Jesaea 38:16 - সান্তালী বাইবেল

¹⁶ E Probhu Isor, amakʼ katha ar kạmitege manwa do jiwetʼko tahenkana; niạko talarege ińakʼ jiu do jiwetʼ tahena. Ar ińakʼ hoṛmom ruạṛ kạtińte jiwetʼ iń tahena.

Jesaea 38:16 Referans Kwoze

1 Korinthiko 11:32

Menkhan Probhu Isore bicạrbonre uni doe ḍanṭaoetʼ bona, jemon dhạrtiren sanamko sãote dusi mente alo bon ṭarhaokʼ.

Mathae 4:4

Jisui roṛ ruạṛkeda, “Sonot sostorre ol menakʼa, eken piṭhạ motote manwa do jiwetʼ bako tahena, menkhan Isorakʼ moca khon oḍokokʼ kan mitʼke mitʼ kathatege jiwetʼko tahena.”

Sereńko 119:25

Iń do dhuṛireń guṛdạu akana; ar amakʼ katha leka nãwã daṛe baṛe danạńme.

Jesaea 64:5

Okoe do Isorakʼ sana leka kạmi lạgitʼ rạskạko ńametʼkan ar amko disạyetʼmete amakʼ horteko calakʼkan onko goṛowako lạgitʼ am dom hijukʼ kana; menkhan ale dole kại akada ar ḍher din khon inạ dosarege menakʼlete ale cetanre ạḍim raṅgao akana. Enḍekhan cekate bańcao dole ńama?

Sereńko 71:20

Am do iń cetanre ạḍi kosṭo ar muhinem ạguakada, enhõ ińakʼ jiwi do arhõm jiwetʼ ruạṛtińạ; hasa latar khon rakapʼ ạguakatʼ leka am do arhõm rakapʼ ruạṛińa.

Dosar Biboron 8:3

Uni doe nindhạn ocoketʼpea, reṅgecʼ ocoketʼpea ar Mannae jom ocoketʼpea one ona reakʼ katha ape ar aperen hapṛamkoakʼ baḍae baṅ tahẽkan. Onate niạ sikhnạte emapekana, manwa do eken piṭhạ motote jiwetʼ bako tahena, menkhan Probhu Isorakʼ moca khon oḍokokʼkan mitʼke mitʼ kathatege jiwetʼko tahena.

2 Korinthiko 4:17

Ale do ńitokʼ mitʼ ghạṛi lạgitʼ okale dukokʼkan ona khạtirte jaejug ṭhonokle hameṭ joṅa. Noa ṭhonok do nunạkʼge ḍhera je, ona do ohoge soṅlena.

Ibriko 12:9

Ona chaḍa bon ńelakada, dhạrtiren babako do aboko ḍanṭaoetʼbon tahẽkana ar abo do onko bon manotetʼko tahẽkana. Enḍekhan okoe do sanam jiukoren Baba kane unire gobol tahen do cetʼ artetʼge lek baṅkan tabona, jemon jion bon ńam?

Sereńko 39:13

Iń khon eṭakʼ secʼ beṅgedme, jemon ạuriń calakʼre, ar ạuriń uṭhạukʼre, arhõń kharsala daṛeakʼ.

Sereńko 119:71

Okaṭakʼ kosṭoń ńamakatʼ ona do iń lạgitʼ bhagege hoyakana; onate iń do amakʼ ạnkoń cetʼ daṛe akawada.

Sereńko 119:75

E Probhu Isor, ińiń baḍaea amakʼ ạn ạriko do dhoromte perecʼgea; ar amem pạtiạrge iạte ińem duk ocoakadińạ.

Sereńko 30:3

E Probhu Isor, am do patal puri khonem rakapʼ ạgu akadińạ; ar amgem bańcao doho akadińạ jemon ona khạndṛuṅre pheḍokʼ alo lagaoạń.