Jesaea 40:15 - সান্তালী বাইবেল

¹⁵ Ńelpe, boṅgan hoṛ jạtrenko do kanḍa reakʼ mitʼ ṭhopʼ dakʼ lekanako; onko do tulạ reakʼ dhuṛi baraggeko lekhakʼ kana. Jalapuri reakʼ ṭạpuko do lemeń dhuṛi lekae tul rakapʼeda.

Jesaea 40:15 Referans Kwoze

Jirimiạ 10:10

Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.

Jesaea 40:22

Prithimi cetan reakʼ sermare unige siṅghạsonreye duṛupʼ akana, dhạrtiren hoṛko do sosrocʼ leka kanako. Orwal leka uni do sermae pasnao akada, tahen lạgitʼ tạmbu leka onae ṭaṅgao akada.

Jesaea 29:5

Menkhan amren locotʼ locotʼ bạiriko do lopotʼ dhuṛi lekako hoyokʼa; onko kurmutạhako do oṭaṅokʼkan bhusạ lekako hoyokʼa. Hẽ, mitʼ ripitʼrege phạdkoren Probhu Isor do huḍur, ot laṛao ar ãṭ saḍete, bharḍo ar birbão hoe ar jojomkan seṅgelteye sạjạikoa.

Jesaea 11:11

Enhilokʼ Probhu Isor do acʼren sarecʼ jiwetʼ hoṛko Ạsur khon, Misor khon, Pathros khon, Kus khon, Elam khon, Babel khon, Hamath ar jalapuri ḍhip reakʼ disạm khon bańcaoko lạgitʼ dosar dhao tiye tiyạrtaea.

Jesaea 59:18

Ar hoṛ okako ceka akatʼ onage uni doe ruạṛakoa; ar okoe acʼ secʼrenko baṅkan onko cetanre acʼakʼ edreye dulakoa ar bạṛicʼ kạmi reakʼ sạjạiye emakoa. Uni do sạṅgiń disạmren hoṛkoakʼ kuṛại hõe emkatakoa.

Sephaniạ 2:11

Probhu Isor do unkin ṭhen maraṅ botoranicʼgeye hoyokʼa; uni do dhạrtiren sanam debotakoe nijor ocokoa. Unre sạṅgiń disạmren sanam jạtren hoṛ do apan ạpin disạm khon uniko sewawaea.

Daniel 11:18

Ona tayom utạrren raj do sạṅgiń disạmko secʼe moneyakʼa ar aema disạmkoe dokhola, menkhan mitʼṭen subedar do uniyakʼ ona jitạukʼ reakʼ bạḍạitetʼe caba utạrtaea ar uniyakʼ hekʼnostage ạcur ruạṛaea.

Jesaea 66:19

Probhu Isor do arhõe meneda, “Onko talare mitʼṭecʼ cinhạń dohoya ar okoe jiwetʼko tahen onko mod khon adom do boṅgan hoṛ jạtrenko ṭheniń kolkoa. Tạrsis, Put ar Ludren dhinkiạko, Tubal, Greece ar okako sạṅgiń disạmre ińakʼ ńutum bako ańjomakatʼ ar ińakʼ mạhima bako ńelakatʼ onko ṭheniń kolkoa. Onko do boṅgan hoṛ jạtrenko ṭhen ińakʼ mạhima reakʼ kathako lại jạhira.

Jesaea 41:5

Probhu Isorakʼ noa kạmi ńelte sạṅgiń disạmren hoṛ do botor caṛhaoakoa ar dhạrti reakʼ ses simạren hoṛ doko thartharaokʼa. Ar hecʼ sorkate mitʼ ṭhenko jarwakʼa;

Genesis 10:5

Noko khonge sesre ạḍi utạr pạrsi, gharońj ar jạt lekate doreão aṛe reakʼ eṭakʼ eṭakʼ disạmreko pasnao idiyena.

Sereńko 62:9

Somajren huḍińko do bhap leka, ar napṛakʼko do eṛeakʼge; tulạre onko do jotoge hoe khon hõko rawalokʼa.

Jesaea 2:22

Manwako cetanre do alope bhorsakʼa. Uniyakʼ jiwi ma uniyakʼ mũ reakʼ sahẽtʼ chaḍa ar cetʼge baṅkan; uniyakʼ do cetʼ damge bạnukʼtaea.

Jesaea 17:13

Disạm disạmrenko do aema dakʼ lekako hud hudạukʼkanre hõ, enhõ uniye dhomkao lekore onko do sạṅgińteko ńirjoṅa. Onko do oṭaṅokʼkan bhusạ leka, ar hoete gurlạu baṛaekan dhuṛi lekae oṭaṅ cabakoa.

Daniel 4:35

Dhạrtiren sanam hoṛ uni ṭhen do cele hõko baṅkana. Uni do serma goḍetko ar dhạrtiren hoṛkoante acʼakʼ kusi sana lekae kạmikana. Nonkan celege bạnukʼkoa, uniyakʼ tiko thir ocodaṛeataea arko men daṛeaea, ‘cetʼem ceka kana am do?’

Sereńko 62:10

Ape do jor julumre alope bhorsakʼa; ar ona luṭakʼre as alope dohojoṅa; ar baḍhaokʼkan dhonre mon hõ alope gaḍaotapea.

Daniel 4:32

Am do hoṛko tala khonem laga ńir ocokʼa ar janwarko sãotem tahena; ar ḍaṅgra leka ghãskom joma. Ar tin hạbicʼ bam aṅgoc maraṅ Isor do manwakoakʼ rajosṭiko cetanreye rajokʼkana ar onako rajosṭi do acʼakʼ kusi lekae em akokana unhạbicʼte eae bochor do parom calakʼa”