Jesaea 38:3 - সান্তালী বাইবেল

³ “E Probhu Isor, disạime baṛe, am samaṅre oka leka pạtiạrạnicʼ iń tahẽkana ar goṭa ontorte am botoram tulucʼ iń dãṛãnkan tahẽkana ar amakʼ mẽtʼre oka ṭhikakʼkan onageń kạmiyetʼ tahẽkana.” Ar niạ menkate Hiskiạ do hũk hũke rakʼkeda.

Jesaea 38:3 Referans Kwoze

Ibriko 6:10

Isor doe hok bicạricʼ kana; onate apeakʼ kạmi ar uniren hoṛko sapʼ sohotʼakote okaṭakʼ dulạṛpe udukʼ akawade arpe udukʼetʼkan, ona do bae hiṛińa.

Ibriko 5:7

Okoe gocʼko khone rukhiyạ daṛeae uni Isor ṭhen Jisu do noa dhạrtire tahen jokhecʼ ãṭ aṛaṅte rakʼateye nehõrade tahẽkana are koeleda. Ar bhokti sãote batao tahẽkantaete Isor do uniyakʼ koejoṅe ańjomletʼtaea.

Nehemiạ 13:14

E ińren Isor, niạko kạmi lạgitʼ disạyińme baṛe. Ińren Isorakʼ oṛakʼ ar onaren sapʼdapʼ kạmi lạgitʼ pạtiạr salakʼ okań ceka akatʼ ona do alom muchạu giḍikakʼa.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

Johan 1:47

Jisu do Nathanael acʼ ṭhen hijukʼkane ńelkede khane menkeda, “Hạni ńelepe, mitʼṭen sạri Israel. Uniyakʼ monre do jãhãn phạsiạrage bạnukʼ anaṅ.”

Nehemiạ 13:22

Ona tayom iń do liwikoń hukumatʼkoa onko do apnartetʼko sapha maṛaṅokʼte jirạukʼ mãhã sonot dohoy lạgitʼ senkate jemon phaṭok duạrko horhoe. E ińren Isor, noa iạte hõ disạ dohoyińme ar amakʼ asambheṛ dulạṛte dayawạńme.

Nehemiạ 5:19

E ińren Isor, noko hoṛko lạgitʼ iń okakoń kạmi akatʼ ona iạte bhạlạyiń do alom hiṛińa.

Dosar Biboron 6:18

Ar jemon bhạlại hoyokʼtape onate Probhu Isorakʼ mẽtʼre okaṭakʼ do ṭhik ar bhageakʼkan onape kạmiya. Onate Probhu Isor do aperen hapṛamko ṭhen kiriạkate okaṭakʼ mońjakʼ disạm emokʼ reakʼ kathae gokʼletʼ, ona disạmte senkate onape ạidạri daṛeakʼa ar Probhu Isor okae menakatʼ onkage ape samaṅ khon bạirikope laga ńir daṛeakoa.

Sereńko 6:8

E bạṛicʼ kạmiyetʼkan hoṛko, ape sanamkoge iń ṭhen khon men ńirjoṅpe, ente Probhu Isor do ińakʼ rakʼe ańjom akatʼtińạ.

1 Bõsbudạ 29:19

Ińren hopon Solomon do khạtirjoma danaeme jemon amakʼ hukum, amakʼ katha ar amakʼ niạmkoe palon daṛeakʼ ar iń okaṭakʼ dalan benao lạgitʼ iń sapṛao akatʼ ona jemone benao daṛeakʼ.”

Hosea 12:4

Uni do Serma goḍet sãoteye lạṛhạilena ar uniye bhagaokedea; ar daya ńam lạgitʼ uni do rakʼ rakʼteye nehõrlena. Uni do Bethelre Probhu Isore ńamledea ar onḍe do Probhu Isor sãote kathaye roṛleda.

Sereńko 119:80

Amakʼ ạn ạriko senakʼ jokhecʼ ińakʼ ontor do jemon khạṭi tahen, jemon lajaore aloń paṛaokʼ.

Sereńko 102:9

Am do ińem giḍi akadińạ; amakʼ ạṛis ar edre iạte iń do bhabnate torocʼ jomte diniń ṭalaoeda; ińakʼ mẽtʼ dakʼ do ńũi dakʼ sãote mitʼ akana.

Sereńko 32:2

Bhạgangeae uni hoṛ, one okoeyakʼ dosko Probhu Isor doe ikạ akatʼtae, ar ontorre jãhãn eṛeteakʼ bạnukʼtae.

