Jesaea 39:4 - সান্তালী বাইবেল

⁴ Nạbi do uniye kulikedea, “Onko do amakʼ raj oṛakʼre cetʼ cetʼko ńelkeda?” Hiskiạ doe menkeda, “Ińakʼ raj oṛakʼ reakʼ sanamakʼge onko doko ńelkeda. Ińakʼ khajańci oṛakʼre nonkan cetʼge bạnukʼa one okaṭakʼ do bạń udukʼ akawatʼko.”

Jesaea 39:4 Referans Kwoze

1 Johan 1:9

Abo do aboakʼ kạiko bon aṅgocle khan, enḍekhan uni do unrege aboakʼ kạikoe ikại tabona ar sanam bedhorom khone sapha bona, ente uni doe pạtiạrgea ar tis hõ bae bedhoroma.

Kạhtukko 28:13

Okoe hoṛ acʼakʼ kạiye danaṅkakʼ uni do bae jo baha daṛeakʼa, menkhan okoe onae aṅgoc are bạgiyakʼ uni do dayae ńama.

Kạhtukko 23:5

Dhon secʼ amakʼ mẽtʼ calaolen khange ona do cabakʼa, ente ona reakʼ phạ̃kṛạ̃kʼko do janamokʼa ar pajhaṛ leka coṭ secʼe uḍạukʼa.

Jobakʼ 31:33

Eṭakʼ hoṛko leka kại do bạń danaṅ akatʼtińạ ar ińakʼ monre dos hõ bạń oko dohoakatʼa;

Josuạ 7:19

Josuạ do unre Akhane metadea, “E bạbu, sạri katha menkate Israelkoren Isor sarhao ar ṭhonokʼ emaeme; ar am okam ceka akatʼ ona lạiyạńme, alom okoea.”

Jesaea 39:3

Tayomte Jesaea nạbi do Hiskiạ ṭhen senkateye kulikedea, “Onko hoṛko do cetʼko menkeda, ar oka khonko hecʼlena?” Hiskiại menkeda, “Onko do sạṅgiń disạm, Babel khonko hecʼlena.”

Jesaea 39:5

Unre Jesaea do Hiskiại metadea, “Phạdkoren Probhu Isor okae menetʼ ona baṛe ańjomme.

Jirimiạ 17:3

E Jihudạ, amakʼ kại gunạkʼte disạm talare ińakʼ burure amakʼ dhonko ar amakʼ murạiko ar goṭa disạm reakʼ amakʼ than boṭkocʼko do luṭ reakʼ jinis lekateń soprota.