Jesaea 43:25 - সান্তালী বাইবেল

²⁵ “Ińge amakʼ ghạṭkoń meṭao akada; iń do amakʼ kạiko bạń disạ dohoytama.

Jesaea 43:25 Referans Kwoze

Ibriko 8:12

Onate iń do onkoakʼ kạiyiń ikạitakoa, ar tishõ onkoakʼ kại do baṅgeń disạ dohoya.”

Ibriko 10:17

Ona tayom sonot Jiue meneda, “Iń do onkoakʼ kại ar bedhoromakʼko tishõ baṅgeń disạ dohoytakoa.”

Jirimiạ 31:34

Apnar aḍepaserenko ar apnar boeha hõ noa mente okoege tishõ bae cetʼakoa, ‘Probhu Isor baḍaeyepe,’ ente jotoge ińko oromińạ. Ona iạte iń do onkoakʼ bedhoromiń ikạitakoa, onkoakʼ kại do ar tishõ bạń disạitakoa. Iń Probhu Isorge noa katha doń meneda.”

Jesaea 1:18

Probhu Isor do arhõe meneda, “Dela hijukʼpe, ńitokʼ bon galmarao phanḍaolege. Ente apeakʼ sanam kạiko sindur leka arakʼ akanre hõ enhõ ona do him leka ponḍokʼa; ar jeṅgetʼ arakʼ kanre hõ enhõ ona do bhiḍi upʼ leka ponḍokʼa.

Jesaea 44:22

Amakʼ ghạṭko do rimil lekań oṭaṅ giḍikakʼa ar amakʼ sanam kạiko do setakʼ reakʼ kuṛhạ lekań sạṅgiń akada. Iń ṭhen ruạṛ hijukʼme, ente ińge am doń chaḍao akatʼmea.”

Sereńko 25:7

Ińakʼ koṛa umer reakʼ kại ar am upạrte hul reakʼ katha do alom disạ dohokakʼa; amakʼ asambheṛ dulạṛ iạte disạyińme baṛe, ente E Probhu Isor, am dom bhagegea.

Jesaea 38:17

“Ńelme, ińakʼ bhạlại lạgitʼge niạ bạṛicʼ jontronań jomeda menkhan nosṭokʼ reakʼ khorloṅ khon am do amakʼ dulạṛtem bańcao akadińạ. Ar ińakʼ joto kạikom capatʼ giḍi akada.

Aposkạmi 3:19

Onate kại khon mon ạcurtape ar Isor secʼ ruạṛokʼpe jemon apeakʼ kạiko meṭaokʼtape;

Romiko lạgitʼ Pạul Apostolakʼ ciṭhi 5:20

Ạn-ạriko emena jemon behokakʼko ḍherokʼ, menkhan okare behokakʼ ḍherena onḍege Isorakʼ daya hõ artetʼge bạ̃ṛtiyena.

Mark 2:7

“Nui hoṛ do cedakʼ nonkan kathae roṛeda? Nui do Isore henostawae kana. Isor chaḍa ar okoe hale kại doe ikạ daṛekea?

Jesaea 43:11

Ińge Probhu Isor do, iń chaḍa ar cele babańcaoko hõ bạnukʼkoa.

Sereńko 25:11

Ińakʼ bedhorom reakʼ bojha do ḍhergea, onate E Probhu Isor, amakʼ ńutum rukhiyạitam lạgitʼ ińakʼ ona bedhorom baṛe ikạ kạtińme.

Sereńko 51:9

Ińakʼ kại secʼ do alom beṅgetʼakʼa; ińakʼ sanam ghạṭ baṛe ikạitińme.

Jirimiạ 50:20

Onako dinre ar onako oktere Israel reakʼ ghạṭko ńam baṛakʼa menkhan mitʼṭecʼ hõ baṅ ńamokʼa, ar Jihudạ reakʼ kạiko hõ ńam baṛakʼa menkhan mitʼṭecʼ hõ baṅ ńamokʼa, ente jiwetʼ okoyiń dohoko onko doń ikạkoa.

Jeheskel 36:22

“Onatege am do Israelkom metakoa, Probhu Isore menetʼkana, ‘E Israelko, ape khạtirte noakoń kạmi lạgidokʼkan ona do baṅa, menkhan ińakʼ ona sonot ńutum khạtirtege onań onkaea. Ape okoe do jạt jạtrenko talarepe senlen onḍege ińakʼ ńutumpe besonot akada.

Jeheskel 20:14

Menkhan ińakʼ ńutum rukhiyại tiń lạgitʼ iń do ona bạń onkaleda, jemon okoe jạtrenko samaṅre onkoń oḍok giḍiletʼko onko ṭhen ińakʼ ńutum besonotakʼ alo hoyokʼtiń.

