Jesaea 42:24 - সান্তালী বাইবেল

²⁴ Jakob do luṭe lạgitʼ okoeye soprot akadea? Ar Israel do luluṭkoakʼ tire okoeye jimạ akadea? Unige cetʼ Probhu Isor doe baṅkana, one uni upạrte bon kại akatʼ? Unkin do uniyakʼ horte calakʼ bạkin khojleda, ar uniyakʼ hukum hõ bạkin manaoleda.

Jesaea 42:24 Referans Kwoze

Mathae 22:7

Unre raj doe raṅgaoena ar acʼren palṭonkoe kolketʼkote khũniạhikoe maraoketʼkoa ar onkoakʼ nagrahakoe jeretʼ giḍikatʼtakoa.

Amos 3:6

Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?

Rak̕joṅ 1:18

Uni doe meneda, “Probhu Isor doe dhoromgea, iń do uniyakʼ hukum birudreń hul akada. Sanam jạtrenko, ańjompe, ińakʼ harkhet ńelpe; ińren juạn ar juạniko do bondikate sạṅgińteko idi ocoakana.

Rak̕joṅ 1:14

Ińakʼ ghạṭko do arãṛ lekae tol joṛao akatʼtińạ; uniyakʼ titege onako doe tol mitʼakada. Ar ińakʼ tarenreye lade akawạdińạ, Probhu Isorge ińakʼ daṛe doe caba akattińạ. Ar okoe bạń teṅgo daram daṛeako onkoakʼ tireye soprot akadińa.

Jirimiạ 5:15

Probhu Isore meneda, “E Israel jạtrenko, am upạrte sạṅgiń disạm khon mitʼ jạtrenkoń ạgukoa. Onko do sedae jugren ṭikạu akan jạtrenko kanako; onko hoṛkoakʼ pạrsi do bape baḍaea ar onkoakʼ katha hõ bape bujhạu daṛeakʼa.

Jesaea 63:10

Enhõ onko doko hulkeda ar uniren sonot Jiuko duk ocokedea. Ona iạte uni do onkoren bạiriye hoyena ar acʼtetʼge onko upạrte lạṛhạiye ehopʼena.

Jesaea 47:6

Ińren hoṛko cetanre ińakʼ edre do caṛhaolentińạ ar ińakʼ sompotti doń bhõnḍ ocoleda. Onko do amakʼ tireń soprotletʼkoa ar am do onko cetanre bam mãyãlena. Ar haṛam hoṛko hõ hamal bojham ladeyatʼko tahẽkana.

Jesaea 45:7

Ińge marsal ar ńutiń benao akada; ińge bhạlạiyiń ạguiyeda ar ińge ghoṭnań sirjạueda. Iń Probhu Isorge niạkoń nonkayeda.

Jesaea 30:15

Probhu Isor, Israelren uni sonoticʼ do niạ kathae meneda, “Kại khonpe ruạṛlen khan bańcaope ńama, ar pạtiạrre diṛho akaepe tahelen khan do daṛepe ńama.” Menkhan ape do bape rạmjạulena.

2 Bõsbudạ 36:17

Onko upạrte Probhu Isor do Babelren raje ạgukedea. Uni raj do mundil oṛakʼre onkoren juạnkoe gocʼketʼkoa, uni do juạn kuṛi ar koṛako, haṛamko se umerte laha akanko okoege bae mãyãwatʼkoa. Isor do onko sanamkoge uni rajakʼ tireye jimạkatʼkoa.

2 Bõsbudạ 15:6

Mitʼ jạtrenko do eṭakʼ jạtrenko cetanre, mitʼ nagraharenko do eṭakʼ nagraharenko cetanre bạṛicʼ lạgitʼko kurumuṭukan tahẽkana, ente Isor ạḍi lekan be bhạlại iạteye kosṭoyetʼko tahẽkana.

Bikʼcạrko 10:7

Ona iạte uni do onko cetanre edrete pit caṛhaoadea ar Philisṭiko ar Amonrenkoakʼ tireye jimạkatʼkoa.

Bikʼcạrko 3:8

Ona iạte Probhu Isor do Israelko cetanreye edre seṅgelena ar Aram-Nahrayimren raj Kusan-Risithayimakʼ tire onkoe jimạketʼkoa. Ar onko do irạl bochor uni tabereko tahẽyena.

Bikʼcạrko 2:14

Ona iạte Probhu Isor do Israelko luluṭkoakʼ tireye jimạyetʼko tahẽkana. Onko do onkoakʼ jiniskoko luṭetʼ tahẽkana. Uni do onkoren beṛhaeten bạiriakʼ tireye jimạyetʼko tahẽkana, ar onate bạiriko upạrte bako teṅgo daṛeakʼkan tahẽkana.

Dosar Biboron 32:30

Mitʼ hoṛ do cekate hajar hoṛkoe lagakoa, ar bar hoṛ ńelte cekate gel hajar hoṛko ńir pharakokʼa, onkoakʼ asray buru bạirikoakʼ tire onko bae ạkhrińleko khan, ar Probhu Isor hõ bạirikoakʼ tire onko bae soprot leko khan?

Dosar Biboron 28:49

“Probhu Isor do sạṅgiń khon, dhạrti reakʼ ses simạna khon nonkan mitʼ jạtrenko ape upạrteye ạgukoa one onkoakʼ pạrsi bape bujhạutako. Onko jạtrenko do pajhaṛ cẽṛẽ leka ape cetanre sã menteye uḍạu ạgukoa.

Sereńko 81:13

Hae, ińren hoṛko do eken iń tabereko tahẽlen khan, ar Israel do ińakʼ hortegeye taṛamle khan,

Jesaea 42:23

Ape modre ińakʼ katha ańjomicʼ do okoe menaea? Ar oka okte hijukʼkan ona lạgitʼ ińakʼ katha do okoeye moneyakʼa?

Jesaea 48:18

Ape do eken ińakʼ hukumpe ańjomletiń khan apeakʼ suluk do gaḍa leka ar dhorom do jalapuriko leka hoyokʼtapea.

Jesaea 57:17

Onkoakʼ lob laloc reakʼ ghạṭ iạteń edre sạngińlena, ar onkoń sạjạiletʼkoa ar edre iạteń dea giḍiletʼkoa; enhõ onko do akoakʼ kusi leka calakʼko ehopʼena.

Daniel 1:2

Probhu Isor do uniyakʼ tire Jihudạren raj Jehoyakime soprotkedea ar uni sãote Isorakʼ oṛakʼ reakʼ adomakʼ bhajanko hõe emadea. Ar ona bhajanko uni do Babelte acʼren debotawakʼ mundilre idikate onḍenakʼ khajańci oṛakʼreye dohokada.

Sereńko 81:12

Ona iạte onkoakʼ mon do kạṭhuạ lekageń dohokatʼtakoa, jemon onko do akoakʼ kusi lekako calao daṛeakʼ.

Jirimiạ 44:10

Teheń hạbicʼ hõ apeakʼ ontor do dukte bape rạputʼletʼtapea se ińhõ bape botoradińa; ar aperen hapṛamko ṭhen okaṭakʼ niạmkoń ematʼko tahẽkan ona hõ bape manaoakada.