Jesaea 44:1 - সান্তালী বাইবেল

¹ Probhu Isore meneda, “Ańjomtińme E ińren guti Jakob, ar amiń bachao akatʼme Israel.

Jesaea 44:1 Referans Kwoze

Jesaea 41:8

Probhu Isore meneda, “Menkhan E ińren guti Israel, ar ińiń bachao akade Jakob, ińren dulạṛicʼ Abrahamren bõs,

Jirimiạ 30:10

“Onate E ińren golam Jakob, am do alom botorokʼa; E Israel, alom as chuṭạukʼa. Iń do sạṅgiń ṭhạ̃i khon am ar bondi idi ocoakan amren hoponko khạṭigeń bańcaokoa. Jakob do arhõ suluk ar nirạiteye tahena ar okoehõ bako botor ocoyea.

Jirimiạ 4:7

Mitʼṭen dhạcri kul do gajaṛ bạgikateye oḍok hecʼakana; ar jạtrenko maraoko lạgitʼ hõ mitʼ hoṛe mohnḍa akana. Amakʼ disạm ujạṛ lạgitʼ uni do acʼakʼ ṭhạ̃i khone oḍok akana. Amakʼ nagrahako do jarkharokʼa, onḍe do celege bako tahena.

Luk 13:34

“E Jerusalem, E Jerusalem! Am do nạbikom gocʼetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko phạ̃kṛạ̃kʼ latareye guṅgutʼko onkage iń hõ amren hoṛko guṅgutʼkoń menleda, menkhan ape do bape rebenlena.

Jesaea 55:3

Ińakʼ katha luturakʼpe, ar iń ṭhen hijukʼpe; jemon ińakʼ katha ańjomkate jiwetʼpe tahen. Iń do pạtiạrte perecʼ dulạṛ iạte Dạud ṭhen okań gokʼletʼ ona lekage ape lạgitʼ mitʼṭecʼ jaejugakʼ bondobos iń bandhaoa.

Jesaea 43:1

E Jakob, okoe ame sirjạu akatʼme, E Israel, okoe ame benao akatʼme, uni Probhu Isor do ńitokʼ niạ kathae meneda, “Alom botorokʼa, ente am doń chaḍao akatʼmea. Iń do amakʼ ńutum ńumkateń hohoakatʼmea, am dom ińren kana.

Jesaea 42:23

Ape modre ińakʼ katha ańjomicʼ do okoe menaea? Ar oka okte hijukʼkan ona lạgitʼ ińakʼ katha do okoeye moneyakʼa?

Genesis 17:7

Noa bondobos do eken am ar iń talare tahena ona do baṅ; ona do amren hoponko ar ińre piṛhike piṛhi hạbicʼ calakʼa. Noa do hoyokʼa jaejug reakʼ bondobosge. Niạ bondobos do amakʼ ar am tayom bõsren hoṛkoren hõ Isoriń hoyena.

Sereńko 136:22

Uni do onkoakʼ disạm ạidạri lekate acʼ botoraekan Israelkoe ematʼkoa; ente uniyakʼ dulạṛ do jaejuggetaea.

Jesaea 14:1

Probhu Isor do Jakobe mãyãwaea; uni do arhõ Israele bachaoea ar onkoakʼ disạmreye duṛubea. Bidisiạ hoṛko do onko sãoteko seledokʼa ar onko do Jakobakʼ bõsrenko tulucʼko midokʼa.

Jesaea 41:9

iń do dhạrti reakʼ ses simạna khoniń hoho ạguakatʼmea. Ińiń metatʼmea, ‘am do ińren guti kanam,’ iń do amiń bachao akatʼmea, ar bạń dea gidiakatʼmea.

Jesaea 44:21

“E Jakob, E Israel, niạko disạ dohoyme, ente am do ińren guti kanam. Iń do amiń sirjạu akatʼmea, amge ińren golam do; E Israel bạń hiṛiń giḍimea.

Jesaea 45:4

Ińren golam Jakob lạgitʼ, ińiń bachao akawan Israel lạgitʼ iń do amakʼ ńutum ńumkateń hohoakatʼmea. Ar iń bam baḍae akadińre hõ amgeń bahna akatʼmea.

Jesaea 48:12

“E Jakob, E ińiń bachao akawan Israel, aben do ińakʼ katha ańjomben. Iń kangeạń uni do; ińge pạhilicʼ ar ińge sesicʼ.