Jesaea 41:18 - সান্তালী বাইবেল

¹⁸ Iń do poṭor buru cetante gaḍa dakʼ iń ạtu ocoya, ar buru-nalare do dakʼ reakʼ jharnakoge. Iń do hahaṅkarre pukhriń benaoa, ar rohoṛ otre do bhumbuk iń hoeocoya.

Jesaea 41:18 Referans Kwoze

Sereńko 107:35

Hahaṅkar do jolae hoyocoyeda ar khaṅgoṭ jaegako do jharnae hoyocoyeda.

Jesaea 58:11

Iń Probhuge Isorge sanam ghạṛicʼ iń ạyurpea; ar khaṅgoṭ jaegakoreń tirpit ocopea ar hoṛmore daṛeń danapea. Ape do dakʼ ńametʼkan bagwan lekape hoyokʼa ar nonkan dakʼ jharnakope hoyokʼa ona do baṅge ańjedokʼa.

Jesaea 30:25

Enhilokʼ ḍher hoṛko gocʼ ocokʼa ar gaṛko do lạnduṛokʼa unre sanam buru boṭkocʼko khon dakʼko ạtu pheḍokʼa.

Johan sodor 7:17

ente Bheḍa Hopon okoe do siṅghạsonre menae unige onkoren gupiyicʼe hoyokʼa. Ar jiwetʼ dakʼ reakʼ jharna ṭhene idikoa, ar Isor do onkoakʼ mẽtʼdakʼe jodtakoa.”

Jesaea 44:3

ente tetaṅokʼkan disạmre dakʼ iń dula. Ar amren hoponko cetanre ińren Jiu iń dulea ar amakʼ bõsren hoṛkoń bhorakoa.

Johan sodor 22:1

Ona tayom uni serma goḍet do jion dakʼ reakʼ gaḍae udukʼạdińạ. Ona do dhiri hisir leka rilạmala tahẽkana ar Isor ar Bheḍa Hoponakʼ siṅghạson ṭhen khon ạtu oḍokkate nagraha reakʼ kulhi talate ạtukʼkan tahẽkana.

Sakariạ 14:8

Un jokhecʼ niron din ar rabaṅ dinre Jerusalem khon do heṛem dakʼ ạtu oḍokokʼte adha do purub jalapuri secʼ ar adha do pạchim jalapuri secʼ ạtu calakʼa.

Joel 3:18

“Enhilokʼ maraṅ buruko khon nãwã darkha rasako ńamokʼa ar huḍiń buruko khon do toage. Jihudạ reakʼ sanam dakʼ ạtukʼ nalako khon do dakʼ ạtu oḍokokʼa. Probhu Isorakʼ oṛakʼ khon hõ mitʼṭecʼ jharna phuṭạukʼte Siṭim reakʼ buru nalare dakʼe emakʼa.

Jesaea 32:2

Onkoren mimitʼko do birbão hoe khon okokʼ jaega ar hoe dakʼ khon danaṅokʼ jaegako hoyokʼa, ar khaṅgoṭ jaegare do ạtukʼ dakʼ lekako hoyokʼa, ar loraokʼkan disạmre do mitʼṭecʼ dhiri reakʼ umul lekankoge.

Jesaea 12:3

Ona iạte ape do hulạsate bańcao reakʼ kũń khon dakʼpe loya.

Jesaea 48:21

Tinre uni do hahaṅkar talateye ạyuretʼko tahẽkana unre onko do tetaṅte bako laṅgalena, ente dhiri khon dakʼe oḍok ocoleda; uni do dhiriye paṛakʼ ocoleda ar ona khon dakʼ oḍoklena.

Sereńko 105:41

Uni do dhiriye jhicʼ ocoketʼte, ona khon dakʼe emena; rohoṛ jaega talate ona do gaḍa dakʼ leka ạtu oḍokena.

Sereńko 46:4

Mitʼṭecʼ gaḍa menakʼa ar ona reakʼ nalako do Isorakʼ nagrahakoe rạskạ ocoyeda, ona sonot ṭhạ̃ikoge okare maraṅ Isorre tahenkan.

Sereńko 104:10

Buru lodamkore amge dakʼ jharnakom kolkeda; ar ona dakʼ do buru talate ạtu calakʼ kana.

Jesaea 33:21

Onḍe daṛean Probhu Isor do aboakʼ bhạlại lạgitʼe tahena. Onḍe do osar osar gaḍa ar nalako tahena. Onḍe do lạukạ hõ baṅ calakʼa; ar jãhãn daṛeanakʼ jahaj hõ ona cetante baṅ calakʼa.

Jesaea 35:1

Hahaṅkar jaega ar khaṅgoṭ disạm do rạskạkʼa; khaṅkar ot do hulạsokʼa ar jo bahakʼa. Sạpin leka asecʼ tasecʼ bahakʼa; khaṅgoṭ ot do rạskạkʼa are hulạsokʼa. Uni do Lebanon reakʼ ṭhonoke emocokʼa, uni do Karmel ar Saron reakʼ mạhimako emaea; ar hoṛko do Probhu Isorakʼ ṭhonokko ńela, aboren Isorakʼ mạhimage.

Jesaea 65:13

Onatege Probhu Isor doe meneda, ‘ińren golam doko joma, menkhan ape do reṅgecʼtepe gujukʼa; ińren golamko do dakʼko ńũiya, menkhan ape do tetaṅpea; ińren golam doko rạskạkʼa, menkhan ape dope lajao ocokʼa.

Bikʼcạrko 15:19

Unre Isor do Lehire mitʼṭen ghaḍlakʼe paṛakʼ ocoketʼte ona khon dakʼ oḍok hecʼena. Ar ona dakʼe ńũketʼ khan Samson do daṛe ńamketʼteye cerṭha ruạṛena. Onate ona jharna reakʼ ńutum do Enhakkore dohokeda (Ona reakʼ mane do “Koejoṅ kạnicʼ reakʼ jharna”). Ar jharna do ńit hõ Lehire menakʼgea.

Sereńko 126:4

E Probhu Isor, Negeb reakʼ dakʼ nalako leka alehõ lahate leka pheraoleme.