Jesaea 39:1 - সান্তালী বাইবেল

¹ Un jokhecʼ Babel raj Baladanren hopon Merodak Baladan do Hiskiạwakʼ ruạ ar ruạ khon bogekʼ reakʼ khobor ańjomkate uni ṭhen ciṭhi ar sandeskoe kolkeda.

Jesaea 39:1 Referans Kwoze

Jesaea 23:13

Kạldikoakʼ disạm beṅgetʼakʼpe; mitʼ okte uniren hoṛko do celege bako baḍaeyetʼko tahẽkana. Ạsurrenko Babel do hahaṅkarren janwarkoakʼ ṭhạ̃iko hoy ocoakada, menkhan Babelrenko do Tur upạrte jhãp em lạgitʼ pahra oṛakʼ leka usul usul rãt gạḍiko benao akada, ar uniyakʼ maraṅ maraṅ oṛakʼko luṭ akada ar dhaṅ dhaserakʼ ḍạṅ lekako hoyocoakada.

Jesaea 13:19

Sanam rajosṭiko reakʼ ṭhonok Babel ar Kạldikoakʼ gorbo Isor do Sodom ar Gomora lekae dhaṅdhaser ocoya.

Jesaea 13:1

Amosren hopon Jesaea do Babel reaṅ dorsone ńamleda.

2 Bõsbudạ 32:31

Disạmre okaṭakʼ hahaṛa kạmi ńellen ona reaṅ kuliye lạgitʼ tinre Babelren mukhiyạko do goḍetko kolkedea unre Isor do uni biḍạue lạgitʼ iạteye bạgi oṭo akade tahẽkana, jemon uniyakʼ monre menakʼakʼ sodorokʼtae.

2 Bõsbudạ 32:23

Ar ḍherkoge Jerusalemre Probhu Isor ńutumte dan-sandesko ạgukeda ar Jihudạ raj do Hiskiạ lạgitʼ damanakʼ sandese ạgukeda. Onate ona okte khon sanam jạtren hoṛko do ạḍiko manotkedea.

2 Samuel 10:2

Dạude menkeda, “Hanunren apattetʼ Nahas ińre cetʼleka pạtiạranicʼe tahẽkan onkage iń hõ Hanunre pạtiạr akaniń tahena.” Ona iạte uniren apatakʼ gujukʼre uniyakʼ jiwi raṛecʼtae lạgitʼ uni do adom hoṛkoe kolketʼkoa. Onate Dạudren hoṛ do Amonrenkoakʼ disạmteko calaoena.

2 Samuel 8:10

Ar Dạud do Hadadeser sãoteye jitạu akante uni boge judạ ar johar emae lạgitʼ Toi do acʼren hopon Joram Dạud ṭhene kolkedea. Nui Hadadeser sãote Toi do aema dhaoe lạṛhạilena. Ar Joram do Dạud lạgitʼ sona, rupạ ar pitạl reakʼ jinisko soṅgeteye ạgudaraleda.

2 Bõsbudạ 32:25

Menkhan Hiskiạ do monre bạḍại hecʼadea. Uni cetanre cetʼleka bhore ńamketʼ ona leka do bae kạmileda; onate uni cetanre, Jihudạ ar Jerusalem cetanre Probhu Isor doe edreyena.