Jesaea 40:28 - সান্তালী বাইবেল

²⁸ Aben do cetʼ baben baḍaea? Aben do cetʼ baben ańjomakada? Probhu Isor okoe doe jaejugren Isorkan, okoe do dhạrti reakʼ mucạtʼ simạko hõe benao akatʼ, uni do bae laṅgakʼa, ar bae nijorokʼa, uniyakʼ ạkil reakʼ khạndritetʼ do celehõ bako jokha daṛeakʼa.

Jesaea 40:28 Referans Kwoze

Sereńko 147:5

Aboren Probhu Isor doe maraṅgea, ar uniyakʼ daṛe do ḍhergea; uniyakʼ bud ar akel reakʼ mucạtʼtetʼ do bạnukʼanaṅ.

Philipiko lạgitʼ Pạul apostolakʼ ciṭhi 1:6

Noa pạtiạu menakʼtińạ, apeakʼ ontorre okoe bhage kạmiye ehopʼakatʼ uni do Mạsi Jisuakʼ hijukʼ din hạbicʼ onae calao iditeye mucạda.

1Timothi 1:17

Okoe doe jaejugren rajkan, okoe doe bin maraokʼicʼkan ar one okoe do bae ńelokʼkan, uni mitʼ Isorakʼ man ar ṭhonokge jug cetan jug hoyokʼtae ma. Amen.

Jesaea 40:21

Ape do cetʼ bape baḍaea? Ape do cetʼ bape ańjomeda? Pạhil khonge cetʼ onako katha do baṅ lại akawatʼpea? Dhạrti rehedokʼ khonge cetʼ bape bujhạu akada?

1 Korinthiko 2:16

Sonot sostorre olakana, “Probhu Isorakʼ mone do okoeye baḍae akatʼte, uni doe sikhạu daṛekea?” Menkhan abo do Mạsiyakʼ mon bon ńam akawana.

Johan 14:9

Jisu do uniye metadea, “E Philip, nunạkʼ din ape tulucʼ minạńa, enrehõ cetʼ bape baḍae akadińạ? Okoe ińe ńelakadiń uni do Baba hõe ńelakadea. Am do cekatem meneda, ‘Baba baṛe udukʼaleme?’

Genesis 21:33

Abraham do Ber-Sebare Probhu Isor, metakʼme okoe do etohopʼ ar ses bạnukʼtae uni Isore sewawadea. Ar onḍe do mitʼṭecʼ jhão dareye rohoekeda.

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

Luk 24:25

Khange Jisu do unkine metatʼkinạ, “Aben do cetʼge baben bujhạu akada. Abenakʼ mon do goṛdho akana, onate nạbikoko roṛakatʼ katha hõ baben pạtiạuakʼ kana.

1 Korinthiko 6:19

Se bape baḍaea, apeakʼ ontorre okoeye tahenkan ar okoe do Isor ṭhen khonpe ńamakade, uni sonot Jiuakʼ tahen mundilge apeakʼ hoṛmo hạṭińko kana mente?

1 Korinthiko 6:9

Ape do cetʼ bape baḍaea, bedhoromko do Isorakʼ raj bako ạidạrijoṅa mente? Alope bulạukʼa; baṅ do loṭghuṭiko, baṅ do boṅga sewako, baṅ do laṭghaṭko, baṅ do laṅcạṅgiạko, baṅ do jojognako;

Jirimiạ 4:22

Probhu Isore meneda, ‘Ińren hoṛko doko lelhagea; onko do bako baḍae akadińạ. Onko do bebuj hopon ar hoponera kanako; onko do bujhạu reakʼ daṛege bạnukʼtakoa. Bạṛicʼakʼ kạmiren guruko kanako, menkhan bogeakʼ kạmi do bako baḍaea.”

Sereńko 90:2

Buru boṭkocʼ ạuri sirjạukʼre, dhạrti ar pirthimi ạuri sirjạukʼre, ona laha khon jaejug hạbicʼ am kangeam Isor do.

Jesaea 45:22

“E dhạrti reakʼ ses simạnarenko, iń secʼ ruạṛokʼpe ar bańcaokʼpe, ente iń kangeạń Isor do, iń chaḍa ar cele hõ Isor doko baṅkana.

Sereńko 139:6

Amakʼ noa akel do iń lạgitʼ bujhạujoṅ do muskilgea; ona do ạḍitetʼ usula, ohogeń tiokʼ daṛelea.

Aposkạmi 13:47

Ente Probhu Isor do noa kathae men akada, ‘boṅgan hoṛ jạtrenko ṭhen iń do mitʼṭecʼ marsal lekań dohoakatʼmea, jemon am hotete goṭa dhạrtiren hoṛ do kại khon bańcaoko ńam.’ ”

Johan 5:17

Unre uni do onko mukhiyạkoe metatʼkoa, “Ińren Baba do jao ghuṛiye kạmikana ar iń hoń onkayeda.”

