Jesaea 41:15 - সান্তালী বাইবেল

¹⁵ Ńelme, nãwã enokʼ paṭageń hoyocomea. Am do burukom en gunḍạea, ar ḍuṅgriko do bhusạ lekam hoeocoya.

Jesaea 41:15 Referans Kwoze

Mikạ 4:13

Probhu Isore meneda, “E Sion kuṛi, ma beredokʼte phosol manḍaeme; iń do mẽṛhẽtʼ reakʼ dereń ar pitạl reakʼ khurạń emama jemon ḍher jạtrenkom gejer daṛeako. Onkoakʼ behokte hameṭakʼ jinisko ar dhon do iń ńutumte, goṭa dhạrtiren Probhu Isor ńutumte maraokʼ reakʼem sarapakoa.”

Sakariạ 4:7

E maraṅ utạrakʼ buru, am dom okoekana? Serubabel samaṅre am do ot lekagem hoyokʼa. Koejoṅ oṛakʼ reakʼ mucạtʼ dhiri bạisạu jokhecʼ hoṛ do hohokateko mena, ạḍi mońjge hoyakana.’ ”

Habakkuk 3:12

Am do edrete dhạrti talatem laha idiyena ar jạt jạtrenkom lebetʼ gańjaoketʼkoa.

Jesaea 21:10

E ińren hoṛko, ape do ińakʼ khạrạire enakʼ ar oṭaṅ saphawakʼ jaṅ kanape. Phạdkoren Probhu Isor ṭhen khon, Israelkoren Isor ṭhen khon iń okań ańjomakatʼ ona do apeń baḍae ocoketʼpea.

Jesaea 28:27

Kạliạ jirạ do paṭate bako ena, se sagaṛ reakʼ pạ̃ihạ̃ hõ bako guṛgạu baṛaea, bickom ṭheṅgatege kạliạ jirạ ar jirạ doko ena.

Sereńko 18:42

Hoete oṭaṅokʼkan dhuṛi leka onko doń holoṅ ḍigirketʼkoa, ar ḍahar reakʼ losotʼ lekań giḍikatʼkoa.

Jesaea 17:13

Disạm disạmrenko do aema dakʼ lekako hud hudạukʼkanre hõ, enhõ uniye dhomkao lekore onko do sạṅgińteko ńirjoṅa. Onko do oṭaṅokʼkan bhusạ leka, ar hoete gurlạu baṛaekan dhuṛi lekae oṭaṅ cabakoa.

Jesaea 29:5

Menkhan amren locotʼ locotʼ bạiriko do lopotʼ dhuṛi lekako hoyokʼa; onko kurmutạhako do oṭaṅokʼkan bhusạ lekako hoyokʼa. Hẽ, mitʼ ripitʼrege phạdkoren Probhu Isor do huḍur, ot laṛao ar ãṭ saḍete, bharḍo ar birbão hoe ar jojomkan seṅgelteye sạjạikoa.

Jesaea 42:15

Iń do buru boṭkocʼkoń jarkhara ar onḍenakʼ sanam aṛakʼ sakamkoń rohoṛ kạrcuba; ar gaḍako do ghuṭu otiń hoeocoya ar jolako doń ańjetʼ rohoṛa.

Jesaea 64:1

Serma oṛecʼkate baṛem pheḍ hecʼlen khan! Ar am samaṅre buruko dalmalaolen khan!

Jirimiạ 9:10

Buruko ńutumteń rakʼeda ar hahaṅkar reakʼ ạtiń ṭạnḍiko lạgitʼ doń homor halaṅeda. Ente onako do dhaṅdhaser akana, ar okoehõ onkate do bako paromokʼkana. Mĩhũ meromkoakʼ bhokraokʼ hõ baṅ ańjomokʼkana. Coṭren cẽṛẽ ar janwar doko dạṛ akada arko calao cabayena.

Jirimiạ 51:20

Probhu Isore meneda, “E Babel, am kangeam ińakʼ lạṛhại reakʼ mutạk, am kangeam ińakʼ lạṛhại reakʼ khanḍa bhanḍa; am hotetege jạtrenkoń chaka chun akatʼkoa, ar am hotetege rajosṭikoń marao giḍiakada;

Jirimiạ 51:33

Iń phạdkoren Probhu Isorgeń meneda, “Babel kuṛi do phosol enokʼ jokhecʼ reakʼ khạrại lekageye hoyakana; ar phosol samṭao leka uni samṭaoe reakʼ okte do usạrage hijukʼa.”

Jeheskel 33:28

Israel disạm do mitʼṭecʼ ujạṛ utạrakʼ ṭhạ̃igeń hoeocoya; uniyakʼ daṛe reakʼ bạḍạitetʼ do caba utạrokʼtaea ar uniyakʼ buru-ḍuṅgriko do ujạṛ akange tahena, ar onkate do celege bako sen paromokʼa.

Daniel 2:35

Unre ona mẽṛhẽtʼ, jaṭaṅ hasa, pitạl, rupạ ar sona do mitʼdomte gejerena ar niron din reakʼ khạrại bhusạ leka hoyena, ar hoe do onakoe oṭaṅ idikeda, ar onako lạgitʼ do okare hõ ṭhạ̃i baṅ hoylena, Ar okaṭakʼ dhiri ona boṅga muṭhạnre josen, ona do mitʼṭecʼ maraṅ buru hoyena, ar goṭa dhạrti perecʼena.

Mikạ 5:8

Jạt jạtrenko talare Jakobren bańcao tahen hoṛ do bir janwarko talare dhạcri kul lekako hoyokʼa, bhiḍi pal talare dhạcri kul lekage; uni dhạcri kul do tinre bhiḍiko talareye bolokʼa unre onko doe sapʼkoa are or cirạkoa; ar celege onko do bako bańcao daṛeakoa.

Josuạ 17:18

Bir-gajaṛte perecʼ buru ṭoṭhako hõpe ńama. Ona makʼ saphae hoyokʼtapea. Gajaṛ ar ona sãoteakʼ sanam jumiko do apeakʼ ạidạrire tahena. Kananikoakʼ mẽṛhẽtʼ reakʼ rãt gạḍi tahẽlenre hõ arko daṛegere hõ ape do onkope laga ńir daṛeakoa.

Bikʼcạrko 6:16

Probhu Isore roṛ ruạṛketʼteye menkeda, “Iń do am sãoteń tahena, ar onate sanam Midiạnrenko do mitʼ hoṛ lekagem haraokoa.”

Jobakʼ 41:30

Uniyakʼ latar hĩs do laser kelhatʼ leka; ar losotʼreye sayaṛ kana lelen paṭa leka.