Jesaea 40:31 - সান্তালী বাইবেল

³¹ menkhan Probhu Isorre okoe asko dohoyetʼ onko do nãwã daṛeko ńama. Pajhaṛ cẽṛẽ leka onko do phạ̃kṛạ̃kʼ hotete coṭteko uḍạukʼa; onko doko dạṛ idiya ar bako laṅgakʼa, taṛamako ar bako nijorokʼa.

Jesaea 40:31 Referans Kwoze

2 Korinthiko 4:16

Onate ale do bale as chuṭạukʼ kana. Ente aleakʼ bahre hoṛmo nasao idikʼkanre hõ bhitri hoṛmo do din dinte nãwã idikʼ kantalea.

Sereńko 103:5

Ar bhạlạiyanakʼ jiniskote uni doe tirpit ocoyetʼmea; uni do pajhaṛ cẽṛẽ leka nãwã juạn umere danama.

Ibriko 12:1

Enḍekhan ńelokʼ kana, Isorre biswạs reakʼ goha lekate aema hoṛ do abo beṛhaeteko ṭhạurạ akana. Onate dela bon, mitʼke mitʼ tạkicʼakʼ ar oka kại abore laṭkao akan ona do sạṅgiń secʼ bon ṭhelao giḍikakʼte sombhuri salakʼ laha secʼ bon ńir calakʼma.

Galathiko lạgitʼ Pạul Apostolakʼ ciṭhi 6:9

Bhageakʼ kạmi kạmite alo bon mokońokʼma, ente babon loraolen khan okte nạpitre phosol bon ńama.

Romiko lạgitʼ Pạul Apostolakʼ ciṭhi 8:25

Menkhan oka baṅ ńam akan ona reakʼ aboakʼ as tahen khan enḍekhan abo do sombhurikatere hõ ona lạgitʼ bon ńel hohorkana.

Jesaea 30:18

Enhõ Probhu Isor do ape dayawape lạgitʼe koyokʼ horakada; uni do ape mãyãwape lạgitʼe sapṛao akana. Probhu doe dhoromren Isor kana; okoe uni lạgitʼ koyokʼ hor akaeko tahen onko doko bhạgangea.

Sereńko 84:7

Calakʼ horre onko do daṛe cetan daṛeko ńameda; onko do Sionre Isor samaṅreko ńel ocokʼkana.

Sereńko 37:34

Probhu Isorre as doho joṅme, ar uniyakʼ horte taṛamme; uni doe maraṅmea ar am do disạmem ạidạrijoṅa. Ar bạṛicʼ hoṛko maraolenre hõ am dom ńelkoa.

Luk 18:1

Ado celako sanam ghạṛicʼko koejoṅ ar alo jemonko as chuṭạukʼ onate Jisu do noa phene lạiyatʼkoa: “Mitʼ nagrahare mitʼṭen hạkime tahẽkana.

Jesaea 25:9

Enhilokʼ hoṛko mena, “Ńelpe, nui kangeae aboren Isor do; abo do uni koyokʼ horrege bon tahẽkana jemone bańcao daṛeabon. Uni kangeae Probhu do; abo do uni koyokʼ horre bon tahẽkana. Dela, abo do uniyakʼ bańcao kạmi iạte rạskạ arbon hulạsokʼma.”

Sereńko 138:3

Iń do tinreń hohowatʼmea unre am dom roṛ ruạṛạdińa; ińakʼ ontor reakʼ daṛete am do dilanicʼem hoyocokedińa.

Sereńko 25:5

Amakʼ sạriyakʼre ạyurińme ar cetʼạńme, ente ińren babańcaoicʼ Isor dom am kangea; ar amrege sanam ghạṛicʼ iń bhorsakʼ kana.

Sereńko 25:3

Okoe amre bhorsae dohoyetʼkan uni do bae lajao ocokʼa, menkhan okoe ạuṛiyakʼteko chol kopoṭetʼ onkoge lajaoreko paṛaokʼa.

