Jesaea 38:5 - সান্তালী বাইবেল

⁵ “Am do senkate Hiskiạm metaea, amren hapṛam Dạudren Probhu Isor do niạ kathae meneda, ‘amakʼ koejoṅiń ańjom akada ar amakʼ mẽtʼ dakʼ iń ńel akada; iń do amakʼ bahaokʼ din arhõ gelmõṛẽ bochor iń jutucʼatʼtama.

Jesaea 38:5 Referans Kwoze

Johan sodor 7:17

ente Bheḍa Hopon okoe do siṅghạsonre menae unige onkoren gupiyicʼe hoyokʼa. Ar jiwetʼ dakʼ reakʼ jharna ṭhene idikoa, ar Isor do onkoakʼ mẽtʼdakʼe jodtakoa.”

Sereńko 56:8

Tinạkʼ dhaoiń ńir baṛa akatʼ ona mam baḍaege; ińakʼ mẽtʼ reakʼ mẽtʼ dakʼte amakʼ kupi perejtam. Noako do cetʼ amakʼ puthire ol bạnukʼa.

Luk 1:13

Serma goḍet do uniye metadea, “Alom botorokʼa, Sakariạ, ente Isor do amakʼ koejoṅe ańjomakada. Amren bạhu Elisabetren do mitʼṭen koṛa gidrại hoyokʼtaea. Ar uniyakʼ ńutum do Johanem dohoytaea.

Sereńko 147:3

Rạputʼ monanko doe bogeyetʼkoa; ar onkoakʼ sanam ghaokoe tolkatako kana.

Sereńko 116:15

Probhu Isor ṭhen acʼ botoraekoakʼ gujukʼ reakʼ dam do ḍhergea.

2 Korinthiko 7:6

Menkhan Isor, one okoe do dukokʼkanko jiwi raṛecʼe emakokan, uni do Titusakʼ hijukʼ hotete jiwi raṛecʼe ematʼlea.

2 Rapajko 19:20

Unre Amosren hopon Jesaea do Hiskiạ ṭhen niạ kathae kolkeda, “Israelren Probhu Isore meneda, Asurren raj Senakerib reaṅ amakʼ koejoṅ do uniye ańjom akada.

Mathae 22:32

Onare ol akana, ‘Ińge Abrahamren Isor, Isahakren Isor, ar Jakobren Isor.’ Menkhan Isor do gocʼkoren Isor doe baṅkana, uni do jiwetʼkoren Isor kanae.”

2 Rapajko 18:2

Uni do bargel mõṛẽ bochor umerre raje hoylena ar Jerusalemre bargel are bochor raje calaokeda. Uniren eṅgatakʼ ńutum do Abi tahẽkana; uni do Sakariạren hoponerae tahẽkana.

1 Rapajko 8:25

“Ńitokʼ do E Israelren Probhu Isor, amren guti ińren ạpuń Dạud ṭhen okam gokʼletʼ ona baṛe purạume. Amem menleda uniren hoponko uni leka jotowakʼ kạmire amakʼ sana lekako calakʼ enḍekhan Israelakʼ siṅghạsonre duṛubokʼ lạgitʼ uniyakʼ bõsren hoṛkoakʼ okulạn do baṅ hoyokʼa.

Aposkạmi 27:24

‘E Pạul, alom botorokʼa. Am do Kạisạr samaṅre teṅgokʼ hoyokʼtama. Ar noa jahajre tinạkʼ do am sãoteko calakʼkan onko sanamkoakʼ jiwi Isor do dayateye dan akawatʼmea.’

Sereńko 39:12

E Probhu Isor, ińakʼ koejoṅ ańjomtińme; ar goṛowạń lạgitʼ ińakʼ rakʼ joṅ ańjomtińme; ińakʼ mẽtʼ dakʼ ńelte am do alom thir hapekokʼa; ente ińren sanam hapṛamko cetʼlekako tahẽkan onkage ińhõ dhạrtire upriạ hoṛko leka minạńa.

Jobakʼ 14:5

Manwakoakʼ bahaokʼ din do niṭ dohoakante; uniyakʼ candoko reakʼ lekhawakʼem ṭhik dohoakada; ar uniyakʼ simạnakom ṭhik dohoakatʼte, uni do ona bae parom daṛeakʼa.

2 Rapajko 18:13

Hiskiạ raje rajokʼ gelponakʼ bochorre Asurren raj Senakerib do Jihudạ reakʼ pạcrite esetʼ sanam nagrahakoe akromonketʼte onakoe hatkeda.

1 Rapajko 15:4

Enhõ Dạudakʼ katha disạite uniren Probhu Isor do Jerusalemre mitʼṭecʼ mạliye emena, metakʼme uniyakʼ siṅghạsonre duṛubokʼ lạgitʼ mitʼṭen hopone emena ar Jerusalem do ḍahao maraokʼ khone rukhiyạkeda,

2 Bõsbudạ 34:3

Uniyakʼ rajokʼ irạlakʼ bochorre uniyakʼ umer komge tahẽkanre hõ uniren hapṛam Dạudren Isorakʼ sana leka calakʼ reaṅgeye mone murukkeda. Uniye rajokʼ gelbar bochor oktere uni do than boṭkocʼko, Asera muṭhạnko, lakʼ rokʼ murtiko ar dul benao murhutʼko Jerusalem ar Jihudạ khone sạṅgińketʼkoa.

Jesaea 38:4

Unre Probhu Isorakʼ niạ katha do Jesaea ṭhen sodorena,

Sereńko 6:9

Ińakʼ nehõr do Probhu Isore lutur akawada, ar ińakʼ koejoṅe ataṅ akatʼtińạ.

Sosolhayic̕ 3:3

gujukʼ lạgitʼ okte ar bogekʼ lạgitʼ okte, rạputʼ giḍikakʼ lạgitʼ okte ar benao lạgitʼ okte,

Jesaea 37:21

Unre Amosren hopon Jesaea do Hiskiạ ṭhen niạ kathae kolkeda, “Israelren Probhu Isore meneda, Asurren raj Senakerib reaṅ amakʼ koejoṅ do uniye ańjom akada.

Rak̕joṅ 3:56

Ar ińakʼ nehõr joṅakʼem ańjomketʼtińạ, “Goṛo ńam lạgitʼ iń rakʼamre lutur do alom bond esetʼkatama. ”