Jeheskel 20:9

Menkhan ińakʼ ńutum rukhiyại tiń lạgitʼ ona do bạń onka akada, jemon okoe jạtrenko talareko girobasokʼ kan tahẽkan onko ṭhen ińakʼ ńutum besonotakʼ alo hoyokʼ. Misor disạm khon Israelko oḍok ạgukate onko jạtrenkoakʼ mẽtʼ samaṅre Israelko ṭhen ińtetʼ geń sodorena.

Jesaea 37:35

Ar ińge ińren guti Dạud lạgitʼ niạ nagrahań esetʼ ạcurkakʼa ariń rukhiyạya.’ ”

Jeheskel 36:32

Ape do baḍaekakʼpe, ape khạtirte noa kạmi do bạń kạmi lạgidokʼkana. E Israel jạtrenko, apeakʼ colon iạte lajao ar dukokʼpe.

Jeheskel 20:22

Menkhan ińakʼ ti doń ocokʼketʼtińạ ar ińakʼ ńutum rukhiyại lạgitʼ ona do bạń onkaleda jemon sanam jạtrenko samaṅre onkoń oḍok ạguletʼko tahẽkan onko ṭhen ińakʼ ńutum do besonotakʼ alo hoyokʼ.

Ephesiko lạgitʼ Pạul Apostolakʼ ciṭhi 1:6

Uni doe nonkaleda jemon acʼren dulạṛiạ Hopon hotete begor damte oka mạhimate perecʼ dayae dan akatʼbon uniyakʼ sarhao hoyokʼtae.

Ephesiko lạgitʼ Pạul Apostolakʼ ciṭhi 1:8

Isor do noa daya acʼakʼ maraṅ bud ar akel salakʼe dan akatʼ bona.

Luk 5:21

Noate sostor baḍaeko ar Phạrusiko do mone monete hudisokʼko ehopʼena, “Nui hoṛ doe okoekante, Isore henostawae kana? Isor chaḍa ar okoe kại doe ikạ daṛeakʼa?”

2 Bõsbudạ 6:21

Niạ ṭhạ̃i secʼ samaṅkate amren guti ar amren Israel hoṛko am ṭhenko nehõrokʼre onkoakʼ hõ luturakʼtako me. Amakʼ tahen ṭhạ̃i serma khon ańjomtakome ar ikạkakome.

Sereńko 103:12

Pạchim khon purub tinạkʼ sạńgińakʼkan, onkage aboakʼ kại hõ sạṅgińteye ocokʼ giḍikakʼa.

Jesaea 48:11

Iń okakoń cekae ona do iń lạgitʼge, eken iń lạgitʼgeń kạmiyeda. Iń do cetʼ ińakʼ ńutumiń besonot ocoytińạ? Ińakʼ sarhao eṭagicʼ do ohoń emlea.

Jesaea 55:7

Bedhorom hoṛ do acʼakʼ hore bạgiyakʼma ar dusṭạmi hoṛ do acʼakʼ sanam hudisakʼkoe bạgiyakʼma. Uni do Probhu Isor secʼe ạcur ruạṛokʼma, inạkhan uni cetanre Probhu Isor doe mãyãkʼa; aboren Isor secʼgeye ruạṛ ma, ente uni do asambheṛe ikạitaea.

Jesaea 64:9

E Probhu Isor, alom edre sạṅgińokʼa; ar aleakʼ ghạṭko jaejug hạbicʼ alom disạ dohoytalea. Alele nehõram kana, ale secʼ baṛe beṅgedme, ente ale sanamkoge amren hoṛ kanale.

Jeheskel 18:22

Uni okakoe kạmi akatʼ ona do ar bạń disạ dohokʼtaea. Ar dhorom reakʼ okakoe kạmi akatʼ ona iạte uni doe bańcaokʼa.

Jeheskel 33:16

Uni okae kại akatʼ ona reakʼ jãhãnakʼge uni upạrte do baṅ disạ dohokʼtaea. Uni do dhorom ar bhageakʼkoe kạmiakatʼ iạte khạṭigeye bańcaokʼa.

Sereńko 51:3

Ińakʼ sanam ghạṭko reakʼ katha do disạ menakʼtińgea; ar ińakʼ kại do jaoge iń samaṅre menakʼa.

Sereńko 51:4

Am upạrte, hẽ eken am upạrtegeń kại akada ar am mẽtʼãhã samaṅre okaṭakʼ bạṛicʼakʼkan onageń kạmi akada. Onatege amakʼ roṛ do dhoromgea ar amakʼ bicạr hõ nikhutgea.

Sereńko 103:3

Amakʼ sanam kại uni doe ikạitama; uni do amakʼ sanam rog bighinkoe bogeytama.

Jesaea 64:8

Enre hõ, E Probhu Isor, am do aleren Baba kanam. Ale do hasa kanale, ar am dom kuṅkạl kana; ale sanamkoge amakʼ ti reakʼ kạmiko kanale.