼ sahẽtʼge bạnukʼa.

Hosea 4:12

Onko do kaṭren boṅgako ṭhen sopolhako hataoeda ar kaṭ reakʼ ṭheṅga do onkoe hukumakoa, ente loṭghuṭi reakʼ mon do bạṛicʼ horteye idi akatʼkoa; onko do akoren Isor ṭhen bepạtiạranko hoyakana.

Jesaea 44:13

Chutạr mistri do sutạme ticʼeda ar pensilteye ãk ạcureda; ar hoṛ muṭhạn leka onae muṭhạneda. Onate uni do mitʼṭecʼ mońj manwa rupe hoeocoyeda jemon ona do oṛakʼre dohokʼ.

Jesaea 44:15

Tayomte ona do manwako lạgitʼ sahan hoyokʼkana. Uni do thoṛa hataokateye jorokʼ kana, arhõ onate piṭhạ hõe rapakʼeda, arhõ mitʼṭen deb benaokateye sewawakʼ kana, arhõ goṛhon muṭhạne benaoeda ar ona samaṅreye ombagokʼ kana.