Jesaea 44:12 - সান্তালী বাইবেল

¹² Kamar do mitʼṭecʼ ṭeṅgocʼe benaoeda ar koela seṅgelreye dhipạueda. Uni do hạtuṛte muṭhạne emakʼkana, ar ti reakʼ daṛete onae benaoeda. Onate uni do reṅgejea ar daṛe komaokʼtaea; ar dakʼ begor ńũteye jhin jhinạukʼa.

Jesaea 44:12 Referans Kwoze

Jesaea 40:19

Kạrigol do chãchre goṛhon muṭhạne duleda; ar sonhar do sonate onae toleda ar ona lạgitʼ rupạ sikṛikoe benaoeda.

Habakkuk 2:13

Phạdkoren Probhu Isor doe niṭ dohoakada, jạt jạtrenkoakʼ khaṭaoakʼ reakʼ kuṛại do seṅgelre atar giḍikʼa ar onko do ạuṛiyakʼge apnartetʼko laṅga ocokʼa.

Exodus 32:8

Onko do ińakʼ hukum khon pharakteko senakana. Onko do ako lạgitʼ mitʼṭen mĩhũ muṭhạnko benao akawana. Ar otre ombakʼkate uniko ḍobokʼae kana ar uni ńutumte janwar dãṛẽko samaṅetʼkoa arko meneda, ‘E boehako, nuirege aboren debota do menakʼkoa. Noko debotage Misor disạm khonko oḍok ạguakatʼ bona.’ ”

Exodus 32:4

Aron do onkoakʼ ona saj bajkoe galao ocoketʼte chańcreye dulketʼa ar mitʼṭen mĩhũ muṭhạne benaokedea. Ona ńelte Israelko doko menkeda, “E boehako, aperen debotako do nuirege menakʼkoa. Misor disạm khon noko debotage ape doko oḍok ạguakatʼpea.”

Dosar Biboron 4:28

Onḍe ape do manwa tite kaṭren ar dhiriren benao muṭhạnkope sewawakoa okoe do bako ńeńel, bako ańjom, bako jom daṛeakʼ ar sãhetʼ hõ bako sãhetʼ daṛeakʼ.

Jesaea 40:20

Reṅgecʼ hoṛ do boṅga muṭhạn benao lạgitʼ baṅ seakʼ kaṭgeye bachao joṅa. Oka baṅ ḍikạ ḍaketʼ onkan boṅga muṭhạn benao lạgitʼ uni do gạkhuṛ kạrigolgeye sendrayea.

Habakkuk 2:18

“Boṅgawakʼ do jãhãn damge bạnukʼtaea, ente manwage coṅ uni mae rokʼ benao akade. Ar dulicʼ muṭhạn hõ jãhãn damge bạnukʼtaea, ente manwa do ona khon eṛe cecetʼakʼgeko ńama. Ar okoe acʼakʼ tite onakoe benao akatʼ uni do cedakʼ onareye ṭehãḍokʼkana? Uni boṅga ma kathage coṅ bae roṛ daṛeakʼ.

Sakariạ 1:20

Probhu Isor do ona tayom ponea mistriye udukʼ ạdińa.