Sereńko 101:2

Sạbit jion khemao lạgitʼ iń moneyakʼa; Am do iń ṭhen tisem hijukʼa? Iń do sạbit monte ińakʼ oṛakʼreń tahena.

Sereńko 26:3

ente amakʼ asambheṛ dulạṛ do jao ghuṛi ińakʼ mẽtʼãhã samaṅrege menakʼa; ar amakʼ pạtiạr reakʼ katha disạkate iń doń taṛameda.

Sereńko 16:8

Probhu Isor do jaoge iń samaṅreń ńelekana; uni do ińakʼ jojomsa aṛere menaete iń doń ṭarhao akana.

Nehemiạ 13:31

Ona chaḍa okte nạpitre kaṭko ar pạhilte rakabokʼ phosol ạgui reakʼ hõń bebostawatʼkoa. E ińren Isor, iń bhạlạyiń lạgitʼ disạyińme baṛe.

Nehemiạ 1:4

Niạko katha ańjomkate iń do duṛupʼkate rarakʼ iń ehopʼena. Ar thoṛa din homor halaṅkate iń doń upạskeda ar sermaren Isor ṭheniń koekeda.

Esra 10:1

Esra do tinre Isorakʼ oṛakʼ samaṅre otre ombakʼkate rakʼ rakʼteye koejoṅkan tahẽkana ar kạiye aṅgocetʼ tahẽkana unre Israelkoren ạḍi utạr herel, maejiu ar gidrạko do uni ṭhen hecʼkateko jarwayena. Ar onko hõ ạḍitetʼko rakʼkeda.

2 Bõsbudạ 25:2

Uni do Probhu Isorakʼ mẽtʼre okaṭakʼ bhageakʼkan onageye kạmiyetʼ tahẽkana tobe goṭa monte do bae kạmikan tahẽkana.

2 Bõsbudạ 16:9

Okoe do Probhu Isorko botorae onko rukhiyạko lạgitʼ uniyakʼ mẽtʼ do dhạrti reakʼ sanam jaegakore tahena. Am do lelhawakʼem kạmi akada. Ńit khon am do ghane ghạṛicʼ lạṛhạirem paṛaokʼa.”

1 Bõsbudạ 29:9

Onko do kusi monte ar khulạsate goṭa ontorte Probhu Isorko emadete ạḍiko rạskạyena. Ar Dạud raj hõ ạḍiye rạskạyena.

1 Rapajko 2:4

Enḍekhan Probhu Isor do iń ṭhen okae gokʼakatʼ ona sanamakʼe purạua. Ona gokʼakʼ do hoyokʼkana, ‘amren bõsko goṭa monte pạtiạr salakʼ iń samaṅre taṛam lạgitʼ sontorte akoakʼ jionko khemao enḍekhan Israelkoakʼ siṅghạsonre duṛubokʼ lạgitʼ amakʼ bõsre hoṛkoakʼ okulạn do baṅ hoyokʼa.’

Genesis 17:1

Abramakʼ umer do tinre are gel are bochor tahẽkana unre Probhu Isor do uni ṭhen ńel ocoyenteye menkeda, “Iń kangeạń sanam daṛean Isor. Am do iń sãote helmel dohoyme ar ińakʼ sana leka calakʼme.

Genesis 6:9

Nohawakʼ jion reakʼ katha. Noha do mitʼṭen dhorom hoṛe tahẽkana. Ar acʼ okteren hoṛko modre uni eskarge dhorom hoṛ doe tahẽkana. Uni do Isor sãote jaoge helmel tahẽkantaea.

1 Rapajko 15:14

Uni do than boṭkocʼko bae marao utạrletʼre hõ jiwetʼ bhor Probhu Isorgeye botoradea.

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

Sereńko 6:6

Iń do kuhrạu kuhrạuteń laṅga caba akana; goṭa ńindạ rakʼ rakʼte aṭetʼiń lohotʼetʼtińạ, ar mẽtʼ dakʼte ińakʼ parkomiń ḍiń ḍạbureda.

Jesaea 38:2

Niạ katha ańjomkate Hiskiạ do bhit secʼ samaṅkate Probhu Isor ṭhen koeketʼteye menkeda,

Jesaea 38:4

Unre Probhu Isorakʼ niạ katha do Jesaea ṭhen sodorena,

2 Rapajko 18:3

Hiskiạ do acʼren hapṛam Dạud lekage Probhu Isorakʼ mẽtʼre oka bhageakʼkan onageye kạmikan tahẽkana.