Jesaea 37:36 - সান্তালী বাইবেল

³⁶ Ona tayom Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Ar dosar hilokʼ setakʼre hoṛko to tinreko beretʼena unre sanam jaegare eken mạ̃ṛĩko ńelkeda.

Jesaea 37:36 Referans Kwoze

Jesaea 10:12

Probhu Isor do Sion buru ar Jerusalem upạrte acʼakʼ sanam kạmi sạtkateye mena, “Ạsurren rajakʼ bạḍại ontor ar uniyakʼ gorbote perecʼ beṅgetʼ doń sạjạiyea,

2 Rapajko 19:35

Enhilokʼ ńindạ Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Dosar hilokʼ setakʼre hoṛko do tinreko beretʼena unre sanam jaegare mạ̃ṛĩko ńelkeda.

Jesaea 31:8

Probhu Isore meneda, “Manwa khonakʼ baṅkan nonkan mitʼṭecʼ tarwaṛe reakʼ hạnte Ạsurrenko doko gurokʼa; ar ona tarwaṛege onko doe ńẽtʼkoa. Uniren hoṛko do tarwaṛe samaṅ khonko ńir pharakokʼa ar onkoren juạnko do khaṭao lạgitʼko jormoṭkoa.

2 Samuel 24:16

Jerusalem marao lạgitʼ serma goḍet do tinre tiye tulketʼtaea unre Probhu Isor do ona bạṛicʼ sạjại khon mone ạcurketʼtaea. Ar okoe serma goḍet do hoṛkoe maraoetʼko tahẽkan uniye metadea, “Inạkʼkakʼme, ḍher hoyakana. Amakʼ ti do or ruạṛtam.” Un jokhecʼ Probhu Isorren goḍet do Jebusiạ Arownakʼ khạrại ṭhene teṅgo akan tahẽkana.

Aposkạmi 12:23

Herod do unre Isor bae sarhaoledete Probhu Isorren mitʼṭen goḍet do uniye ńẽtʼkedea, arko tejokedete uni doe gocʼena.

Jobakʼ 24:24

Onko do thoṛa ghạṛicʼ lạgitʼko usulokʼ kana, ar ona tayom do bako ṭarhaokʼkana. Onko doko copotʼ ocokʼa, ar ghãs lekako tolmojokʼa, ar phosol reakʼ gele lekako copeyakʼa.

1 Bõsbudạ 21:16

Inạ oktere Dạud do cetan secʼ beṅgetʼketʼteye ńelkeda, Probhu Isorren goḍet do rimilreye teṅgo akana ar uniyakʼ ti reakʼ tarwaṛe do Jerusalem cetanre tul akana. Noa ńelte Dạud ar murubbiko do gõṛẽ kicricʼko horokʼ akatʼ tahẽkanrege otreko taber hapeyena.

1 Bõsbudạ 21:12

Pe bochor hạbicʼ akal, se amren bạiriko ṭhen bhagaokate onko samaṅ khon pe cando hạbicʼ ńir baṛae, se pe mãhã hạbicʼ Probhu Isorakʼ tarwaṛe, metakʼme disạm cetanre mahamạri. Ona pe din Probhu Isorren goḍet do Israel reakʼ sanam jaegare ḍahao marao reakʼe kạmiya. Ado ńitokʼ hudiskate lạiyạńme, okoe ińe kolakadiń uni do cetʼ iń roṛ ruạṛaea?”

Exodus 12:30

Ona ńindạ Pharao ar acʼren sanam kạmiyạko ar Misor disạmren mitʼke mitʼ hoṛ do jạpitʼ khonko ebhenena; ar goṭa Misor disạmre maraṅ rakʼjoṅ ar hae haeyokʼ hoyena, ente mitʼṭecʼ oṛakʼ hõ baṅ badlena onḍe celege bako gocʼakan.

Exodus 12:23

Misriko ńẽtʼko jokhecʼ Probhu Isor do tinre Misor disạm talateye parom calakʼa ar unre apeakʼ duạr cạukạṭ reakʼ mãyãme ńelle khan uni do ona oṛakʼe bạgi oṭowakʼ are laha calakʼa. Ar okoe noa ḍahao marao reakʼ kạmiye kạmi uni do apeakʼ oṛakʼre bae bolo ocoaea.

Jesaea 10:26

Phạdkoren Probhu Isor do Oreb burure Midiạnrenkoe hạnko jokhecʼ cetʼlekae cekaletʼ onkage uni do cạbukkote Ạsurrene dalkoa. Ar Misorre cetʼe cekaletʼ onkage uni do dakʼ cetanre acʼakʼ ṭheṅgae tultaea.

Jesaea 27:7

Probhu Isor do Israelren sasantaoko cetʼlekae hạn akatʼko Israel do onka bae hạn akadea; okoe uniko khũn akade onko leka hõ uni do bae khũn akadea.

Daniel 3:28

Unre Nebukadnesar doe menkeda, “Sedrok, Mesak ar Abed-negoren Isorakʼge sarhao hoyokʼtae ma, okoe do acʼren serma goḍetko kolkate acʼren gutikoe bańcaoketʼkoa. Noko do uni cetanre biswạskatege rajakʼ hukumko bebataoleda ar akoren Isor chaḍa ar jãhãn debota sewawako bodolte gujukʼ hõ rạjigeko tahẽkana.

Mikạ 5:6

Onko do lạṛhại talate Ạsurrenkoakʼ disạm metakʼme, Nimrod disạmko calao. Ar Ạsurrenko do aboakʼ disạmko akromonle khan ar aboakʼ simạko lebetʼle khan unre onkoakʼ ti khon aboren disạm cakʼlaoicʼgeye rukhiyạbona.

Nạhum 3:3

ar aswariko doko ńir bhiṛạukʼkana, tarwaṛe do jhak jhakaokʼ kana, ar borlom do malkaokʼkana. Ńelpe, ḍher ghạl akan hoṛ ar mạ̃ṛĩko reakʼ ḍạṅge, alekha mạ̃ṛĩkoge, ar hoṛko do mạ̃ṛĩreko hãṛãgokʼ kana.

Jobakʼ 34:20

Mitʼ ripitʼregeko gujukʼkana, ar tala ńindạgeko gujukʼkana; arko dal dalao ocolen khan onko doko marao utạrokʼa. Jãhãe jãhãnakʼ bako kạmire hõ daṛeanko doko gujukʼkana.

Jesaea 10:25

Ape cetanre ińakʼ edre do usạratege cabakʼa, ar ona do Ạsurrenkoe maraokoa.”

Jesaea 29:5

Menkhan amren locotʼ locotʼ bạiriko do lopotʼ dhuṛi lekako hoyokʼa; onko kurmutạhako do oṭaṅokʼkan bhusạ lekako hoyokʼa. Hẽ, mitʼ ripitʼrege phạdkoren Probhu Isor do huḍur, ot laṛao ar ãṭ saḍete, bharḍo ar birbão hoe ar jojomkan seṅgelteye sạjạikoa.

Nạhum 1:12

Probhu Isore meneda, “E Jihudạ, Ạsurrenko doko daṛegere hõ arko alekhagere hõ enhõ onko doko gocʼ ocokʼa. Iń do sạrigeń duk ocoakatʼmea, menkhan ar bạń duk ocomea.