Mark 16:14

Inạ tayom Jisu do acʼren gelmitʼ celako ṭhene ńel ocoyena. Unre onko doko jojomkan tahẽkana. Ar onkoakʼ bepạtiạu ar keṭecʼ mon iạte uni doe nisrạuketʼkoa, ente gocʼko khone jiwetʼ beretʼen tayom okoeko ńellede onkoakʼ katha bako pạtiạuatʼ tahẽkana.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Sereńko 138:8

Probhu Isor do iń lạgitʼ okaṭakʼe ṭhik dohoakatʼ onae purạua. E Probhu Isor, amakʼ khạndri dulạṛ do jaejug hạbicʼ tahenma; ar okaṭakʼ apnar titem kạmikan ona do alom aṛakʼ giḍiya.

Jesaea 59:1

Ńelpe, Probhu Isorakʼ ti do baṅ khaṭotaea abo bańcao bon lạgitʼ; uniyakʼ lutur hõ baṅ goṛdhotaea aboakʼ ańjomta bon lạgitʼ.

Dosar Biboron 33:27

Okoe doe jug hilokʼren Isorkan unige amren asarae do; acʼakʼ jaejug reakʼ tite uni do ame sapʼ dohokama. Am samaṅren sanam bạiriko uni doe laga ńirkoa; are mena, ‘noko mohor meṭaokom.’

1 Korinthiko 6:16

Se bape baḍaea, kusmbire jamaṛ akanicʼ do uni tulucʼe mitʼ hoṛmokʼ kana mente? Ente sostorre olakana, “Unkin do mitʼ hoṛmokin hoyokʼa.”

Mark 9:19

Unre Jisui metatʼkoa, “E bepạtiạuko! Ar tinạkʼ din ape sãoteń tahena? Ar tinạkʼ iń sahaokatapea? Dini iń ṭhen ạguiyepe.”

Romiko lạgitʼ Pạul Apostolakʼ ciṭhi 16:26

menkhan ńitokʼ bhage sombat hotete ona do sodorakana ar ona lekage iń hõń porcareda. Ar jaejugicʼ Isorakʼ hukum leka nạbikoakʼ olakʼ hotete sanam jạtren hoṛko ṭhen ona do baḍae ocoakana, jemon onko do Mạsireko pạtiạukʼte Isorren bataokoko hoydaṛeakʼ.

1 Samuel 2:10

Probhu Isorren bạiriko doko chaka chunokʼa, uni do sermare onko upạrteye huḍura; ar dhạrti reakʼ mucạtʼ hạbicʼ uni do hoṛkoe bicạrkoa. Uni do acʼren raje daṛe ocoyea ar acʼren ojokʼ bahalicʼ hoṛ doe jitạu ocoyea.”

Jirimiạ 10:10

Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.

Jesaea 66:9

Iń amren Probhu Isorgeń meneda, ‘Janamokʼ horre ạgu ocokʼte cetʼ iń do bạń uyukʼ ocokoa? Janam ocoko reakʼ iń bebosta akatʼ khan cetʼ janamokʼ reakʼ kukhiń bond ocoya?’ ”

Sereńko 145:3

Probhu Isor doe maraṅgea ar joto khon sarhaoanicʼ lek kanae; okoe hõ uniyakʼ maraṅtetʼ do bako bhujhạu daṛeakʼa.

Jesaea 37:26

Am do cetʼ bam ańjomakada, ḍher din laha khonge ona doń niṭakatʼ tahẽkana, ar ḍher din laharege ona reakʼ iń goṭa akatʼ tahẽkana mente? Ńitokʼ do onań hoyocokeda. Onatege pạcrite esetʼ nagrahako do dhiri puńjirem hoyocoakada.

Jesaea 42:4

Dhạrti reakʼ hok bicạr ạuriye purạu hạbicʼ uni do bae laṅgakʼa se bae talga tạuạgokʼa. Ar jalapuri ḍhipkoren hoṛ do uniyakʼ ạnko ńel hor akaeko tahena.”

Jobakʼ 38:18

Prithimi reakʼ phaelaotetʼem bujhạu tiyạkʼ akada? Ar niạko reakʼem baḍae khan ma lạiyạńme.

Jirimiạ 32:17

‘E Probhu Isor, am do amakʼ maraṅ daṛete ar amakʼ daṛeanakʼ tite serma ar otem benao akada. Am ṭhen bin leṭecʼakʼ do cetʼge bạnukʼanaṅ.