Jesaea 43:22 - সান্তালী বাইবেল

²² “Menkhan E Jakob, am do bam hohoakadińạ; E Israel, am do iń iạtem laṅga akana.

Jesaea 43:22 Referans Kwoze

Mikạ 6:3

Probhu Isore meneda, “E ińren hoṛko, iń do apeakʼ cetʼ iń ceka akada? Ar oka lekate ape do kosṭoń em akatʼpea? Ma roṛ ruạṛạńpe.

Malaki 3:14

Apepe meneda, ‘Isor sarhaoe do ạuṛiyakʼgea. Uniyakʼ ạn-ạri lekate kạmi ar homor halaṅ baṛakate phạdkoren Probhu Isor samaṅre dãṛãbaṛae do cetʼ aboakʼ jãhãn lab hoyena?

Malaki 1:13

Ape do noa hõpe meneda, ‘Noako do samani haronokʼakʼ kana!’ Ape do luṭ ocoakan, leḍha se ruạkʼkan janwarpe ạguiyetʼkoa ar samaṅokʼren porob ńutumtepe samaṅetʼkoa, menkhan cetʼ iń do apeakʼ ti khon onań ataṅ daṛekea? Iń Probhu Isorge noa katha doń meneda.

Jirimiạ 10:25

Okoe jạtrenko bako aṅgocme, ar okoe bako hohowam, onko cetanre amakʼ edre baṛe dulme. Onko do Jakobko jom akadea, ar uniyakʼ disạmko marao giḍiakada,

Daniel 9:13

Moseyakʼ ạn-ạrire cetʼleka olakan onkage niạko muhin do ale cetanre hecʼ paṛao akana, enhõ ale do aleakʼ kại khon ruạṛkate aleren Probhu Isorakʼ daya ńam lạgitʼ bale kurumuṭu akada; amakʼ sạriyakʼre hõ bale moneyakʼkan tahẽkana.

Jirimiạ 2:5

Probhu Isore meneda, “Aperen hapṛamko do cetʼ ińakʼ dosko ńamletʼa, ar onate iń khonko sạṅgińlena? Onko do ạuṛiyakʼren boṅgako pańjaketʼkote apnartetʼ hõko ạuṛiyakʼena.

Jesaea 64:7

Am do okoe hõ bako hohowam kana se nehõram lạgitʼ am ṭhen do okoe hõ bako hijukʼkana, ente ale dom dea giḍiakatʼlea ar aleakʼ ghạṭko iạte jarkharokʼ lạgitʼem aṛakʼ akatʼlea.

Sereńko 79:6

Okoe bako manaome onko jạtrenko cetanre am do amakʼ edre upʼakome, ar onako rajosṭi cetanrehõ onkaeme okoe do amakʼ ńutum bako dohaeyakʼkan;

Sereńko 14:4

Bạṛicʼakʼko kạmikanko do cetʼ nunạkʼgeko bebujgea? Hoṛko cetʼleka jomakʼko jometʼkan onkage onko do ińren hoṛko jometʼkoa; onko do Probhu Isor hõ bako hohoae kana.

Malaki 2:17

Ape do apeakʼ katha hotete Probhu Isorpe laṅga ocoyede kana. Enhõpe meneda, “Cekate ale do unile laṅga ocoakadea?” Ape dope nonkayeda, arpe meneda, “Okoeko behoketʼkan onko sanamkoge Probhu Isorakʼ mẽtʼreko bhagegea ar uni hõ onko cetanreye kusigea,” Sepe meneda, “Okare menaea uni Isor do one uni dhorom reakʼe bicạretʼkan?”

Jesaea 64:6

Ale sanamkoge besapha hoṛko lekale hoyakana ar aleakʼ sanam dhorom kạmi do mạilạ kicricʼ leka hoyakantalea. Ale sanamkoge sakam lekale tolmocʼ akana, aleakʼ kại do hoe lekageye oṭaṅ idiyetʼlea.