Jesaea 40:29 - সান্তালী বাইবেল

²⁹ Uni do laṅga akankoe daṛe ocoyetʼkoa ar nijorko do jore emako kana.

Jesaea 40:29 Referans Kwoze

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

Philipiko lạgitʼ Pạul apostolakʼ ciṭhi 4:13

Ar okoe daṛeye imạńkan uni hotetege iń do jotowakʼiń kạmi daṛeakʼ kana.

Kolossiko lạgitʼ Pạul Apostolakʼ ciṭhi 1:11

Noa do hoydaṛeakʼgea, ente Isor do acʼakʼ maraṅ daṛete apeye daṛe ocoakatʼpea jemon jao ghuṛi rạskạ salakʼ jotowakʼ sahao ar sombhurikate Isor Babape gun manao joharae. Marsal reakʼ rajosṭire Isorren hoṛko oka ạidạriko hameṭ joṅ ona reakʼ bhạgiyạdar hoyokʼ lạgitʼ uni do lekmankoe hoyoco akatʼpea.

Sakariạ 10:12

Ińakʼ daṛete onko do daṛeankoń hoyocokoa ar ińakʼ sana lekageko calakʼa. Iń Probhu Isorge noa katha doń meneda.”

Jirimiạ 31:25

Iń do laṅga akankoń cerṭha ocokoa ar nacarkoakʼ ontor doń daṛe ocoytakoa.”

Sereńko 29:11

Probhu Isor do acʼren hoṛko daṛeye jogao akokana; ar suluke dan akokanteye bhorako kana.

Jesaea 50:4

Probhu Isor do sikhnạt reakʼ alaṅgeye em akawadińạ jemon katha hotete laṅga akan hoṛkoń goṛo daṛeako. Uni do dinạm hilokʼ setakʼ jokhecʼe ebhen edeńkana ar ińakʼ luture cetao ocoyetʼtińạ jemon mitʼṭen cela lekań ańjomtae.

Dosar Biboron 33:25

Mẽṛhẽtʼ ar pitạl reakʼ hurkạṛte uniyakʼ duạr do tol tahentaea. Ar tinạkʼ din jiwetʼe tahen unạkʼ din hoṛmore daṛe tahentaea.”

Ibriko 11:34

ar jolokʼ seṅgel reakʼ daṛeko nimbhạuleda, tarwaṛe khonko rukhiyạlena, nijor khonko daṛe ocolena, lạṛhạire daṛeko udukʼleda ar bidisiạ palṭonkoko laga ńirletʼkoa.

Genesis 49:24

Menkhan uniyakʼ akʼ do keṭecʼge tahẽkana ar uniyakʼ tikin reakʼ sopo hõ jojosakʼge, ente Jakobren Isorakʼ daṛeanakʼ ti do unire menakʼa. Ar uni tayomre do uni gukʼpiyicʼ menaea, Israel reakʼ ona dhirige.

2 Korinthiko 4:16

Onate ale do bale as chuṭạukʼ kana. Ente aleakʼ bahre hoṛmo nasao idikʼkanre hõ bhitri hoṛmo do din dinte nãwã idikʼ kantalea.

Bikʼcạrko 15:19

Unre Isor do Lehire mitʼṭen ghaḍlakʼe paṛakʼ ocoketʼte ona khon dakʼ oḍok hecʼena. Ar ona dakʼe ńũketʼ khan Samson do daṛe ńamketʼteye cerṭha ruạṛena. Onate ona jharna reakʼ ńutum do Enhakkore dohokeda (Ona reakʼ mane do “Koejoṅ kạnicʼ reakʼ jharna”). Ar jharna do ńit hõ Lehire menakʼgea.

Sereńko 68:35

E Isor, amakʼ sonot ṭhạ̃ire amem hạjirlenre do botor hijukʼa. Israelren Isor do uniren hoṛkoakʼ daṛe ar ektiạriye emako kana. Isorakʼ sarhaoge baṛe hoyokʼtae ma.

1 Samuel 2:4

Daṛeankoakʼ akʼ do rạputʼ akana, menkhan bhindạṛ akanko do daṛeanteko beretʼena.

Nehemiạ 6:9

Onko do aleakʼ kạmi bond lạgitʼte niạ katha iạte botor udukʼ aleko kurumuṭuiyetʼ tahẽkana. E Isor, ńitokʼ do ińakʼ tire daṛe emokʼme.

Sereńko 68:10

Ar amren hoṛko do onareko girobaslena; amakʼ bhage sanate, E Isor, am do onkoakʼ okulạnkom meṭaoleda.