Jesaea 40:26 - সান্তালী বাইবেল

²⁶ Coṭ secʼ beṅgetʼ rakabpe ar ńelpe; noako do okoeye sirjạu akada? Unige ipilko do mimitʼ mimitʼteye oḍoketʼkoa; unige onko mimitʼko ńutum ńumkateye hohowako kana. Uniyakʼ napṛakʼtetʼ ar maraṅ daṛete onkoren mitʼṭen hõ bako adokʼ kana.

Jesaea 40:26 Referans Kwoze

Jesaea 51:6

Serma secʼ beṅgetʼ rakabpe ar ot secʼ beṅgetʼ pheḍpe. Serma do dhũạ leka oṭaṅokʼa, ar ot do kicricʼ leka marekʼa ar onare girobasokʼ kan hoṛ doko gujukʼa. Menkhan ińakʼ babańcao do jaejug hạbicʼ tahẽakan tahena ar ińakʼ dhorom do tishõ baṅ mạutạkʼa.

Jesaea 48:13

Ińakʼ tite pirthimi reakʼ rehetʼ iń bạisạu akada ar jojomtite sermakoń pasnao akada; ar onakoń hohowakʼre mitʼ domte teṅgo godokʼ kana.

Jesaea 44:24

Amren Probhu Isor, okoe doe amren chakʼḍaoicʼ kan, ar okoe do kukhireye gaṛhaoletʼme uniye meneda, “Iń kangeạń Probhu Isor do; ińge jotowakʼ iń sirjạuakada. Iń do sermań aṭetʼ akada ar ińge prithimiń pasnao akada.

Jesaea 45:7

Ińge marsal ar ńutiń benao akada; ińge bhạlạiyiń ạguiyeda ar ińge ghoṭnań sirjạueda. Iń Probhu Isorge niạkoń nonkayeda.

Jesaea 42:5

Probhu Isor do serma sirjạukateye bel akada; uni do dhạrti ar onare oka janamokʼ onakoe aṭetʼ akada; uni do onare tahenkan hoṛko sãhetʼe emako kana ar onḍe okoeko dãṛãnkan onko do jiue emakokana. Uniye meneda,

Jesaea 34:16

Ape do Probhu Isorakʼ puthire ḍunḍhạupe ar paṛhaokate ńelpe. Onḍe ol menakʼa, noko do mitʼṭen hõ bako adokʼa; ar cele hõ bin juri do bae tahena; ente ińakʼ mocate Probhu Isor doe hukum akada, ar uniren Jiu doe mitʼ ṭhene jarwakoa.

Sereńko 19:1

Sermako do Isorakʼ ṭhonokko lại sodoreda, ar serma do uniyakʼ ti reakʼ kạmikoe udukʼeda.

Dosar Biboron 4:19

Serma secʼ beṅgetʼkate siń-cando, ńindạ-cando ar ipilko, metakʼme coṭ sermare menakʼakʼ jiniskote apeakʼ mẽtʼ do alo baṛe bulạukʼtapema ar dhạrtiren sanam jạtrenko cetanre emakʼ aperen Probhu Isorakʼ noa jinisko reakʼ alope sewawakʼa.

Sereńko 102:25

Sedae jugre am do dhạrti reakʼ rehetʼem bạisạu akada; ar serma hõ amakʼ titegem benao akada.

Genesis 1:16

Isor do barea maraṅ marsale benaokeda. Onakin modre maraṅakʼ do siń cetanre ar huḍińakʼ do ńindạ cetanre rajokʼ lạgitʼe benaokeda. Ona chaḍa uni do ipilko hõe benaoketʼkoa.

Sereńko 121:1

Iń do buruko secʼ iń beṅgetʼ rakapʼeda; oka khon ińakʼ goṛo do hijukʼa?

Jesaea 48:12

“E Jakob, E ińiń bachao akawan Israel, aben do ińakʼ katha ańjomben. Iń kangeạń uni do; ińge pạhilicʼ ar ińge sesicʼ.

Jesaea 66:2

Niạko sanamakʼ do ińakʼ titeń benao akada ar onatege niạko do hoyakana. Okoe doe nindhạnge, okoeyakʼ ontor do talga tạuạkʼ akantae ar okoe ińe botorạń iń do unigeń beṅgetʼaea.

Genesis 1:14

Ona tayom Isore menkeda, “Sermare marsalakʼko hoyokʼma, ar onako do ńindạ khon sińe begarma. Onako do eṭakʼ eṭakʼ dinko, candoko ar bochorko reakʼ cinhạko tahenma.

Sereńko 66:3

Isor metaepe, “Amakʼ kạmi ńelte monre botor ar bhokti do rakabokʼ kana. Amakʼ maraṅ daṛe samaṅre amren bạiriko do tumbutʼ hape reakʼko bhankakʼa.

Sereńko 119:91

Amakʼ ạn ạriko leka teheńhõ jotowakʼ do ṭarhao menakʼa, ente onako do amakʼ gobolrege menakʼa.

Jesaea 45:12

Ińge dhạrti sirjạukate onare manwań sirjạukedea; iń do ińakʼ tite sermań pasnao akada ar sermaren siń cando, ńindạ cando ar ipilkoń benao akatʼkoa.