Exodus 19:4

Onko do apnar mẽtʼtegeko ńelakada, misrikoń cetʼleka letʼkoa mente. Pajhạṛ cẽṛẽ cetʼleka phạ̃kṛạ̃kʼteye idiko onkage iń do Israelko iń ṭheniń ạgu akatʼkoa.

Ibriko 12:3

Okoe do kại hoṛkoakʼ nunạkʼ maraṅ bạiriye sahaoketʼ, uni reaṅ hudisokʼpe, jemon apeakʼ mon alo nijorokʼ ar be asko alope hoyokʼ.

Jobakʼ 17:9

Menkhan dhorom hoṛ do akoakʼ horteko laha idikʼa, ar okoeyakʼ ti saphage onko do dinke dinko daṛe idikʼa.

Sereńko 40:1

Iń do Probhu Isor lạgitʼgeń koyokʼ horakatʼ tahẽkana. Uni do ińakʼe luturada, ar koejoṅe ańjomketʼtińạ.

Johan sodor 2:3

Amakʼ do sobori menakʼtamgea ar iń lạgitʼ hõ ạḍi kosṭom sahao akada, ar bam laṅga akana.

Sereńko 25:21

Ińakʼ dhorom ar bhage kạmige iń doe rukhiyạyiń ma, ente iń do amregeń bhorsa akana.

Sereńko 123:2

Golamkoakʼ mẽtʼ do cetʼleka kisạ̃ṛ reakʼ ti secʼ ar kạ̃ṛmĩkoakʼ mẽtʼ hõ akoren kisạ̃ṛ era secʼ, onkage aboakʼ mẽtʼ hõ Probhu Isor secʼ menakʼa, one ạuriye daya abon hạbicʼ.

Sakariạ 10:12

Ińakʼ daṛete onko do daṛeankoń hoyocokoa ar ińakʼ sana lekageko calakʼa. Iń Probhu Isorge noa katha doń meneda.”

2 Korinthiko 4:1

Noa bondobos reakʼ katha baḍae reakʼ bhar Isor do ale dayateye em akatʼlete bale as chuṭạukʼ kana.

Jesaea 8:17

Iń do Probhu Isor lạgitʼ koyokʼ hor akaeyiń tahena, okoe do Jakob bõsrenko secʼ khon mẽtʼãhãe ạcur akatʼtae; iń do uni cetanrege bhorsa akaniń tahena.

Sereńko 92:13

Aboren Probhu Isorakʼ oṛakʼre okoeko rohoe ocoakan onko do uniyakʼ racareko hara rakabokʼa.

1 Thessalonikikko 1:10

serma khon uniren Hoponakʼ hijukʼpe ńel hor akae tahen. Uni Hopongeye hoyokʼ kana Jisu Mạsi, one okoe do gocʼko khone jiwetʼ beretʼkede. Ar Isorakʼ oka sạjại pheḍ hijukʼkan ona sạjại khon uni Jisuge abo doe rukhiyạ bona.

Bikʼcạrko 16:28

Unre Samson do Probhu Isor ṭhene koekeda, “E Probhu Isor, mitʼ dhao baṛe disạiyińme. E Isor, dayakate ar mitʼ dhao daṛe imạńme jemon ińakʼ banar mẽtʼ iạte Philisṭiko cetanreń hala ruạṛ daṛeakʼ.”

Sereńko 92:1

E Probhu, maraṅ Isor, gel taranakʼ banamte, binạ banam ar peṛesaṅ banamte am sarhaome reakʼ, amakʼ sarhao sereńam reakʼ, ar setakʼre amakʼ asambheṛ dulạṛ reakʼ katha ar ńindạ jokhecʼ amakʼ pạtiạr reakʼ katha lại jạhir do samani rạskạ reakʼ kana!

Soros sereń 8:5

Acʼren dulạṛiạreye ṭenḍar akan uni hahaṅkar secʼ khon rakapʼ hijukʼicʼ doe okoekana? Apel dare latarreń ebhenketʼmea; amren eṅgam do onḍege bedon rakapʼadete ame janamketʼmea.

