Jesaea 40:1 - সান্তালী বাইবেল

¹ Aperen Isorre meneda, “Ińren hoṛko jiwi raṛecʼ emakope, Jiwi raṛecʼ emakope.

Jesaea 40:1 Referans Kwoze

2 Korinthiko 1:4

Aleakʼ joto duk ar haronre uni do jiwi raṛecʼe emalekana, jemon uni ṭhen khonle ńamakatʼ jiwi raṛecʼakʼ do eṭakʼkoakʼ duk ar santaorele emdaṛeako.

Jesaea 51:12

Probhu Isore meneda, “Iń kangeạń apeakʼ jiwi rakʼṛecʼicʼ do. Manwa do cedakʼpe botorako kana? Onko doko gujukʼgea. Manwa hopon do ghãs baragge thoṛa okteko tahena.

Jesaea 51:3

Sion do khạṭige jiwi raṛecʼ iń emaea ar uniyakʼ sanam jarkharakʼko cetanreń mãyãkʼa; Ona reakʼ hahaṅkar do Eden bagwan lekań hoeocoya ar khaṅgoṭ ot do Probhu Isorakʼ bagwan leka. Onare do hulạs, rạskạ, sarhao ar sereń reakʼ aṛaṅkoge ńamokʼa.

1 Thessalonikikko 4:18

Ona iạte noako kathate ape apere jiwi raṛejtape.

Sakariạ 1:13

Unre okoeṭakʼ serma goḍet do iń sãoteye galmaraokan tahẽkan Probhu Isor do uni ḍher bhạlại ar jiwi raṛecʼ reakʼ kathae metadea.

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Jesaea 60:1

Probhu Isore meneda, “E Jerusalem, Beretʼme, marsal emokʼme, ente amakʼ marsal do sor hecʼakana; Probhu Isorakʼ mạhima do marsale emam kana.

Jesaea 12:1

Enhilokʼ am dom mena, “E Probhu Isor, iń do amiń sarhaomea, ente iń cetanre edrem sodorleda; menkhan ńitokʼ amakʼ edre do caba akana ar jiwi raṛecʼem emạń kana.

Jesaea 52:9

E Jerusalem reakʼ jarkharakʼko, ãṭ aṛaṅte hulạsate sereńpe, ente Probhu Isor do acʼren hoṛko jiwi raṛecʼe emakatʼkoa ar Jerusalem doe chaḍao akadea.

Jesaea 41:27

Iń do pạhilre Sioniń men akadea ar ńelkom onko doko hecʼakana. Jerusalem do mitʼṭecʼ bhage sombat emokʼicʼ hoṛiń em akadea.

Jesaea 50:10

Ape modre okoe Probhu Isore botorae kan, ar uniren gutiyakʼ kathae bataoetʼtaea, ar marsal bạnukʼte ńũtreye taṛametʼkan, uni do Probhu cetanreye pạtiạukʼ ma ar uniren Isor cetanre bhorsa akane tahenma.

Jesaea 3:10

Dhorom hoṛko metakope, bhạlại hoyokʼtakoa, ente onko do akoakʼ kạmi reakʼ kuṛạiko ńama.

Sereńko 85:8

Probhu Isor okaṭakʼe mitạń iń do onageń ańjoma; uniren hoṛko ṭhen, uni botoraeko ṭhen uni do suluk reakʼ kathae roṛa; menkhan onko do lelha secʼ ar aloko ruạṛma.

Nehemiạ 8:10

Nehemiạ do onkoe metatʼkoa, “Ape do senkate bhage bhage jomakʼ ar heṛem heṛemakʼ darkha rasa ńũipe ar okoeyakʼ jomakʼ bạnukʼtako onko hõ thoṛa emakope. Teheńakʼ din do aboren Probhu Isor ńutumte sonotakʼ din kana. Ar alope dukokʼa, ente Probhu Isore emakʼ rạskạge apeakʼ daṛe do.”

Jesaea 61:2

Probhu Isorakʼ daya reakʼ bochor ar aboren Isorakʼ hala hạli reakʼ dinko lại pasnao lạgitʼ ar hirdạukʼkanko jiwi raṛecʼtako lạgitʼ;

Jeheskel 16:42

Ona tayom am cetanre ińakʼ edre ar mon reakʼ khĩs do thirokʼtińạ. Ariń thirokʼa, ar bạń edrekʼa.

Sereńko 85:3

Amakʼ sanam bumhạukʼkan edre dom sạṅgiń giḍi akada ar amakʼ jolokʼkan edre khonem ruạṛ akana.

Sosolhayic̕ 3:4

rakʼjoṅ okte ar landae okte, homor halaṅ okte ar enecʼ lạgitʼ okte,

Sakariạ 1:17

Iń phạdkoren Probhu Isorge noa doń gokʼetʼkana, ińakʼ nagrahakore arhõ bhạlại do se oḍokokʼa ar Sion do arhõ jiwiń raṛejtaea ar Jerusalem do arhõń bachaojoṅa.’ ”