Jesaea 40:30 - সান্তালী বাইবেল

³⁰ Juạnko hõ laṅga arko thakao cabakʼ kana ar juạn koṛako hõ laṅgateko gujukʼ kana,

Jesaea 40:30 Referans Kwoze

Amos 2:14

Okoe usạrako dạṛ daṛeakʼ onko do apnarte ohoko rukhiyạ daṛelena ar lạṛhại birko hõ akoakʼ jiwi do ohoko rukhiyạ daṛelea.

Sereńko 34:10

Juạn dhạcri kulkoakʼ do jomakʼ reakʼ ṭonṭa hoyokʼkana, onko do reṅgecʼteko kosṭokʼkana; menkhan okoe Probhu Isorakʼ sana lekako calakʼ onko do bhageakʼte bako ṭonṭakʼa.

Sereńko 33:16

Maraṅ palṭon phạdko tahenre hõ raj do bae rukhiyạ daṛeakʼa; ar maraṅ daṛe tahentaere hõ bir banṭa hoṛ do bae rukhiyạ daṛeakʼa.

Sosolhayic̕ 9:11

Siń cando latarre iń do arhõń ńelakada, ona do hoyokʼkana: Ńir hapaorakʼre coṭkarkoge jao okteko jitạukʼa, ona do baṅa; daṛeankoge jao okteko jitạukʼa, ona hõ baṅa; ạkilankoge jao okte lacʼ bikʼ jomakʼko ńama ona hõ baṅa; budankoge jao okteko kisạ̃ṛokʼa, ona hõ baṅa; gạkhuṛ hoṛge jao okte ạtko ńama, ona hõ baṅa; ente okte ar bhạg do sanamko lạgitʼge menakʼa.

Jesaea 13:18

Onko do akʼte juạnkoko gocʼkoa; ar bale gidrạko cetanre bako mãyãkʼa ar gidrạko cetanre hõ bako dayakʼa.

Jesaea 9:17

Onatege Probhu Isor do juạnko hotete bae rạskạkʼ kana, ṭũạr ar rạnḍi maejiuko hõ bae dayawako kana; ente sanamkoge Isor do bako botorae kana arko kharap caba akana, jotoge bạṛicʼ bạṛicʼ kathako roṛeda. Ar niạko hoylenre hõ uniyakʼ edre do baṅ thirokʼtaea; ar ńitokʼ hõ uniyakʼ ti do tulge menakʼtaea.

Jirimiạ 6:11

Menkhan iń do Probhu Isorakʼ raṅgaoteń perecʼ akana; iń do ar bạń sambṛao daṛeakʼ kana. Probhu Isore meneda, “Am do kulhiren gidrạko cetanre ar mitʼ ṭhenko jarwa akan juạnko cetanre dulme. Onate bạhu ar jãwãe hõ onarekin sabokʼa, ar haṛamko ar ḍher haṛam hoṛ hõ rukhiyạ do ohoko ńamlea.

Sereńko 39:5

Am do ińakʼ dinko bar muṭ ganem doho akatʼtińạ. Amakʼ mẽtʼre ińakʼ jion do cetʼhõ baṅkana. Sạrige michạgeako mitʼke mitʼ manwa do jãhãtinạkʼgeye teṅgo uricʼ akanre hõ. (Sela)

Jirimiạ 9:21

Gujukʼ do aboakʼ jalna secʼte aboakʼ gaṛkore boloakana; ona do kulhi khon gidrạko ar dobạṭiạ khon juạnkoe marao utạr akatʼkoa.

Jirimiạ 48:15

Moab do jarkharokʼa ar uniyakʼ nagrahako do dokholokʼtaea; uniren juạn koṛako do gocʼ ocokʼ lạgitʼko pheḍ calakʼkana.” Okoeyakʼ ńutum do phạdkoren Probhu Isorkan uni rajge noa katha doe meneda,

1 Samuel 30:10

Ente barsae gan hoṛ do laṅga iạte ona nala do bako parom daṛeada. Menkhan Dạud do ponsae hoṛkoante bạirikoe khudạu idiketʼkoa.