Jesaea 43:26 - সান্তালী বাইবেল

²⁶ Amakʼ bisoeko reaṅ disạ ocoyińme; ar dela hijukʼme, dela ona reaṅ laṅ reṭepeṭelenge, am do apnar secʼ katha roṛme jemon dhoromem ṭarhaokʼ.

Jesaea 43:26 Referans Kwoze

Jesaea 1:18

Probhu Isor do arhõe meneda, “Dela hijukʼpe, ńitokʼ bon galmarao phanḍaolege. Ente apeakʼ sanam kạiko sindur leka arakʼ akanre hõ enhõ ona do him leka ponḍokʼa; ar jeṅgetʼ arakʼ kanre hõ enhõ ona do bhiḍi upʼ leka ponḍokʼa.

Jesaea 43:9

Sanam boṅgan hoṛ jạtrenko doko jarwa midokʼma ar hoṛko do mitʼ jaegareko hecʼ jarwakʼma. Onko modre ona do okoeko jạhir daṛeakʼa, ar pạhil reakʼko do okoeye udukʼ daṛeabona? Ar onkoakʼ kathako je, sạrikan ona sạbud lạgitʼ onko do akoren gohako ạgukoma jemon onko do ona ańjomkateko mendaṛeakʼ, “Noage sạriyakʼ kana.”

Romiko lạgitʼ Pạul Apostolakʼ ciṭhi 8:33

Isor okoekoe bachao akatʼko onko upạrte do okoeye lạlisa? Isor acʼge coṅ onko ma dhorom menteye ataṅ akatʼko.

Sereńko 141:2

Ińakʼ koejoṅ do am samaṅre dhup leka bujhạukʼma, ińakʼ ti kin reakʼ ataṅ do ạyupʼ reakʼ samaṅokʼakʼ leka ente iń do am samaṅre hạjirgeń tahen kana.

Romiko lạgitʼ Pạul Apostolakʼ ciṭhi 10:3

Isor do manwako cetʼ lekate dhorom menteye ataṅkoa ona katha luturakʼ baṅkate onko do akoakʼ kurumuṭute dhorom udugokʼko menjoṅkan tahẽkana. Onatege Isor okaṭakʼ ponthate manwa dhorom menteye aṅgoce ona do bako manaoleda.

Jesaea 41:1

Probhu Isore meneda, “E sạṅgiń disạmren hoṛko, iń samaṅre thir hape akae tahenpe. E jạt jạtrenko, ape do nãwã daṛepe ńama; ape do hecʼ sorokʼpe ar katha roṛpe. Dela, bicạr lạgitʼ mitʼ sãote bon jarwakʼ ma.

Jesaea 50:8

Okoe bin dusạnicʼ menteye sạbud akadiń uni do sorrege menaea; enḍekhan okoe iń upạrte doe lạlisa? Dela, bon teṅgo ńapamlenge. Ar okoeye dusi akadiń, uni do iń samaṅreye hecʼ sorokʼma.

Jobakʼ 16:21

Manawa cetʼleka gate secʼ kathae roṛ onkage eken mitʼ hoṛ iń ńutumte Isor ṭhen kathae roṛ daṛeakʼ khan!

Genesis 32:12

Menkhan am dom metadiń tahẽkana, ‘khạṭige amiń bhạlạiymea ar am bõsren hoṛ do jalapuri reakʼ gitil lekań saṅge ocokoa ar onko do okoehõ bako lekha caba daṛeakoa.’ ”

Romiko lạgitʼ Pạul Apostolakʼ ciṭhi 11:35

Isor upạrte okoeyakʼ baṅ dạbiteakʼ menakʼtae, onate uniyakʼ dạbi do manao hoyokʼtaea mente?

Luk 16:15

Unre Jisui metatʼkoa, “Ape do hoṛko samaṅre dhorompe udugokʼ kana, menkhan Isor do apeakʼ mon reakʼe baḍaegea. Ente manwa ṭhen okaṭakʼ manotakʼkan, Isor samaṅre ona do hirkhạwakʼ kana.

Jeheskel 36:37

Ona tayom Probhu Isor do ińe metadińa, “Iń do ar mitʼ dhao Israel jạtrenko iń ṭhen nehõrokʼ iń metakoa ar onkoakʼ nehõrokʼakʼ lekate bhiḍi palko leka onkoren hoṛko alekhań hoyocokoa.

Luk 10:29

Uni dhorom guru do dhorome ṭarhaokʼa mente Jisui kulikedea, “Okoe kanae iń aḍepaseren hoṛ do?”

Sereńko 74:22

E Isor, am do ma beretʼdokʼte bicạr lạgitʼ amakʼ mambla hạjirme; alom hiṛińa bebuj hoṛko do goṭa din amko landa dhutʼam kana.