Jesaea 42:4 - সান্তালী বাইবেল

⁴ Dhạrti reakʼ hok bicạr ạuriye purạu hạbicʼ uni do bae laṅgakʼa se bae talga tạuạgokʼa. Ar jalapuri ḍhipkoren hoṛ do uniyakʼ ạnko ńel hor akaeko tahena.”

Jesaea 42:4 Referans Kwoze

Jesaea 55:5

Sạrige, ape do boṅgan hoṛ jạtrenkope hohoakoa, okoe do bako oromakatʼpe, onko do ape ṭhenko ńir hijukʼa. Aperen Probhu Isor, Israelren uni sonoticʼ lạgitʼge onko doko hijukʼa, ente uni do apeye ṭhonok ocoakatʼpea.”

Genesis 49:10

Ar Silote uni ạuriye hijukʼ hạbicʼ jạt jạtrenko uniyakʼ hukum ạuriko bataotae hạbicʼ, uniyakʼ raj ṭheṅga do Jihudạ bõsrege tahena; ar cakʼlao ṭheṅga do uniyakʼ gunṭhikin talare.

Mathae 12:21

Ar porjạtrenko do uniyakʼ ńutumreko bhorsakʼa.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Sereńko 22:27

Dhạrti reakʼ ses simạren hoṛko hõ monko ạcurtakote Probhu Isor ṭhenko ruạṛ hijukʼa; ar eṭakʼ jạtren sanam gusṭirenko do uniko sewawaea.

Sakariạ 2:11

Enhilokʼ jạt jạtrenko do iń sãoteko midokʼa ar ińren hoṛko hoyokʼa. Ar iń do ape talareń girobasokʼa.” Ar tinre ona hoyokʼa unrepe baḍae daṛeakʼa, phạdkoren Probhu Isor do ape ṭhen ińe kol akadińạ.

Jesaea 66:19

Probhu Isor do arhõe meneda, “Onko talare mitʼṭecʼ cinhạń dohoya ar okoe jiwetʼko tahen onko mod khon adom do boṅgan hoṛ jạtrenko ṭheniń kolkoa. Tạrsis, Put ar Ludren dhinkiạko, Tubal, Greece ar okako sạṅgiń disạmre ińakʼ ńutum bako ańjomakatʼ ar ińakʼ mạhima bako ńelakatʼ onko ṭheniń kolkoa. Onko do boṅgan hoṛ jạtrenko ṭhen ińakʼ mạhima reakʼ kathako lại jạhira.

Jesaea 60:9

Sạrige sạṅgiń disạmren hoṛko do iń lạgitʼko koyokʼ horeda; amren hoponko lạgitʼ sona rupạ reakʼ maraṅ maraṅ Tạrsis jahajko do jotoko khon laha lahate hijukʼkana. Israelren uni sonoticʼ do, amren Probhu Isorakʼ ńutum sarhaotae lạgitʼ amren hoponkoko hijukʼkana, ente uni doe ṭhonok ocoakatʼmea.

Jesaea 42:12

Onko do Probhu Isorko sarhaoema; ar sạṅgiń disạmkoren do uniyakʼ sarhaoko jạhirtaema.

1 Korinthiko 9:21

Arhõ okoe ạn-tạri bahrere menakʼko onko labko lạgitʼ iń do ạn-tạri bahreren hoṛ lekań hoyakana. Onate Isorakʼ ạn bahrere minạńa ona do baṅ; iń do Mạsiyakʼ ạn taberege minạńa.

Romiko lạgitʼ Pạul Apostolakʼ ciṭhi 16:26

menkhan ńitokʼ bhage sombat hotete ona do sodorakana ar ona lekage iń hõń porcareda. Ar jaejugicʼ Isorakʼ hukum leka nạbikoakʼ olakʼ hotete sanam jạtren hoṛko ṭhen ona do baḍae ocoakana, jemon onko do Mạsireko pạtiạukʼte Isorren bataokoko hoydaṛeakʼ.

Jesaea 49:1

E sạṅgiń disạmren hoṛko, ińakʼ katha ańjompe; E sạṅgiń jạtrenko, luturakʼ tińpe. Probhu Isor do kukhi khone ḍakao akadińạ; ar eṅgạńakʼ hoṛmoreń tahẽkan khonge uni do ińakʼ ńutume ńum akatʼtińa.

Jesaea 41:5

Probhu Isorakʼ noa kạmi ńelte sạṅgiń disạmren hoṛ do botor caṛhaoakoa ar dhạrti reakʼ ses simạren hoṛ doko thartharaokʼa. Ar hecʼ sorkate mitʼ ṭhenko jarwakʼa;

Jesaea 40:28

Aben do cetʼ baben baḍaea? Aben do cetʼ baben ańjomakada? Probhu Isor okoe doe jaejugren Isorkan, okoe do dhạrti reakʼ mucạtʼ simạko hõe benao akatʼ, uni do bae laṅgakʼa, ar bae nijorokʼa, uniyakʼ ạkil reakʼ khạndritetʼ do celehõ bako jokha daṛeakʼa.

Jesaea 42:10

E jalapuri cetante dãṛãnkan hoṛko, ar onare menakʼ sanamakʼko, E sạṅgiń disạmko ar onaren girobasokʼko, ape do Probhu Isor ńutumte mitʼṭecʼ nãwã sereń sereńpe, pirthimi reakʼ ses simạna khon uniyakʼ sarhao sereńpe.

Jesaea 42:21

Probhu Isor doe kusiyena ar acʼakʼ dhorom ńutumte acʼakʼ ạnko maraṅ are ṭhonok ocoakada.

Jesaea 51:4

“E ińren hoṛko, ińakʼ katha ańjompe, ińakʼ kathako luturakʼpe. Iń khonge hukum do oḍokokʼa; ar ińge dhorom reakʼ bicạriń ṭarhao ocoya jemon jạt jạtrenko hõ marsalko ńam.

Jesaea 51:5

Ińakʼ dhorom do hecʼ sorakana ar ińakʼ babańcao reakʼ kạmi hõ ehopʼakana. Ińge jạt jạtrenko cetanre dhoromiń bicạra. Ar sạṅgiń disạmren hoṛko do iń secʼ beṅgetʼ akaeko tahena ar ińakʼ daṛeanakʼ sopo ńel hor akaeko tahena.

Jesaea 40:22

Prithimi cetan reakʼ sermare unige siṅghạsonreye duṛupʼ akana, dhạrtiren hoṛko do sosrocʼ leka kanako. Orwal leka uni do sermae pasnao akada, tahen lạgitʼ tạmbu leka onae ṭaṅgao akada.

Daniel 9:24

“Amren hoṛko ar amakʼ sonot nagraha lạgitʼ eaegel hapta ṭhik dohoakana. Ar onako oktere bạṛicʼakʼko do cabakʼa, bedhorom hõ baṅ tahena, kại do puruchunokʼa, ar jaejug dhoromge bikạukʼa, dorson ar nạbi katha purạukʼa ar sonot utạrakʼ ṭhạ̃i do ojokʼ bahal ocokʼa.

Mark 3:3

Jisu do uni borocʼ ti hoṛe metadea, “Beretʼme ar talare teṅgokʼme.”