Jesaea 40:7 - সান্তালী বাইবেল

⁷ Ghãs do rohoṛokʼa ar baha hõ ńurokʼa, Probhu Isorakʼ sãhetʼ onareye oṅlere. Sạrige manwa do ghãs leka kanako.

Jesaea 40:7 Referans Kwoze

Jobakʼ 41:21

Uniyakʼ sahẽtʼte koela do salgaokʼ kana ar moca khon do seṅgel lepʼ oḍokokʼ kana.

Jakob 1:10

Ar okoeye kisạ̃ṛge, Isor do uniye nindhạnkedete uni hõ apnarte bhạganicʼe bujhạukʼma, ente uni do ghãs reakʼ baha lekageye mosotʼ cabakʼa.

Jakob 1:11

Siń cando jharla jhạrli setoṅanteye rakapʼlenre ghãsko do rohoṛokʼa ar ona reakʼ sajaotetʼ do nosṭo cabakʼa. Onkage kisạ̃ṛ hoṛ hõ acʼakʼ jion reakʼ horkoreye tolmocʼ cabakʼa.

Jobakʼ 4:9

Isorakʼ sahẽtʼte onko doko marao utạrokʼa ar uniyakʼ edre reakʼ oṅteko mohor meṭao utạrokʼa.

Jobakʼ 14:2

Uni do baha lekae saṛokʼkana ar ona tayom doe tolmojokʼa; uni do umul lekae ńir calakʼkana, ar bae tahenkana.

Sereńko 90:5

Am do manwako ḍubạ dakʼtem ạtu idiyetʼkoa, onko do kukmũ baragge; onko do tolmojokʼ ghãs lekanako.

Sereńko 90:6

Setakʼre ona do bahakʼa; ar ạyupʼ do tolmojokʼa, ar rohoṛ cabakʼa.

Sereńko 102:4

Setoṅ reakʼ tạpiste rohoṛ akan ghãs leka ińakʼ ontor do rohoṛ akana; iń do jom hõń hiṛińeda.

Sereńko 103:16

Baha cetanteye hoe lekhan baha do baṅ tahena; ar okareye bahalen onḍe hõ uni do bako disạyea.

Jesaea 11:4

Menkhan reṅgecʼko do hok reakʼe bicạr takoa, ar dhạrtiren mạ̃hirkoakʼ do dhorom seletʼe phanḍaotakoa. Uni do acʼakʼ moca ṭheṅgate dhạrtirenkoe ńẽtʼkoa, ar bạṛicʼ hoṛko do acʼakʼ sãhetʼteye gocʼkoa.

Jesaea 37:27

Onḍenko hoṛ doko nijor akana ar ạḍi bạṛicʼko botor akana arko lajao akana. Onko do khet reakʼ ghãs leka, omon rakapʼ akan hạriạṛ cara leka, chad cetanre janam akan ghãs leka ạuri hara rakabokʼregeko tolmojokʼ kana.

Jesaea 40:24

Enegeko rohoeyokʼ kana, ar enegeko erogokʼ kana ar enegeko rehedokʼ kana, uni do onko cetanreye oṅeda ar onko doko tolmojokʼ kana; mitʼṭecʼ hoe bharḍo leka uni doe oṭaṅ idiyetʼkoa.

Jesaea 51:12

Probhu Isore meneda, “Iń kangeạń apeakʼ jiwi rakʼṛecʼicʼ do. Manwa do cedakʼpe botorako kana? Onko doko gujukʼgea. Manwa hopon do ghãs baragge thoṛa okteko tahena.

Hagae 1:9

“Ape do ḍher phosol ńam lạgitʼpe aslena, menkhan thoṛagepe ńam akada. Ar oṛakʼte tinạkʼpe aderan tahẽkan ona doń oṭaṅ giḍi akatʼtapea. Cedakʼ iń onka akatʼtapea? Ińakʼ oṛakʼ lạgitʼge ona doń onka akada, ente ińakʼ oṛakʼ do dhaṅ dhaser akana, ar ape do apan ạpin oṛakʼ lạgitʼpe odoṛ dhopuṛ baṛaekana.

Sereńko 103:15

Ghãs lekage aboakʼ bahaokʼ dinko do, ṭạnḍi reakʼ bahako lekage uni doe bahakʼ kana.