Jesaea 40:8 - সান্তালী বাইবেল

⁸ Ghãs do rohoṛokʼa ar baha do ńurokʼa menkhan aboren Probhu Isorakʼ katha do jaejug tahẽ akan tahenkana.”

Jesaea 40:8 Referans Kwoze

Mark 13:31

Serma ar dhạrti do cabakʼa menkhan ińakʼ kathako do jaejug hạbicʼ tahena.

1 Patras 1:25

Menkhan Probhu Isorakʼ katha do jaejug hạbicʼ tahena. Ar noa kangea ona bhage sombat do, one okaṭakʼ do ape ṭhen porcar akan.

Mathae 24:35

Serma ar dhạrti do cabakʼa, menkhan ińakʼ katha do jaejug hạbicʼ tahena.

Mathae 5:18

Sạrigeń metapekana, serma ar dhạrti ạuri cabakʼ hạbicʼ, ar ạn-ạri reakʼ sanamakʼ kathako ạuri purạukʼ hạbicʼ ona ạn-ạri reakʼ mitʼ akhor se ṭuḍạkʼ hõ oho meṭaolena.

Johan 10:35

Isorakʼ katha okoe ṭhen hecʼlen onkoge coṅ uni ma Deb menteye metatʼko tahẽkan. Sonot sostor reakʼ katha do cetʼ mạutạ daṛekokʼa? Tis hõ baṅa.

Sakariạ 1:6

Menkhan iń do ińren gutiko, metakʼme nạbiko okań hukumatʼko tahẽkan, ińakʼ onako katha ar niạm lekate aperen hapṛamko do cetʼ sạjại bako ńamleda? Unre onko do mon ạcurkateko menleda, sanam daṛeanicʼ Probhu Isor do onkoakʼ ạri cạli ar hewa lekate onko lạgitʼ okae ṭhik doholetʼ onageye kạmi akada.’ ”

Jesaea 59:21

Onko lạgitʼ ińakʼ bondobos do noage: ińren Jiu okoe do apere menae ar ińakʼ okako katha apeakʼ mocareń emakatʼ ona do ape, aperen hoponko ar onkoren hoponkoakʼ moca khon baṅ adokʼa; ona do ńit khon jaejug hạbicʼ tahẽ akae tahena. Iń Probhu Isorge noa katha doń meneda.”

Johan 12:34

Unre hoṛko do Jisuko metadea, “Sonot sostor khonle baḍae akada Mạsi do jaejug hạbicʼe tahena. Enḍekhan am do cekatem meneda, Manwa Hopon do coṭte rakapʼ ocokʼ hoyokʼtaea? Enḍekhan nui Manwa Hopon doe okoe kana?”

Numeri 23:19

Isor do manwae baṅkana onate uni do eṛe kathae roṛa; uni do manwa khon hõ bae janam akana, onate moneye bodoltaea. Uni okae men ona do hoyokʼgea, ar acʼakʼ gokʼakʼ do jaogeye purạueda.

Sereńko 111:8

Ona ạnko do jaejug hạbicʼ tahena; ona do pạtiạrgea ar dhoromte benao akana.

Jirimiạ 44:29

“ ‘Iń Probhu Isor do ape lạgitʼ mitʼṭen cinhạń emokʼa, niạ ṭhạ̃ire apeń sạjạipea jemonpe baḍae daṛeakʼ ape oka botoriń udukʼatʼpe tahẽkan ona do ṭhikgea mente. Ar ona cinhạ do noage,