Jesaea 42:17 - সান্তালী বাইবেল

¹⁷ Menkhan okoe goṛhon muṭhạnreko bhorsakʼkan, ar okoe do chãchre dulakʼ boṅga muṭhạnko metakʼkan, ‘apege aleren debota do,’ enḍekhan onko do ạḍi lajaoreń paṛao ocokoa.

Jesaea 42:17 Referans Kwoze

Sereńko 97:7

Okoe murhutʼko sewawako kan ar Deb debota iạteko bạḍạiyokʼ kan onko sanamkoge lajaoreko paṛaokʼma; Probhu Isor samaṅre debotako do bohokʼko kuḍbur takoma.

Jesaea 44:11

Goṛhon muṭhạnre okoe jamaṛ akan menakʼko onko doko lajao ocokʼa; onkoren kạrigolko do manwa chaḍa ar cele hõko baṅkana. Onko sanamkoge mitʼ sãoteko teṅgokʼma; onko doko torasokʼa ar mitʼdomteko lajao ocokʼa.

Jesaea 1:29

“Hẽ, ape okoe do debdạru darepe sewawakʼ kan tahẽkan ape do ona iạtepe lajao ocokʼa, ar okako bagwanrepe sewayetʼ tahẽkan ona iạtepe nihạ̃t ocokʼa.

Jesaea 44:17

Ar sarecʼ hĩste do mitʼṭen debota, metakʼme mitʼṭen goṛhon muṭhạn benaokate otre ombakʼkateye ḍobokʼakʼa are sewawakʼa. Ar uni ṭhen koekateye mena, “Bańcaoińme; am kangeam ińren debota do.”

Exodus 32:8

Onko do ińakʼ hukum khon pharakteko senakana. Onko do ako lạgitʼ mitʼṭen mĩhũ muṭhạnko benao akawana. Ar otre ombakʼkate uniko ḍobokʼae kana ar uni ńutumte janwar dãṛẽko samaṅetʼkoa arko meneda, ‘E boehako, nuirege aboren debota do menakʼkoa. Noko debotage Misor disạm khonko oḍok ạguakatʼ bona.’ ”

Exodus 32:4

Aron do onkoakʼ ona saj bajkoe galao ocoketʼte chańcreye dulketʼa ar mitʼṭen mĩhũ muṭhạne benaokedea. Ona ńelte Israelko doko menkeda, “E boehako, aperen debotako do nuirege menakʼkoa. Misor disạm khon noko debotage ape doko oḍok ạguakatʼpea.”

Jesaea 44:9

Okoe goṛhon muṭhạnko benao onko doko ạuṛiyakʼgea; onkoren damanakʼ jinisko do porhoanakʼ doko baṅkana. Onko muṭhạnko secʼ okoe kathako roṛ onko doko kãṛãgea, cetʼge bako baḍaea; ona iạte onko do lajaoreko paṛaokʼa.

Jesaea 65:13

Onatege Probhu Isor doe meneda, ‘ińren golam doko joma, menkhan ape do reṅgecʼtepe gujukʼa; ińren golamko do dakʼko ńũiya, menkhan ape do tetaṅpea; ińren golam doko rạskạkʼa, menkhan ape dope lajao ocokʼa.

Jirimiạ 46:5

“Iń do cetʼ iạte noakoń ńeleda? Onko do botor caṛhao akatʼkoa, arko pạcakana, onkoren lạṛhại bir doko bhagao ocoyena. Onko do tayom secʼ beṅgetʼ ruạṛ baṅkate am ińko dạṛjoṅkana, ente beṛhaetege toras do menakʼa.

Sereńko 135:18

Okoe nokoko benao akatʼko ar okoe onko cetanreye pạtiạukʼ are bhorsakʼ onko hõ murhutʼ lekako hoyokʼa.