Johan sodor 4:7

Pạhil jiwiyanicʼakʼ rup do dhạcri kul leka, dosaricʼ do bạchur leka, tesaricʼ do manwa leka ar ponicʼ do uḍạukʼkan pajhaṛ cẽṛẽ leka.

Johan sodor 12:14

Unre uni maejiu do maraṅ okocʼ mitʼṭen pajhaṛakʼ barea phạ̃kṛạ̃kʼe emocoyena jemon hahaṅkarte acʼakʼ jaegateye uḍạu calao daṛeakʼ. Ar onḍe uni do bińakʼ mẽtʼãhã samaṅ khon danaṅre pe bochor tala hạbicʼe ạsul ocokʼa.

Dosar Biboron 32:11

Pajhaṛ cẽṛẽ acʼakʼ tukại ebhenetʼtae hoponko cetanre phạ̃kṛạ̃kʼe phad phadaoetʼtaea, ar cetʼleka onko cetanre uni do lap lapae uḍạukʼkan, ar cetʼleka onko rakapʼko lạgitʼ acʼakʼ phạ̃kṛạ̃kʼe lap lapakakʼkan, ar cetʼleka acʼakʼ phạ̃kṛạ̃kʼte onkoe gugu idiyetʼko.

Jesaea 41:1

Probhu Isore meneda, “E sạṅgiń disạmren hoṛko, iń samaṅre thir hape akae tahenpe. E jạt jạtrenko, ape do nãwã daṛepe ńama; ape do hecʼ sorokʼpe ar katha roṛpe. Dela, bicạr lạgitʼ mitʼ sãote bon jarwakʼ ma.

Jesaea 64:4

Ona sedaeakʼ piṛhi khon am chaḍa ar jãhãe Isorakʼ katha do okoe hõ luturte bale ańjom akada, ar mẽtʼte hõ bale ńel akadea, one uni do acʼ ńeńelko lạgitʼe kạmiyetʼkan.

Jirimiạ 48:15

Moab do jarkharokʼa ar uniyakʼ nagrahako do dokholokʼtaea; uniren juạn koṛako do gocʼ ocokʼ lạgitʼko pheḍ calakʼkana.” Okoeyakʼ ńutum do phạdkoren Probhu Isorkan uni rajge noa katha doe meneda,

Dosar Biboron 33:25

Mẽṛhẽtʼ ar pitạl reakʼ hurkạṛte uniyakʼ duạr do tol tahentaea. Ar tinạkʼ din jiwetʼe tahen unạkʼ din hoṛmore daṛe tahentaea.”

Josuạ 14:11

Mose oka hilokʼe kollediń enhilokʼ leka teheń hạbicʼ hõ daṛege minạńa; ar ńitokʼ hõ lạṛhại calakʼ ar sanamakʼ kạmi reakʼ daṛe menakʼgetińạ.

Sereńko 20:9

E Probhu Isor, bańcaoleme baṛe; E raj, alele hohowamre roṛ ruạṛaleme.

Sereńko 84:8

E Probhu, sanam daṛeanicʼ Isor, ińakʼ koejoṅ ańjomtińme; E Jakobren Isor, ińakʼ katha luturakʼme baṛe. (Sela)

Kạhtukko 30:19

Cetʼleka pajhạṛ do coṭreye uḍạukʼkan, ar biń do cetʼleka dhiri cetanteye leńokʼ kan, cetʼleka jahaj do jalapurire calakʼkan, cetʼleka juạn kuṛi ṭhen herel hoṛakʼ hor hoyokʼkan.

Jesaea 30:15

Probhu Isor, Israelren uni sonoticʼ do niạ kathae meneda, “Kại khonpe ruạṛlen khan bańcaope ńama, ar pạtiạrre diṛho akaepe tahelen khan do daṛepe ńama.” Menkhan ape do bape rạmjạulena.