Jesaea 4:2 - সান্তালী বাইবেল

² Enhilokʼ Probhu Isorakʼ kahle do husnạkʼ ar ṭhonokanakʼ hoyokʼ ar disạm reakʼ jo do Israelren sarecʼ hoṛkoakʼ mạhima ar saj lạgitʼge hoyokʼa.

Jesaea 4:2 Referans Kwoze

Sakariạ 6:12

Arem metaea, phạdkoren Probhu Isore meneda, ‘nuige uni hoṛ do, one uniyakʼ ńutum do dare reakʼ kahle kan; uni do acʼakʼ ṭhạ̃i khone hara rakabokʼa ar Probhu Isorakʼ oṛakʼe benaoa.

Jirimiạ 23:5

Probhu Isore meneda, “Ona dinko hijukʼkana tinre iń do Dạudakʼ bõsre mitʼṭecʼ dhorom reakʼ kahleń omon ocoya; uni do raj lekate ạkil salakʼ rajosṭiye calaoa ar disạmre hok ar dhorom reakʼe kạmiya.

Sakariạ 3:8

E Maraṅ naeke Josuạ, am do ańjomme ar am samaṅre duṛupʼakan amren sãoten naeke hõko ańjomma. Iń okaṭakʼ kahle metakʼme ińren gutiń ạguiye unigeye hoyokʼa naekeko reakʼ cinhạ do.

Jesaea 27:6

Hijukʼkan dinkore Jakob doe rehedokʼa, ar Israel doe bahakʼa ar sagenokʼa ar goṭa dhạrti do joteye pereja.”

Joel 2:32

Unre rukhiyạ ńam lạgitʼ jãhãege Probhu Isore hohowae uni do rukhiyại ńama, ente Probhu Isorakʼ katha leka Sion bururen ar Jerusalemren adom hoṛ do rukhiyạko ńama. Isor okoeye bachao akatʼko onko do rukhiyạ akan hoṛ talareko tahena.

Jirimiạ 33:15

Onako dinre ar onako oktere iń do Dạudakʼ bõs khon mitʼṭecʼ dhorom reakʼ mitʼṭecʼ ḍạr iń omon ocoya; uni do dhạrtire dhorom ar sạriyakʼteye bicạra.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

Obodiạ 1:17

Menkhan Sion bururen adom hoṛko do rukhiyạko ńama; onko do Isor ńutumte begar akan hoṛ kanako. Ar Jakobakʼ bõsren hoṛ do akoakʼ sompottiko ńama.

Jirimiạ 44:14

Nonkate Misor disạmre tahen lạgitʼko hecʼakan Jihudạren sarecʼko do cele hõ bako paskaokʼa, ar bako sarejokʼa, onko do Jihudạ disạmte ruạṛ lạgitʼko ahkaokʼgea, menkhan celege bako ruạṛa mitʼ bar ńir paskaokʼko chaḍa.”

Jesaea 60:21

Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.

Jesaea 53:2

Uni samaṅre bale cara leka uni doe omon rakapʼena ar rohoṛ ot khon rehetʼ poha lekae harayena. Uniyakʼ do nonkan rup se ṭhonok hõ baṅ tahẽkantaea, one onate uni secʼ bon beṅgetʼke; ar cetʼ ḍhob hõ baṅ tahẽkantaea, onate bon hạ̃ske.

Sereńko 72:16

Disạmre ạḍi uṭạr phosolko hoyokʼma, buru reakʼ cuṛạkore hõ ona do hoyokʼma. Khet reakʼ phosolkore do Lebanon bir reakʼ sae sae saḍege rakabokʼma; nagraha khon oḍokʼ hijukʼkan hoṛ do ṭạnḍi reakʼ ghãs leka ḍherko bạḍokʼma.

2 Patras 1:16

Aboren Probhu Jisuakʼ daṛe ar uniyakʼ hijukʼ reaṅ baḍae ocopere benaoakʼ jãhãn golpo do bale lại akada; ale do uniyakʼ ṭhonok nij mẽtʼtele ńelakada.

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

Luk 21:36

Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

Mathae 24:22

Ona saset reakʼ dinko Isor bae khaṭo lekhan okoe hõ ohoko bańcaolena. Menkhan acʼren bachao hoṛko lạgitʼ Isor do onako dine khaṭo ocoya.

Sakariạ 9:17

Onkoakʼ cehra do ạḍi mońj hoyokʼtakoa. Onkoakʼ phosol do onkoren juạn koṛakoe sahre ocokoa ar nãwã darkha rasate do onkoren juạn kuṛikoge.

