2 Dakʼ talatem sen paromokʼre hõ iń do am são sãoteń tahena. Ar gaḍako secʼtem calakʼre hõ onako do bako ḍubạmea; ar seṅgel talatem parom calakʼre hõ, am do bam lokʼa; seṅgel lepʼ do bae jharkao daṛeama;
Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.
Iń do amiń hukum akatʼmea, onate daṛean hoyokʼme ar monre dil dohojoṅme. Ar alom botorokʼa se alom as chuṭạukʼa, ente jãhãtegem senokʼ onḍege amren Probhu Isor do am sãoteye tahena.”
Gujukʼ umul reakʼ lodamreń taṛamlere hõ muhinko reakʼ do bạń botorokʼ kana, ente am do iń sãore menama; ar amakʼ ṭheṅga ar ṭhuṅgrạ do muhin khonkin bańcaoińạ.
Ar tinạkʼ din jiwetʼem tahen celege am upạrte do ohoko teṅgo daṛelena. Cetʼleka Mose sãoteń tahẽkan onkage am sãote hõń tahena; iń do tishõ bạń bạgi giḍimea ar bạń alaemea.
“Mitʼṭen kũạri kuṛi doe bhạrti hoṛmokʼa, ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.” Ona reakʼ mane do, Abon tulucʼ Isor.
Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.
Isore menkeda, “Ińge am sãoteń tahena. Am do Misor khon hoṛkom oḍok ạgukoa ar ape do noa burure ińpe sewawạńạ. Ar ińiń koletʼme noage uni ṭhen amakʼ cinhạ do hoyokʼa.”
Ona iạte tinạkʼ din ạt menakʼ unạkʼ din amko botoramkan hoṛ do am ṭhenko koejoṅ ma; sạrige, muhin do banbạsi dakʼleka tinre hijukʼa unre ona do onko baṅ paṛao akoa.
E ińren guti Jakob, alom botorokʼa, ente iń do am sãorege minạńa. Okoe jạtrenko talareń laga ńirletʼme onko jạtrenkoń marao utạrlekore hõ am do purạte bạń maraomea. Ar begor sạjạite hõ bạń aṛakʼmea, menkhan hok reakʼ bicạrtegeń ḍanṭaomea.”