Jesaea 43:20 - সান্তালী বাইবেল

²⁰ Bir janwar, toyo ar ũṭ cẽṛẽko do ińko sarhaoińa, ente ińren hoṛko, ińren bachao akan hoṛkoakʼ jomakʼ lạgitʼ hahaṅkarre dakʼiń jogao akoa ar khaṅkarre do gaḍań hoeocoya.

Jesaea 43:20 Referans Kwoze

Jesaea 41:17

“Reṅgecʼ ar nacarko do dakʼ reakʼko ńam baṛayeda, menkhan bako ńameda; tetaṅte alaṅ do sạkitʼ caba akantakoa. Menkhan iń Probhu Isorge onkoń roṛ ruạṛakoa; iń Israelren Isor do onko bạń bạgi giḍikoa.

Jesaea 48:21

Tinre uni do hahaṅkar talateye ạyuretʼko tahẽkana unre onko do tetaṅte bako laṅgalena, ente dhiri khon dakʼe oḍok ocoleda; uni do dhiriye paṛakʼ ocoleda ar ona khon dakʼ oḍoklena.

Jesaea 49:10

Onko do baṅ reṅgecʼkoa, ar baṅ tetaṅkoa se hahaṅkar reakʼ lolo se siń cando reakʼ jharla jhạrli setoṅ hõ baṅ paṛaoakoa. Onko cetanre okoeye mãyãkʼkan unige hore udukʼakoa ar dakʼ jharna ṭhene ạyur idikoa.

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”

Johan 4:14

Menkhan iń oka dakʼiń emokʼ, ar okoe onae ńũi uni do tisge oho tetaṅlea. Ona dakʼ do uniyakʼ ontorre jaejug jion lạgitʼ bhumbukokʼkan dakʼ jharna leka hoyokʼa.”

Jesaea 13:22

Onḍenakʼ buruńjre do toyoko raga ar khĩkṛĩ do gaṛreko tahena. Babel reakʼ okte do hecʼakana onako reakʼ din do ar baṅ ḍher ocowakʼa.”

Johan sodor 22:17

Sonot Jiu ar bạhu kuṛi dokin meneda, “Dela hijukʼme,” Ar okoe noa kathae ańjometʼ uni hõe menma, “Dela hijukʼme.” Okoe tetaṅede kan uni doe hijukʼma ar okoe dakʼ ńũi menetʼkan uni do begor damte jion dakʼe ńũ idi joṅma.

Johan sodor 21:6

Uni do arhõe metadińạ, “Hoyena. Ińge Alpha ar Omega, etohopʼ ar mucạtʼtetʼ. Okoe tetaṅ edekan uni do jiwetʼ dakʼ reakʼ jharna khon begor damteń ńũ ocoyea.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Johan 4:10

Jisu do uni maejiue roṛ ruạṛadea, “Isorakʼ danem baḍaele khan ar okoe am ṭhen dakʼe kokoe kana enḍekhan amge honaṅ uni ṭhen dakʼem koekea ar uni do jiwetʼ dakʼe emkema.”

Mark 13:20

Probhu Isor do onako din bae khaṭo ocole khan okoe hõ ohoko bańcao daṛekokʼa. Menkhan Isor do acʼren bachao akan hoṛko lạgitʼ ona dinkoe khaṭo akada.

Joel 3:18

“Enhilokʼ maraṅ buruko khon nãwã darkha rasako ńamokʼa ar huḍiń buruko khon do toage. Jihudạ reakʼ sanam dakʼ ạtukʼ nalako khon do dakʼ ạtu oḍokokʼa. Probhu Isorakʼ oṛakʼ khon hõ mitʼṭecʼ jharna phuṭạukʼte Siṭim reakʼ buru nalare dakʼe emakʼa.

Jirimiạ 31:9

Onko do rakʼ rakʼteko hijukʼa; ar tinre onkoń ruạṛ ạgukoa unre onko do koe koeteko hijukʼa. Onko do otte ar gaḍa dakʼko secʼteń taṛam ocokoa; onḍe onko do bako tohodokʼa, ente iń do Israelren, metakʼme Eprayimren apat kạnạń ar uni do ińren pạhil janamicʼ hopon kanae.

Jesaea 65:15

Ińren bachao akan hoṛko do jãhãe henostako lạgitʼ apeakʼ ńutumko ńumtapea. Probhu Isor do apeye gocʼpea, menkhan acʼren golamko do ar mitʼṭecʼ ńutume emakoa.

Jesaea 43:19

Ńelpe, iń do mitʼṭecʼ nãwã kạmiń kạmi lạgidokʼ kana. Ona do ńitge ehobokʼa arpe baḍae daṛeakʼa. Iń do hahaṅkar talate horiń benaoa ar khaṅkarre gaḍań ạtu ocoya.

Sereńko 148:10

E bir janwar ar sanam ạsul janwarko ar lacʼte taṛamko ar phạ̃kṛãkʼan jiwiyanko, uni sarhaoepe.

Sereńko 104:21

Juạn dhạcri kul do sendra jel lạgitʼko hạnḍrạukʼa, ar Isor ṭhen khon jomakʼko khoja.

Sereńko 33:12

Bhạgangeako onko jạtrenko do, okoeren Isor doe Probhu kan; Bhạgangeako onko hoṛ do, okoe do acʼakʼ nij ạidạri menteye bachao akatʼko.

Jesaea 30:25

Enhilokʼ ḍher hoṛko gocʼ ocokʼa ar gaṛko do lạnduṛokʼa unre sanam buru boṭkocʼko khon dakʼko ạtu pheḍokʼa.

Jesaea 32:2

Onkoren mimitʼko do birbão hoe khon okokʼ jaega ar hoe dakʼ khon danaṅokʼ jaegako hoyokʼa, ar khaṅgoṭ jaegare do ạtukʼ dakʼ lekako hoyokʼa, ar loraokʼkan disạmre do mitʼṭecʼ dhiri reakʼ umul lekankoge.

Jesaea 33:21

Onḍe daṛean Probhu Isor do aboakʼ bhạlại lạgitʼe tahena. Onḍe do osar osar gaḍa ar nalako tahena. Onḍe do lạukạ hõ baṅ calakʼa; ar jãhãn daṛeanakʼ jahaj hõ ona cetante baṅ calakʼa.

Jesaea 35:7

Rohoṛ ṭhon ṭhon jumi do pukriko hoyokʼa, ar tetaṅokʼkan ot do dakʼ reakʼ jharnakoge; ar toyoko tahenkan jaega do dalahe, chuci ar pạṭiolge janamokʼa.

Jesaea 41:18

Iń do poṭor buru cetante gaḍa dakʼ iń ạtu ocoya, ar buru-nalare do dakʼ reakʼ jharnakoge. Iń do hahaṅkarre pukhriń benaoa, ar rohoṛ otre do bhumbuk iń hoeocoya.