Jesaea 41:19 - সান্তালী বাইবেল

¹⁹ Hahaṅkarre, debdạru, babla, mehndi ar jạitun darekoń rohoea ar khaṅkarre do saro, tạsur ar jhão darekoge,

Jesaea 41:19 Referans Kwoze

Jesaea 55:13

Ar jạnumko bodolte do saro dareko ar seṅgel siń bodolte do mehendi dareko hara rakabokʼa. Probhu Isor lạgitʼ ona do mitʼṭecʼ dikʼsạ cinhạge hoyokʼa. Ona cinhạ do tishõ baṅ maraokʼa.”

Jesaea 35:1

Hahaṅkar jaega ar khaṅgoṭ disạm do rạskạkʼa; khaṅkar ot do hulạsokʼa ar jo bahakʼa. Sạpin leka asecʼ tasecʼ bahakʼa; khaṅgoṭ ot do rạskạkʼa are hulạsokʼa. Uni do Lebanon reakʼ ṭhonoke emocokʼa, uni do Karmel ar Saron reakʼ mạhimako emaea; ar hoṛko do Probhu Isorakʼ ṭhonokko ńela, aboren Isorakʼ mạhimage.

Jesaea 60:13

“Lebanon reakʼ mạhima do am ṭhen hijukʼa; ińakʼ sonotakʼ ṭhạ̃i sajao lạgitʼ saro dare, jhao dare ar tạsur darekoge ạgukʼa; ar iń do ińakʼ jaṅga reakʼ ṭhạ̃iyiń ṭhonok ocoytińạ.

Jesaea 61:11

Otre cetʼleka kahleko omon oḍokokʼ ar bagwanre cetʼleka erakʼko hõ janamokʼ onkage Probhu Isor do sanam jạtrenko samaṅre dhorom ar sarhao reakʼ kahleye omon ocoya.

Jesaea 60:21

Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.

Jesaea 27:6

Hijukʼkan dinkore Jakob doe rehedokʼa, ar Israel doe bahakʼa ar sagenokʼa ar goṭa dhạrti do joteye pereja.”

Jeheskel 47:12

Gaḍa reakʼ banar aṛetege sanam lekanakʼ jo reakʼ dare janamokʼa. Onako reakʼ sakam do baṅ tolmojokʼa, ar jo hõ baṅ cabakʼa. Jao candoge onare do jokʼa, ente mundil oṛakʼ khon onḍe do dakʼ ạtu hijukʼa. Onako reakʼ jo jom lạgitʼ ar sakamko do bogekʼ lạgitʼ beoharokʼa.”

Jesaea 61:3

jemon Sionre okoeko hirdạukʼkan onkoakʼ bohokʼre torocʼ bodolte abhraniń emako; hirdạukʼkan bodolte rạskạ reakʼ sunum ar as chuṭạukʼ akan bodolte sarhaoe reakʼ kicricʼ iń em daṛeako. Onko do dhorom reakʼ elon dareko ńumogokʼa; Probhu Isorge ona doe rohoe akada jemon onko hotete acʼakʼ mạhima sodorokʼtae.

Jesaea 51:3

Sion do khạṭige jiwi raṛecʼ iń emaea ar uniyakʼ sanam jarkharakʼko cetanreń mãyãkʼa; Ona reakʼ hahaṅkar do Eden bagwan lekań hoeocoya ar khaṅgoṭ ot do Probhu Isorakʼ bagwan leka. Onare do hulạs, rạskạ, sarhao ar sereń reakʼ aṛaṅkoge ńamokʼa.

Jesaea 43:19

Ńelpe, iń do mitʼṭecʼ nãwã kạmiń kạmi lạgidokʼ kana. Ona do ńitge ehobokʼa arpe baḍae daṛeakʼa. Iń do hahaṅkar talate horiń benaoa ar khaṅkarre gaḍań ạtu ocoya.

Hosea 14:8

E Ephrayim, boṅgako sãote amakʼ do jãhãn sompokge bạnukʼa. Ińge amakʼ koejoṅ reakʼ roṛ ruạṛiń emama ar amiń jotonmea. Iń kangeạń soṛa Saro dare do; amakʼ jo do iń khonge hijukʼkana.”

Sakariạ 1:8

Ńindạ jokhecʼ iń Sakariạ do mitʼṭecʼ dorson iń ńelkeda. Iń doń ńelkeda, manwa leka ńelokʼte mitʼṭen serma goḍet do arakʼ sadomreye decʼakana. Ar sadom do mitʼṭecʼ copotʼ jaegare mehendi dareko talareye teṅgo akana. Ar uni hoṛ tayomre do arakʼ, sãoṛa ar ponḍ roṅan sadomko tahẽkana.