Joel 3:18

“Enhilokʼ maraṅ buruko khon nãwã darkha rasako ńamokʼa ar huḍiń buruko khon do toage. Jihudạ reakʼ sanam dakʼ ạtukʼ nalako khon do dakʼ ạtu oḍokokʼa. Probhu Isorakʼ oṛakʼ khon hõ mitʼṭecʼ jharna phuṭạukʼte Siṭim reakʼ buru nalare dakʼe emakʼa.

Jeheskel 7:16

Ar okoe jiwetʼko tahen arko ńir bańcaokʼ onko do jotoge buru boṭkocʼkoreko tahena ar mimitʼko do akoakʼ kại lạgitʼ buru nalaren potam lekako homor halaṅa.

Jirimiạ 44:28

Ar okoe do lạṛhại khonko bańcaokʼte Misor khon Jihudạ disạmteko ruạṛ hijukʼ onkoakʼ lekha do thoṛage hoyokʼa. Ona tayom Jihudạren sarecʼ okoeko hoṛ Misorte girobasokʼ lạgitʼko hecʼakan onko doko baḍae daṛeakʼa okoeyakʼ katha ṭhik tahena, ińakʼ se onkoakʼ.

Jesaea 45:8

“E sermako, de coṭ khon dakʼ jạṛipe; E rimilko dhorom jạṛipe. Ot do jhijokʼte bańcaoe janam ocoyma, ar ot do dhorome sagen ocoyma. Iń Probhu Isorge niạ doń sirjạu akada.

Jesaea 30:23

Uni dor dakʼe kolapea jemon otre itạpe er daṛeakʼ ar jumi khon oka phosolpe ńam ona do mońj ar purṭhạge hoyokʼa. Enhilokʼ aperen ạsul janwarko do maraṅ maraṅ ạtiń ṭạnḍireko ạtińa.

Jesaea 11:4

Menkhan reṅgecʼko do hok reakʼe bicạr takoa, ar dhạrtiren mạ̃hirkoakʼ do dhorom seletʼe phanḍaotakoa. Uni do acʼakʼ moca ṭheṅgate dhạrtirenkoe ńẽtʼkoa, ar bạṛicʼ hoṛko do acʼakʼ sãhetʼteye gocʼkoa.

Sereńko 67:6

Ot do acʼakʼ phosole em akana; Isor, aboren Isor do, aboe bhor akawatʼbona.

Exodus 28:2

Manot ar sajaokʼ lạgitʼ am do amren dadam Aron lạgitʼ sonot kicricʼem benao ocoaea.

Jesaea 26:1

Enhilokʼ Jihudạ disạmre niạ sereńko sereńa: Jihudạ disạmre kajak nagraha menakʼ tabona; Isorakʼ babańcaoge hoyokʼa ona reakʼ pạcri ar gaṛko do.

Jesaea 60:15

“Am do bạgi arem hirkhạ ocolen tahẽkanre, am talate okoehõ bako calakʼkan tahẽkana, menkhan am do jaejug ṭhonokạnicʼ iń hoyocomea piṛhi cetan piṛhi sanamkoren rạskạwạnicʼge.

Jesaea 61:11

Otre cetʼleka kahleko omon oḍokokʼ ar bagwanre cetʼleka erakʼko hõ janamokʼ onkage Probhu Isor do sanam jạtrenko samaṅre dhorom ar sarhao reakʼ kahleye omon ocoya.

Jeheskel 34:29

Iń do upjạuakʼ ot baṛgekoń emakoa; disạm talare onko do akalre ar bako paṛaokʼa ar eṭakʼ jạtrenko ṭhen hõ bako henosta ocokʼa.

Jeheskel 36:8

“ ‘Menkhan E Israel reakʼ buruko, ape do apeakʼ dare reakʼ ḍạrkope kahle oḍok ocoyte ińren hoṛ Israelko lạgitʼ ḍher jope jokʼa, ente onko do usạratege oṛakʼteko ruạṛ hijukʼa.

Malaki 3:17

Onko babotre phạdkoren Probhu Isore meneda, “Ińakʼ niṭ akatʼ dinre onko do ińren sompottiko hoyokʼa; onko do ińrengeko hoyokʼa. Mitʼṭen hoṛ cetʼleka acʼren sapʼsosoricʼ hopone mãyãwaekante sạjại khone sahaṛede onkage onko hõń sahaṛkoa.