Jesaea 43:4 - সান্তালী বাইবেল

⁴ Am bodolte iń do eṭakʼ hoṛkoń emokʼa ar amakʼ jiwi bodolte eṭakʼ jạtrenkoń emokʼa, ente ińakʼ nońjorre am dom damangea arem manotgea, ar iń do amiń dulạṛetʼmea.

Jesaea 43:4 Referans Kwoze

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Jirimiạ 31:3

Ona jokhecʼ Israelko doko menleda, Probhu Isor do sạṅgiń khon onko ṭhene ńel ocolena. Ar Probhu Isor do unre onkoe metatʼko tahẽkana, “Asambheṛ dayateń dulạṛ akatʼpea; ar asambheṛ mãyãtege iń ṭheniń or sorakatʼpea.”

Genesis 12:2

Iń do am khon mitʼ maraṅ jạtiń benaokoa. Amiń bhorama ariń maraṅmea amakʼ ńutum do goṭa beṛhae pasnaokʼtama ar am hotete hoṛ do bhorko ńama.

Johan sodor 3:9

Okoe apnarte Jihudiko ńumogokʼkan, menkhan Jihudiko baṅkan, onko Soetanakʼ dolren eṛe hoṛko am ṭheniń ạgukoa ar amakʼ jaṅga ṭheniń sewa ocokoa, ariń baḍae ocokoa, iń do amiń dulạṛetʼmea.

Johan 17:23

Metakʼme iń do onkore, ar am do ińre, jemon nonkate onko do mitʼko hoyokʼ. Onate dhạrtiren hoṛko baḍae daṛeakʼa, amge ińem kol akadińa ar cetʼleka ińem dulạṛedeń kan onkage onko hõm dulạṛetʼkoa.

Johan 16:27

Baba ma coṅ acʼgeye dulạṛetʼpe, ente ape do ińpe dulạṛakadińạ arpe pạtiạu akana, iń do Baba Isor ṭhen khoniń hecʼakana.

Hosea 11:1

Probhu Isore meneda, “Israel do gidrạ tahẽkan khongeń dulạṛedekana ar Misor khon do ińren hopongeń hoho ạgukedea.

1 Patras 1:7

Noako biḍạu do hijukʼgea jemon apeakʼ biswạs khạṭi mente sạbudokʼtape, ar onate Jisu Mạsiye sodorokʼre ape do sarhao, ṭhonok ar manotpe ńama. Okaṭakʼ sona do heṛ idikʼ ona hõ seṅgelre khạṭi ocoy hoyokʼa; menkhan apeakʼ biswạs reakʼ dam do ona sona khon hõ artetʼ sorosgea.

Malaki 3:17

Onko babotre phạdkoren Probhu Isore meneda, “Ińakʼ niṭ akatʼ dinre onko do ińren sompottiko hoyokʼa; onko do ińrengeko hoyokʼa. Mitʼṭen hoṛ cetʼleka acʼren sapʼsosoricʼ hopone mãyãwaekante sạjại khone sahaṛede onkage onko hõń sahaṛkoa.

Sereńko 135:4

Probhu Isor do Jakob acʼ lạgitʼe bachaowana, ar Israel do acʼakʼ ạidạri lekage.

Dosar Biboron 26:18

Probhu Isor hõ teheńgeye lại sodoretʼkana, acʼakʼ gokʼakʼ lekate ape do uniren kanape. Onate uniyakʼ hukum leka senokʼ hoyokʼtapea.

Dosar Biboron 14:2

Ape do Probhu Isor ńutumte mitʼṭen begar akan jạtrenko kanape. Dhạrtiren sanam jạtrenko mod khon Probhu Isor do apegeye bachao akatʼpea jemon uniren ạidạri porjakope hoyokʼ.

Johan 17:26

Iń do onko ṭheniń sodor akatʼmere hõ arhõń sodormea, jemon cetʼ lekam dulạṛ edeńkan onkan dulạṛ onkoakʼ ontorre tahentako ar iń do jemon onko tulucʼ mitʼ akaniń tahen.

Malaki 1:2

Probhu Isore meneda, “Iń do apeń dulạṛ akatʼpea, ” Menkhan apepe meneda, “Am do oka lekam dulạṛketʼlea” Probhu Isor doe roṛ ruạṛakeda, “Esao do cetʼ Jakobren boeha bae tahẽkana? Enhõ Jakob iń dulạṛkedea menkhan Esao do bạń moneyadea. Ińge uniyakʼ burukoń jarkharketʼtaea ar uniyakʼ ṭhạ̃i do hahaṅkarren toyokoakʼ iń hoyoco akada.”

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Johan 5:44

Ape do eṭakʼko ṭhen khon sarhao ocokʼpe ńamkana, menkhan okaṭakʼ sarhao eken Isor ṭhen khon ńamokʼ ona reakʼ do bape kurumuṭuyeda. Ar noa tayom do cekatepe pạtiạu daṛekokʼa?

Jesaea 63:9

Uni do onkoakʼ jotowakʼ dukreye dukena ar uniren goḍet do onkoe bańcaoketʼkoa. Uniyakʼ daya ar dulạṛte uni do onkoe chaḍaoketʼkoa; sedaeakʼ sanam dinkore onko doe tul rakapʼketʼkoa are ghõṛa idiketʼkoa.

Sereńko 112:9

Uni do chiṭiạukedae, reṅgecʼ orecʼkoe ematʼkoa; uniyakʼ dhorom do jaejug hạbicʼ tahenkana, uniyakʼ daṛe ar man do ḍher idikʼtaea.

Jesaea 49:5

Probhu Isor do acʼren golame hoeocoyiń lạgitʼ kukhireye benaoledińạ jemon Jakob do uni ṭheniń ạgu ruạṛe ar Israel do uni ṭhenko jarwakʼ. Iń do Probhu Isor nońjorreń manot ocoakana ar ińren Isor do ińakʼ daṛegeye hoyakana.

Dosar Biboron 4:37

Uni do aperen hapṛamkoe dulạṛketʼkoa ar ona tayom do onkoren bõskoe bachao hataoana. Ar onate acʼ hạjir tahẽkate acʼakʼ maraṅ daṛete Misor disạm khon apeye oḍok ạguketʼpea.