Jesaea 38:15 - সান্তালী বাইবেল

¹⁵ “Menkhan iń do cetʼ iń mena? Unige nonkae men akadińa ar acʼge noae nonka akada. Ińakʼ jiwi reakʼ noa jontrona iạte goṭa jion reakʼ sarecʼ bochorkore hape akaniń tahena.

Jesaea 38:15 Referans Kwoze

Jobakʼ 7:11

“Onate thir akan do ar bạń tahena. Ińakʼ mon reakʼ hasote kathań roṛa; ar haṛhatʼ jiwite ińakʼ dukiń lại sodora.

1 Rapajko 21:27

Ahab do Probhu Isorakʼ katha ańjomkate acʼakʼ kicricʼe oṛecʼketʼtaea ar gõṛẽ kicricʼe horokʼketʼte upạse ehopʼena. Uni do gõṛẽ kicricʼ horokʼ kategeye giticʼkokʼ kan tahẽkana ar mạ̃hir monteye dãṛã baṛaekan tahẽkana.

Jobakʼ 10:1

“Ińakʼ jiwi do iń bhitrire laṅgayentińạ, ińakʼ duk reakʼ katha do khulạsateń roṛa ar ińakʼ jiwi reakʼ hewer haṛhatʼrege kathań roṛa.

Johan 12:27

Ińakʼ jiwi do ńitokʼ khad badaokʼkan tińạ. Iń do cetʼ niạ kathageń mena, ‘E Baba, noa ghuṛi khon de bańcaoiń me?’ Menkhan niạ lạgitʼge coṅ noa okte hạbicʼ mań hecʼakana.

Jobakʼ 21:25

Arhõ eṭakʼ hoṛ do tishõ bhageakʼ bae jomeda uni do haṛhatʼ jiwitegeye gujukʼkana.

Esra 9:10

“Menkhan ńitokʼ do, E aleren Isor, niạ tayom ale do cetʼ jãhãnakʼle mendaṛekea? Am do amren nạbiko hotete okako hukumem em akatʼle ona dole bạgi akawada. Am dom menleda, ‘okaṭakʼ disạm ạidạri lạgitʼpe calakʼkan ona do onḍenko hoṛkoakʼ besapha iạte bhõnḍ akana. Onkoakʼ hirkhạwanakʼ kạmi iạte onko do disạm reakʼ mitʼ simạ khon eṭakʼ simạ hạbicʼ besaphawakʼteko perecʼ akada.

2 Rapajko 4:27

Menkhan maejiu do Karmel burure Isorren hoṛ ṭhen seṭerkate uniyakʼ jaṅgareye giḍiyena. Gehosi do uni ocoge lạgitʼe hecʼen khan Isorren hoṛe menkeda, “Uni do alom ocogea. Uniyakʼ monre ạḍi duk menakʼtaea, menkhan Probhu Isor do iń ṭhen khon onae danaṅ akada, ar bae lại akawạdińa.”

1 Samuel 1:10

Hanna do mon reakʼ kosṭote Probhu Isor ṭhen rakʼate koejoṅe ehopʼena.

Josuạ 7:8

E Probhu Isor, bạiriko ṭhen Israelkoko bhagao ocoyen tayom do ar mementeakʼ cetʼ menakʼtińạ?

Kạhtukko 31:6

Gujukʼ lạgidokʼko do bubulakʼ emakope. Ar darkha rasa do jiwire dukokʼkankoge;

Jesaea 38:17

“Ńelme, ińakʼ bhạlại lạgitʼge niạ bạṛicʼ jontronań jomeda menkhan nosṭokʼ reakʼ khorloṅ khon am do amakʼ dulạṛtem bańcao akadińạ. Ar ińakʼ joto kạikom capatʼ giḍi akada.

Sereńko 116:1

Iń do Probhu Isorgeń dulạṛ edekana, ente uni do ińakʼ nehõre ańjom akatʼtińạ.