Jesaea 41:24 - সান্তালী বাইবেল

²⁴ Menkhan ape do sạrige cele hõpe baṅkana, ar apeakʼ kạmiko hõ cetatakʼge baṅkana; ar okoe apeye bachaope uni doe hirkhạwạnicʼ kana.

Jesaea 41:24 Referans Kwoze

1 Korinthiko 8:4

Ńitokʼ do boṅga ṭhen samaṅakʼ jomakʼ reaṅ iń roṛeda. Baḍaegea bon dhạrtire cele boṅgage bạnukʼkoa, ar mitʼ goṭen chaḍa ar cele Isor hõ bạnukʼkoa.

Sereńko 115:8

Okoe onkoko benao akatʼko ar okoe onko cetanreye pạtiạukʼ are bhorsakʼ onko hõ murhutʼ lekako hoyokʼa.

Jesaea 41:29

Ńelpe, onko jotogeko ạuṛiyakʼgea, onkoakʼ kạmi do cetʼhõ baṅkana. Onkoren dul muṭhạnko do eken hoe baragge.”

Jirimiạ 10:8

Onko jotoge lelha ar bebujan kanako. Onkoren boṅga do kaṭteko benao akana, onko do cetʼ jãhãn sikhnạtko em daṛeakʼa?

Johan sodor 17:5

Uniyakʼ moloṅre nonkan ńutum ol tahẽkana one ona reaṅ mitʼṭecʼ okoakʼ menakʼ. Ona ńutum do kana, “Maraṅ Babel, kusmbiko ar dhạrti reakʼ joto hirkhạwakʼkoren eṅgat.”

Jirimiạ 10:14

Sanam manwage bin ạkilan ar bebuj kanako; mimitʼ sonhar do akoren benao boṅga muṭhạn iạteko lajao ocokʼa. Uniren dul boṅga muṭhạnko doko ạuṛiyakʼgea, onkore do sahẽtʼge bạnukʼa.

Jesaea 66:24

Ar onko do oḍok kate iń upạrteko hulletʼ tahẽkan hoṛkoakʼ mạ̃ṛĩkoko ńela. Onkoren tejoko okoe do gocʼ hoṛakʼ jelko jom onko do bako gujukʼa ar onkoakʼ seṅgel hõ baṅ ĩṛĩjokʼa; ar onko do sanam manwa jạtrenko lạgitʼ hirkhạwanakʼgeko hoyokʼa.

Dosar Biboron 27:15

‘Onko hoṛ doko sarapangea, okoe do chãńchre dulakʼ muṭhạnko, kaṭren se dhiriren murhutʼko rokʼ benaoetʼko ar sewawako lạgitʼ danaṅ ṭhạ̃ireko dohoyetʼko. Noko sanam murhutʼko do Probhu Isor ṭhen hirkhạwan jinis kanako, ar eken kạrigolakʼ titegeko benao akana.’ Unre sanamkoko mena, ‘Amen.’

Dosar Biboron 7:26

Jãhãn hirkhạwakʼ jinisko oṛakʼte alope adera. Onako do mon ar ontorte hirkhạwakʼpe ar giḍikakʼpe, ente onako cetanre do maraokʼ reakʼ sarap menakʼa. Ar oṛakʼtepe ader khan ape cetanre hõ sarap paṛaokʼa.

Kạhtukko 3:32

ente Probhu Isor do konḍea horte calakʼ hoṛ doe kurudakoa, menkhan khạṭi ontorren hoṛko tulucʼ do helmele dohoyeda.

Kạhtukko 28:9

Probhu Isorakʼ ạn ạri reakʼ katha jãhãe ańjomkate hõ bae senakʼ, enḍekhan uniyakʼ koejoṅ hõ hirkhạwanakʼ hoyokʼtaea.

Jirimiạ 10:5

Onkoren boṅgako do taher goḍare bitʼ akatʼ bhibhiṛkạu khunṭiko leka kanako, onko do katha bako roṛ daṛeakʼa; onko do gokʼ idiko hoyokʼa; ente bako taṛam daṛeakʼa. Alope botorakoa; onko do apeakʼ bako loksan daṛeakʼa, ar bhạlại hõ bako bhạlại daṛeapea.”

Jirimiạ 10:15

Onako do ạuṛiyakʼgea, lajao ocokʼakʼ jiniskangea; bicạr hilokʼ onako do marao utạrokʼa.

Dosar Biboron 7:25

Onkoren boṅga muṭhạnko do seṅgelrepe khadle giḍikakʼa. Ar onkoakʼ hoṛmo reakʼ sona, rupạ do alope lalocakʼa. Ar ape lạgitʼ hõ alope hataoa, ente onape onkae khan onakoge apeakʼ jhampa leka hoyokʼa. Ar aperen Isor ṭhen hõ ona do hirkhạwanakʼ jinis kana.