Jesaea 43:23 - সান্তালী বাইবেল23 Jeredokʼ samaṅokʼakʼ lạgitʼ iń ṭhen bhiḍi hõ bam ạguakatʼkoa ar amakʼ jãhãnakʼ samaṅokʼakʼ hotete iń do bam manot akadińạ. Iń do am cetanre anaj samaṅokʼakʼ bhar do bạń em akatʼmea; ar kundurukote hõ bạń laṅga ocoakatʼmea. Gade chapit la |
Menkhan okoe mitʼṭen ḍaṅgrae samaṅede uni do manwa khũnicʼ kanae, okoe mitʼṭen bhiḍi hopone samaṅede uni do setawakʼ hoṭokʼ rạputʼicʼ kanae, ar okoe anaje samaṅetʼkan uni do sukrikoakʼ mãyãm samaṅicʼ kanae, ar iń ńutumte dhupe jeretʼetʼkạnicʼ do boṅgako sewayicʼ kanae. Onko do apan ạpin horko bachao akawana; ar hirkhạwakʼ jinisteko tirpitokʼkana.
“Jãhãege Probhu Isor ńutumte jomakʼ samaṅokʼakʼe samaṅ khan uni do mĩhĩ holoṅteye onkaema. Uni do ona cetanre sunum dulkate onare kundurui dohoya ar Aronren hoponko ṭhen, metakʼme naekeko ṭhene idiya. Ar naeke do ona sunum sudhạ mitʼ cuputʼ holoṅe locaea ar kunduru do jotogeye hataoa ar jotowakʼ samaṅ baṅkate eken niạkoge pinḍ cetanreye jereda. Noa do seṅgelteakʼ mitʼṭecʼ jeredokʼ samaṅokʼakʼ kana one ona reakʼ jut so Probhu Isor doe kusiyakʼkan.
Ona tayom Probhu Isor do Moseye metadea, “Am do jut so mosola, metakʼme goglu, nothi, kunduru ar Lobanem hataoa. Am do noako reakʼ soman somanem hataoa arem sipi mesala ar jut so dhupem benaoa. Ar okoe jut so jinisko tear onko hotete noam kạmi ocoya. Onare buluṅ hõm emakʼa; noare jãhãn bhejalakʼ alo tahenma ona do sonotakʼge hoyokʼma.