Jesaea 40:19 - সান্তালী বাইবেল

¹⁹ Kạrigol do chãchre goṛhon muṭhạne duleda; ar sonhar do sonate onae toleda ar ona lạgitʼ rupạ sikṛikoe benaoeda.

Jesaea 40:19 Referans Kwoze

Jirimiạ 10:9

Tạrsis khon koṭecʼ capṛawakʼ rupạ ar Uphas khon sonako ạguiyeda. Ar kạrigol ar sonhar do onakote boṅgako muṛạuetʼkoa. Onko do beguni roṅakʼ kicricʼ ar jeṅgetʼ arakʼ kicricʼko horokʼako kana; ona do gạkhuṛ kạrigol tite benaoakʼ kana.

Bikʼcạrko 17:4

Mikạ do ona rupạ eṅgattetʼe ruạṛade khan uniren eṅgattetʼ do bar keji tala rupạ hataokate sonhare emadea. Ar uni do mitʼṭen goṛhon muṭhạn ar chãńcre dulicʼ ar mitʼṭen muṭhạne benao ocokeda, ar unkin banar muṭhạnge Mikạwakʼ oṛakʼreye dohokatʼkinạ.

Hosea 8:6

Israelren hoṛge uni mĩhũ doko benao akadea. Mitʼṭen kạrigolge uni doe benao akadea; onate uni do Isor doe baṅkana. Samariạren uni mĩhũ hopon doe rạputʼ gejer ocokʼa.

Jesaea 2:20

Enhilokʼ hoṛko do oneko pujạwako kan sona ar rupạte benao murtiko do cũd ar bạduṛ ṭhenko giḍikakoa.

Sereńko 135:18

Okoe nokoko benao akatʼko ar okoe onko cetanreye pạtiạukʼ are bhorsakʼ onko hõ murhutʼ lekako hoyokʼa.

Sereńko 135:15

Eṭakʼ jạtkoren sona ar rupạte benao murhutʼko do; manwa tite benaoko kanako.

Jesaea 2:8

Ona chaḍa disạm do boṅga murtikote perecʼgetakoa. Onko do akoakʼ tite benaoakʼ jinisko sewawakʼ kana, ar kạṭupʼte okako benaoetʼkan onageko ḍobokʼakʼ kana.

Jesaea 30:22

Unre ape do aperen rupạ ar sonatepe muṛạu akatʼko boṅga murhutʼpe bhõnḍ ocokoa; ar mạilạ kicricʼ lekape giḍikakoa arpe mena, “Men nonḍe khon do sạṅgińokʼpe!”

Daniel 5:4

Onko do darkha rasa ńũńũkan tulucʼ sona, rupạ, tama, mẽṛhẽtʼ, kaṭ ar dhiriren debotakoko sarhaoketʼkoa.